Pawan Campaign : కోలుకున్న పవన్ కల్యాణ్ - ఆదివారం నుంచి ఉత్తరాంధ్ర ప్రచారం !

Andhra News : ఆదివారం నుంచి ఉత్తరాంధ్రలో పవన్ ప్రచారం చేయనున్నారు. జ్వరం నుంచి పూర్తిగా కోలుకున్నారు.

ఆదివారం నుంచి ఉత్తరాంధ్రలో పవన్ ప్రచారం

Pawan will campaign in Uttarandhra from Sunday : జ్వరం బారిన పడటంతో తాత్కలికంగా ప్రచారాన్ని నిలిపి వేసిన పవన్ కల్యాణ్  మళ్లీ ఆదివారం నుంచి ప్రారంభించనున్నారు.  ఏప్రిల్ 7 నుంచి పవన్ కల్యాణ్ వారాహి విజయభేరి యాత్ర ఉత్తరాంధ్రలో నిర్వహించనున్నారు. స్వల్ప అస్వస్థత కారణంగా పవన్ ఎన్నికల ప్రచారానికి బ్రేక్ పడింది.  యాత్రలో భాగంగా అనకాపల్లిలో 7న సభ నిర్వహించనున్నారు. 8న ఎలమంచిలి, 9న పిఠాపురంలో సభ నిర్వహించనున్నారు. ఆ తరువాత జనసేన అభ్యర్థులు పోటీ చేస్తున్న నెల్లిమర్ల, అనకాపల్లి, యలమంచిలి నియోజకవర్గాల్లో పవన్ కల్యాణ్ ఎన్నికల ప్రచారం నిర్వహించనున్నారు. పిఠాపురం తర్వాత ఆయన తెనాలిలో ప్రచారం చేయాల్సి ఉంది. ఉత్తరాంధ్ర  పర్యటన తర్వాత తెనాలి సభలో ప్రసంగించే అవకాశం ఉంది. 

 

7వ తేదీన అనకాపల్లి, 8న ఎలమంచిలిలో శ్రీ @PawanKalyan గారి సభలు#VarahiVijayaBheri#VoteForGlass pic.twitter.com/4hxeXjCOBP

— JanaSena Party (@JanaSenaParty) April 5, 2024

తెలుగుదేశం జనసేన బీజేపీ పార్లమెంటు స్థాయి ఉమ్మడి సమన్వయ సమావేశాలు ప్రారంభమయ్యాయి.  రాష్ట్ర వ్యాప్తంగా అన్ని పార్లమెంట్ స్థాయిలో ఉమ్మడి సమన్వయ సమావేశాలు నిర్వహించనున్నారు. ఎన్నికల్లో అనుసరించాల్సిన వ్యూహం పై చర్చించి కూటమి కార్యాచరణను రూపొందించుకోనున్నారు. ఎన్నికలు సన్నద్ధత, ఓటర్ లిస్ట్ వెరిఫికేషన్, కొత్త ఓటర్లు, ఇతర ప్రాంతాల్లో నివసించే ఓటర్లు, పోస్టల్ ఓట్లు, బూత్ ఏజెంట్ లు తదితర అంశాలపై చర్చించనున్నారు.                                                                                    

కూటమి తరపున భారీ బహిరంగ సభలు నిర్వహణ, సామాజిక మాధ్యమాల్లో ఎంపీ ఎమ్యెల్యే అభ్యర్థులు ప్రచారం పై చర్చించి నిర్ణయం తీసుకోనున్నారు. ఎంపీ అభ్యర్థి మేనిఫెస్టో ఇతర స్థానిక సమస్యలపైనా చర్చించనున్నారు. కూటమి పార్లమెంట్​ స్థాయి అభ్యర్థులు, పార్టీ అధ్యక్షులు పాల్గొనున్నాంట్లు సమాచారం. అంతే కాకుండా 7 అసెంబ్లీ స్థానాల అభ్యర్థులు, 7 నియోజకవర్గ ఇన్​ఛార్జీలు ఈ సమావేశానికి హాజరుకానున్నారు.                                                 

పవన్ కల్యాణ్ కూడా రాష్ట్ర వ్యాప్తంగా ప్రచారం చేయనున్నారు. మొదట జనసేన అభ్యర్థులు పోటీ చేస్తున్న చోట ప్రచారం పూర్తి చేస్తారు. తర్వాత  నామిషన్లు ప్రారంభమవగానే..  ఉమ్మడి ప్రచార వ్యూహాలను ఖరారు చేస్తారు.