Tirumala: తిరుమల నవంబర్ నెల ఆర్జిత సేవలు, దర్శన టోకెన్స్ విడుదలపై టీటీడీ ప్రకటన

tirumala: తిరుమల శ్రీవారి ఆలయంలో నవంబర్ నెల ఆర్జిత సేవలు, స్వామి వారి దర్శన ఆన్లైన్ కోట కు సంబందించి ఆగష్టు నెల లో విడుదల తేది లను తిరుమల తిరుపతి దేవస్థానం విడుదల

తిరుమల శ్రీవారి ఆలయం

Source : ttd

తిరుమల శ్రీవారి దర్శనం కోసం ఎదురు చూస్తున్న భక్తులకు తిరుమల తిరుపతి దేవస్థానం (టిటిడి) శుభ వార్త చెప్పింది. స్వామి వారి ఆర్జిత సేవలు, దర్శనం చేసుకునేందుకు ఆన్లైన్ కోట ను విడుదల చేస్తునట్లు ప్రకటించిది. నవంబర్ నెల ఆన్లైన్ కోటా ను ఆగష్టు లో భక్తులు బుక్ చేసుకోవాలి.

* ఆగష్టు 19న నవంబర్ నెల శ్రీ‌వారి ఆర్జితసేవా టికెట్ల ఆన్లైన్ కోటా విడుదల

      తిరుమ‌ల శ్రీ‌వారి ఆర్జిత సేవా టికెట్లకు సంబంధించిన నవంబరు నెల కోటాను ఆగష్టు 19న ఉదయం 10 గంట‌ల‌కు టీటీడీ ఆన్‌లైన్‌లో విడుదల చేయ‌నుంది.

      ఈ సేవాటికెట్ల ఎలక్ట్రానిక్ డిప్ కోసం ఆగష్టు 21వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చు. ఈ టికెట్లు పొందిన వారు ఆగష్టు 21 నుండి 23వ తేదీ మధ్యాహ్నం 12 గంటల లోపు సొమ్ము చెల్లించిన వారికి లక్కీడిప్‌లో టికెట్లు మంజూరవుతాయి.

      కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లను, అదేవిధంగా నవంబరు 9న శ్రీవారి ఆలయంలో నిర్వహించనున్న పుష్పయాగం సేవ టికెట్లను ఆగష్టు 22వ తేదీ ఉద‌యం 10 గంట‌ల‌కు ఆన్‌లైన్‌లో విడుదల చేస్తారు.

* ఆగష్టు 22న వర్చువల్ సేవల కోటా విడుదల

       వర్చువల్ సేవలు, వాటి దర్శన స్లాట్లకు సంబంధించిన నవంబరు నెల కోటాను ఆగష్టు 22న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయనుంది.

ఆగష్టు 23న‌ అంగప్రదక్షిణం టోకెన్లు….

       నవంబరు నెల‌కు సంబంధించిన అంగప్రదక్షిణం టోకెన్ల కోటాను ఆగష్టు 23న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.

శ్రీవాణి టికెట్ల ఆన్ లైన్ కోటా….

       శ్రీవాణి ట్రస్టు టికెట్లకు సంబంధించిన నవంబరు నెల ఆన్ లైన్ కోటాను ఆగష్టు 23వ తేదీ ఉదయం 11 గంటలకు టీటీడీ ఆన్లైన్ లో విడుదల చేయనుంది.

వృద్ధులు, దివ్యాంగుల దర్శన కోటా…

     వ‌యోవృద్ధులు, దివ్యాంగులు, దీర్ఘ‌కాలిక వ్యాధులున్న‌ వారు తిరుమల శ్రీ‌వారిని ద‌ర్శించుకునేందుకు వీలుగా నవంబరు నెల ఉచిత‌ ప్ర‌త్యేక ద‌ర్శ‌నం టోకెన్ల కోటాను ఆగష్టు 23న మధ్యాహ్నం 3 గంట‌ల‌కు టీటీడీ ఆన్‌లైన్‌లో విడుద‌ల చేయ‌నుంది.

ఆగష్టు 24న ప్రత్యేక ప్రవేశ దర్శన టికెట్ల కోటా విడుదల

     నవంబరు నెల‌కు సంబంధించిన ప్రత్యేక ప్రవేశ దర్శన టికెట్ల (రూ. ౩౦౦) కోటాను ఆగష్టు 24న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.

తిరుమ‌ల‌, తిరుప‌తిల‌లో గదుల కోటా విడుద‌ల‌…

       తిరుమల, తిరుపతిల‌లో నవంబరు నెల గదుల కోటాను ఆగష్టు 24న మధ్యాహ్నం 3 గంటలకు ఆన్‌లైన్‌లో విడుదల చేస్తారు.

ఆగష్టు 27న శ్రీవారి సేవ కోటా విడుదల

        ఆగష్టు 27న తిరుమ‌ల – తిరుప‌తి శ్రీవారి సేవ కోటా ఉదయం 11 గంటలకు, న‌వ‌నీత సేవ మ‌ధ్యాహ్నం 12 గంట‌ల‌కు, ప‌ర‌కామ‌ణి సేవ మ‌ధ్యాహ్నం 1 గంట‌కు ఆన్‌లైన్‌లో విడుదల చేయనున్నారు.

     టిటిడి అధికారిక వెబ్ సైట్  https://ttdevasthanams.ap.gov.in వెబ్‌సైట్ ద్వారా శ్రీ‌వారి ఆర్జిత‌సేవ‌లు, ద‌ర్శ‌న టికెట్లు బుక్ చేసుకోవాల‌ని కోర‌డ‌మైన‌ది. దళారులను, తెలియని వెబ్ సైట్స్ ద్వారా బుక్ చేసుకొని మోసపోకండి అని టిటిడి విజ్ఞప్తి చేస్తుంది.