Rally For MLC Anantababu : ఎమ్మెల్సీ అనంతబాబుకు పాలాభిషేకం - ఇలా కూడా జరుగుతుందని తెలుసా ?

దళిత యువకుడ్ని హత్య చేసి జైల్లో ఉన్న అనంతబాబుకు మద్దతుగా వైఎస్ఆర్‌సీపీ కార్యకర్తలు ర్యాలీ చేశారు. చిత్రపటానికి పాలాభిషేకం నిర్వహించారు.

ఎమ్మెల్సీ అనంతబాబుకు పాలాభిషేకం - ఇలా కూడా జరుగుతుందని తెలుసా ?

Rally For MLC Anantababu :   హత్య చేసినట్లుగా అంగీకరించిన ఎమ్మెల్సీ అనంతబాబు వ్యవహారం రోజు రోజుకు కొత్త కొత్త మలుపులు తిరుగుతోంది. ఆయనపై వైఎస్ఆర్‌సీపీ హైకమాండ్ సస్పెన్షన్ వేటు వేసింది. అయితే రంపచోడవరం ఎమ్మెల్యే ధనలక్ష్మి మాత్రం తరచూ జైల్లో అనంతబాబును కలుస్తున్నట్లుగా ప్రచారం జరుగుతోంది. తాజాగా ఆమె కొంత మంది అనంతబాబు అనుచరులతో ర్యాలీ నిర్వహింప చేసి .. అనంతబాబు చిత్రపటానికి పాలాభిషేకం చేయించారన్న ఆరోపణలు వస్తున్నాయి.

దళిత యువకుడు సుబ్రహ్మ‌ణ్యంని అత్యంత కిరాతకంగా చంపిన ఎమ్మెల్సీ అనంతబాబుకి పాలాభిషేకం చేయించారు సిఎం జగన్ రెడ్డి. జైల్లో సకల సౌకర్యాలు, బయట ఫ్లెక్సీల‌తో ఊరేగింపులు చూస్తుంటే దళితులపై సాగుతున్న దమనకాండ అంతా జగన్ రెడ్డి కనుసన్నల్లోనే జరుగుతోందని స్పష్టమవుతోంది.(1/3) pic.twitter.com/UshbQWXI6y

— Lokesh Nara (@naralokesh) June 14, 2022

దేవీపట్నం మండలం ఇందుకూరు పేటలో   అనంత‌బాబుని హీరోగా కీర్తిస్తూ వైఎస్ఆర్‌సీపీ కార్యకర్తలు ఊరేగింపు నిర్వహించిన దృశ్యాలను టీడీపీ నేత లోకేష్ ట్వీట్ చేశారు.  ఈ ప్ర‌భుత్వంలో నిందితుల‌కు ర‌క్ష‌,  బాధితుల‌కు శిక్షేనని మరోసారి రుజువైందన్నారు. దమనకాండ అంతా జగన్ రెడ్డి కనుసన్నల్లోనే జరుగుతోందని స్పష్టమవుతోందని ఆరోపించారు.

హత్య కేసులో అనంతబాబు ప్రస్తుతం జైల్లో ఉన్నారు. ఆయనను పోలీసులు కస్టడీలోకి కూడా తీసుకోలేదు. సుబ్రహ్మణ్యంను తాను హత్య చేసినట్లుగా అంగీకరిస్తూ ఉచ్చిన వాంగ్మూలను బట్టే కేసు నమోదు చేశారు. కావాలని చంపలేదని.. గట్టిగా నెట్టడంతో పడిపోయి చనిపోయాడరని అనంతబాబు వాంగ్మూలం ఇచ్చారు. అయితే పోస్ట్ మార్టం రిపోర్టులో మాత్రం అనంతబాబు చనిపోకే ముందే పెద్ద ఎత్తున గాయాలున్నాయన్న రిపోర్ట్ వచ్చింది. 

దళితుల్ని దారుణంగా చంపే వాళ్లకి ప్రమోషన్లే తప్ప సస్పెన్షన్లు ఉండవని జ‌గ‌న్‌రెడ్డి వైసీపీ లీడ‌ర్ల నుంచి కేడ‌ర్ వ‌ర‌కూ భ‌రోసా ఇస్తున్నారు.(3/3)#JusticeForSubramanyamFamily #DalitLivesDontMatterInAP

— Lokesh Nara (@naralokesh) June 14, 2022

దీంతో అసలు సుబ్రహ్మణ్యం ను హత్య చేయడానికి ముందు ఏం జరిగింది ? ఎవరెవరు ఈ హత్యలో పాల్గొన్నారు ? వంటి అంశాలపై పోలీసులు ఆరా తీయాల్సి ఉంది. కానీ ఎలాంటి ప్రయత్నాలు చేయడం లేదు. ఈ విషయంపై పోలీసుల తీరు వివాదాస్పదమవుతోంది. మరో వైపు వైఎస్ఆర్‌సీపీ నుంచి సస్పెండ్ చేసినా ఆయనకు మద్దతుగా ర్యాలీలు.. పాలాభిషేకాలను ఆ పార్టీ నేతలు కొనసాగిస్తున్నారు.