RK Roja Comments: పందులు పందులే, నన్ను వెన్నుపోటు పొడుస్తు్న్నారు - రోజా ఆవేదన

Nagari Constituency: నగిరిలో వైసీపీ రెబెల్స్ పై మంత్రి రోజా సంచలన వ్యాఖ్యలు చేశారు. ఎంతమంది ఒక్కటైనా పందులు పందులే.. సింహం సింహమే అన్నారు.

ఆర్కే రోజా

RK Roja News: ఎమ్మెల్యే ఆర్కే రోజా చిత్తూరు జిల్లా నుంచి వరుసగా మూడోసారి బరిలో అధికార పార్టీ నుంచి ఎన్నికల బరిలో దిగుతున్న సంగతి తెలిసిందే. అయితే ఆమెకు సొంత పార్టీలోని నేతల నుంచే తీవ్రమైన వ్యతిరేకత ఉంది. ఇప్పుడు ఆ రెబల్స్‌ ఆమెకు తలనొప్పిగా మారారు. వారిపై తాజాగా మంత్రి రోజా ఆగ్రహం వ్యక్తం చేశారు. ముఖ్యమంత్రి వైఎస్‌ జగన్ మోహన్‌ రెడ్డిని ఓడించడానికి అందరూ ఏకమయ్యారని ఆరోపించారు. ఎంతమంది ఒక్కటైనా పందులు పందులే.. సింహం సింహమే అన్నారు. కానీ, జగనన్న బాగుంటేనే మనం బాగుంటాం అనే విషయాన్ని గుర్తించాలని అన్నారు. అలాగే మన కుటుంబాలు బాగుంటాయని ఎమ్మెల్యే రోజా అన్నారు.

నగిరిలో తనకు వ్యతిరేకంగా పని చేస్తున్న వైసీపీ రెబెల్స్ పై మంత్రి రోజా ఆగ్రహం వ్యక్తం చేశారు. నగిరి నియోజకవర్గంలో అన్ని పదవులు అనుభవించి.. క్వారీల్లో అక్రమంగా సంపాదించుకొని.. తనను వెన్నుపోటు పొడుస్తు్న్నారని రోజా ఆరోపించారు. తనను ఓడించడానికి అందరూ ఒక్కటయ్యారని.. టీడీపీ అభ్యర్ది గాలి భాను ప్రకాష్ ను గెలిపించడానికి వైసీపీ రెబెల్స్ అతనికి సహకరిస్తున్నారని ఆరోపించారు. 

అలాంటి వెన్నుపోటు దారులకు బుద్ధి చెప్పాలని మంత్రి రోజా నగిరి ప్రజలకు సూచించారు. ప్రజలకు మంచి చేసిన తనను గెలిపించాలని నగరి ప్రజలకు రోజా విజ్ఞప్తి చేశారు. నగిరిలో మంత్రి రోజాతో పాటు, ఆమె భర్త సెల్వమణి విస్తృతంగా ప్రచార కార్యక్రమాల్లో పాల్గొంటున్నారు. వరుసగా రెండుసార్లు నగిరి నుంచి గెలిచిన రోజా.. మరోసారి కూడా గెలవాలని నిశ్చయంతో ఉన్నారు. కానీ, ఆమెకు సొంత పార్టీ నేతలే సహకరించడం లేదు. వైసీపీలో ఉంటూ తనకు వ్యతిరేకంగా ప్రెస్‌ పెట్టిన నేతలపై రోజా ఇప్పటికే వైసీపీకి ఫిర్యాదు చేశారు. వారిపై చర్యలు తీసుకునేలా కూడా చేశారు.