TDP: ఎన్నికలకు ముందు విజయమ్మ అమెరికా పర్యటన సీక్రెట్ ఇదే - టీడీపీ సంచలనం

Andhra Pradesh: తల్లిపైనా జగన్ కుట్ర చేశారని టీడీపీ సంచలన ఆరోపణలు చేసింది. ఈ మేరకు సోషల్ మీడియాలో పెట్టిన ట్వీట్ వైరల్ అవుతోంది.

విజయమ్మ కారు ప్రమాదంపై టీడీపీ ఆరోపణలు

Source : x

TDP made sensational allegations that Jagan had conspired against his mother:  వైఎస్ జగన్మోహన్ రెడ్డి కుటుంబంలో ఏర్పడిన ఆస్తుల వివాదాన్ని  తెలుగుదేశం పార్టీ రాజకీయంగా జగన్ పై ఎటాక్ చేయడానికి ఉపయోగించుకుంటోంది. ఎలాంటి చిన్న అవకాశాన్నీ వదిలి పెట్టడం లేదు. సంచలన ఆరోపణలు చేస్తోంది. ఎన్నికలకు ముందు విజయమ్మ ఇండియాలో లేరు. షర్మిల కుమారుడితో కలిసి అమెరికా వెళ్లిపోయారు. ఎన్నికలు అయిపోయిన తర్వాతనే తిరిగి వచ్చారు. అక్కడి నుంచే షర్మిలకు మద్దతుగా వీడియోలు విడుదల చేశారు. ఎన్నికల సమయంలో ఆమె ఇక్కడ ఉండకుండా ఎందుకు వెళ్లారన్నదానిపై అప్పట్లో అనేక ప్రచారాలు జరిగాయి. కానీ అసలు విషయం ఇదేనంటూ టీడీపీ కొత్తగా ఆరోపణలు ప్రారంభించింది.

ఓ సారి హైదరాబాద్ నుంచి  వైఎస్ విజయమ్మ  కొత్త కారులో కర్నూలులో జరిగిన  బంధువుల ఇంట శుభకార్యానికి వెళ్లారు. తిరిగి వచ్చేటప్పుడు కారు రెండు టైర్లు ఒకే సారి పేలిపోవడంతో పెను ప్రమాదం తప్పింది. అది కొత్త టొయోటా కారు. కనీసం రూ. కోటి రూపాయల వరకూ ఉంటుంది. అత్యున్నత సెక్యూరిటీ ఉంటుంది. లాంగ్ జర్నీకి అనువుగా టొయోటా వెల్ ఫైర్ మోడల్ ఉంటుంది. అలాంటి కారు టైర్లు అదీ కొత్తవి ఒకే సారి పేలడం సాధ్యం కాదని  దీని వెనుక కుట్ర ఉందని అప్పట్లో చెప్పుకున్నారు. ఇప్పుడు ఆరోపణల్ని తెరపైకి తెచ్చింది. ఈ మేరకు సోషల్ మీడియాలో  ఆరోపణలతో ఓ పోస్టు పెట్టింది. 

అత్యాధునిక సెక్యూరిటీ హంగులు ఉన్న కారు. అయినప్పటికీ ఒకేసారి రెండు చక్రాలు ఊడిపోయాయి. ఇంకా నయం ఆమెకు ప్రాణాపాయం తప్పింది. ఇంత హై ఎండ్ కారు, అదీ కొత్త కారుకి ఇలా జరగడం చూసి, ముందు ఆశ్చర్యపోయి, తర్వాత మన సైకో బ్యాక్ గ్రౌండ్ తెలిసి, ఏం జరిగిందో చాలా మంది ఊహించారని టీడీపీ చెప్పుకొచ్చింది.   2024 ఎన్నికల ముందు. 2019 ఎన్నికలకు బాబాయ్ ని లేపేసినట్టే... ఈ ఎన్నికలకు మరో పెద్ద తలకాయను జగన్ టార్గెట్ చేస్తాడేమో అని ఏపీ ప్రజలు అనుకుంటున్న సమయంలో ఇది జరిగింది. తర్వాత ఏడాది పాటు విజయ రాజశేఖర్ రెడ్డి గారు అమెరికాలోనే ఉన్నారు. లోగుట్టు ఆ కుటుంబానికే  తెలుసని చెప్పుకొచ్చింది. 

రోడ్డు పక్కన దీనంగా పడి ఉన్న ఈ ఖరీదైన కారు ఎవరిదో కాదు... వందల మందిని తనకు రక్షణగా పెట్టుకుని తిరిగే లక్షల కోట్ల ఆస్తిపరుడు జగన్ మోహన్ రెడ్డి తల్లి విజయ రాజశేఖర్ రెడ్డి ప్రయాణిస్తున్న వాహనం ఇది. సరికొత్త కారు. అత్యాధునిక సెక్యూరిటీ హంగులు ఉన్న కారు. అయినప్పటికీ ఒకేసారి రెండు… pic.twitter.com/GWGdbXm6xz

— Telugu Desam Party (@JaiTDP) November 1, 2024

తెలుగుదేశం పార్టీ చేసిన ట్వీట్ వైరల్ గా మారింది. వైసీపీ కుటుంబంలో ఏర్పడిన వివాదంతో ... షర్మిలకు మద్దతుగా ఇటీవల విజయమ్మ ఓ లేఖ రాశారు. ఆ తర్వాత విజయమ్మకు వ్యతిరేకంగా వైసీపీ పార్టీ తరపున బ హిరంగ లేఖ విడుదల చేశారు. ఈ క్రమంలో విజయమ్మపై గతంలో జగన్ కుట్ర చేశారని ఆరోపించడం  కలకలం రేపుతోంది.