News
News
X

ఎమ్మెల్యే అనిల్ ఇంటి ముందు బీజేపీ నిరసన - పరిస్థితి ఉద్రిక్తం

నెల్లూరులోని అనిల్ ఇంటి ముందు బీజేపీ నేతలు ధర్నా చేపట్టారు. అయ్యప్పస్వామి చిత్ర పటాన్ని చేతిలో పట్టుకుని ఆయన ఇంటి ముందు బైఠాయించారు. అయ్యప్ప స్వాములకు అనిల్ క్షమాపణ చెప్ప్లాలని డిమాండ్ చేశారు.

FOLLOW US: 
Share:

మాజీ మంత్రి అనిల్ కుమార్ యాదవ్ అయ్యప్ప మాల ధరించి, ముస్లింలకు సంబంధించిన టోపీ పెట్టుకోవడం సరికాదంటూ బీజేపీ విమర్శలు చేస్తోంది. అయ్యప్పమాలను అపవిత్రం చేశారంటూ బీజేపీ నేత విష్ణువర్దన్ రెడ్డి ట్విట్టర్లో ఓ వీడియో విడుదల చేశారు. దీంతో నెల్లూరులోని అనిల్ ఇంటి ముందు బీజేపీ, బీజేవైఎం నేతలు ధర్నా చేపట్టారు. అయ్యప్పస్వామి చిత్ర పటాన్ని చేతిలో పట్టుకుని ఆయన ఇంటి ముందు బైఠాయించారు. అయ్యప్ప స్వాములకు అనిల్ క్షమాపణ చెప్పాలని డిమాండ్ చేశారు. పోలీసులు వారిని తరలించే క్రమంలో ఒక్కసారిగా అనిల్ అనుచరుడొకరు రాయి తీసుకుని ఆ గుంపుపై వేశాడు. దీంతో అతడిని కూడా పోలీసులు పక్కకు లాగేశారు. అనిల్ ఇంటి ముందు ఉద్రిక్త వాతావరణం నెలకొంది.


మాజీ మంత్రి అనిల్ ప్రస్తుతం అయ్యప్పమాల ధరించి ఉన్నారు. గడప గడప కార్యక్రమంలో కూడా ఆయన మాలధారణతోనే పాల్గొంటున్నారు. ఇటీవల అనిల్ నెల్లూరులోని ఖుద్దూస్ నగర్లో పర్యటించిన సందర్భంగా మైనార్టీలతో సమావేశమయ్యారు. ఈ సమయంలో ఆయన ముస్లింలు ధరించే టోపీ పెట్టుకున్నారు. దీనిపై ఇప్పుడు బీజేపీ విమర్శలు చేస్తోంది. అనిల్ కుమార్ యాదవ్ అయ్యప్ప మాలలో ఉన్నప్పడు అన్యమతాలకు చెందిన వస్త్రధారణ ఎందుకు చేశారంటూ మండిపడ్డారు బీజేపీ నేత విష్ణువర్దన్ రెడ్డి. ట్విట్టర్లో ఆయన ఓ వీడియో విడుదల చేశారు.

ఏపీలో వైసీపీ నేతలు ప్రతిరోజూ ఏదో ఒక వివాదాస్పద అంశాలతో హిందువులను అవమానిస్తున్నారని విష్ణువర్దన్ రెడ్డి ట్విట్టర్లో ఓ కామెంట్ పెట్టారు. తాజాగా అనిల్ కుమార్ యాదవ్ హిందువులను అవమానించారని, వెంటనే వైసీపీ అధిష్టానం దీనిపై స్పందించాలన్నారాయన. అనిల్ కుమార్ యాదవ్ అయ్యప్ప స్వాములకు క్షమాపణ చెప్పాలని, పార్టీ దీనిపై వివరణ ఇవ్వాలని డిమాండ్ చేశారు విష్ణువర్దన్ రెడ్డి.

విష్ణువర్దన్ రెడ్డి వీడియో విడుదల చేసిన తర్వాత దానికి కౌంటర్ గా వైసీపీ నుంచి కూడా వివరణలు వచ్చాయి. గతంలో బీజేపీ నేతలు అయ్యప్పమాల ధరించి చెప్పులు వేసుకున్న వీడియోలను, ఫొటోలను వైసీపీ నేతలు షేర్ చేశారు. అయ్యప్ప మాల ధరించి టోపీ పెట్టుకోవడం తప్పేంటని ప్రశ్నించారు. పరమత సహనం ఉండాలనేదే హిందూ మత ధర్మం అని దాన్ని, ఇలా తప్పుగా అర్థం చేసుకోవద్దన్నారు.

అయితే విష్ణు వీడియో మాత్రం సోషల్ మీడియాలో వైరల్ గా మారింది. మాజీ మంత్రి అనిల్ ఈ వ్యవహారం జరిగిన సమయంలో నెల్లూరులో లేరు. ఆయన విజయవాడలో పార్టీ కార్యక్రమాల్లో పాల్గొనేందుకు వెళ్లారు. అనిల్ లేని సమయంలో బీజేపీ నేతలు ఆయన ఇంటిముందు చేసిన రగడ ఇప్పుడు చర్చనీయాంశంగా మారింది. గొడవ చేసినవారిని పోలీసులు అదుపులోకి తీసుకున్నారు. అదే సమయంలో బీజేవైఎం నేతలపై రాళ్లదాడి జరిగిందని వారు కూడా పోలీసులకు ఫిర్యాదు చేశారు. అనిల్ వర్గం వారు తమని రాళ్లతో కొట్టారని అన్నారు. కొన్ని వీడియోల్లో రాళ్లు వేసిన దృశ్యాలు స్పష్టంగా కనిపిస్తుండటంతో పోలీసులకు ఏం చేయాలో అర్థం కావడంలేదు.

మొత్తమ్మీద, అనిల్ వ్యవహారం ఇటు నెల్లూరులోనే కాదు, అటు రాష్ట్రవ్యాప్తంగా చర్చనీయాంశంగా మారింది. సున్నిత అంశాలను బీజేపీ రాజకీయం చేయాలని చూస్తోందని వైసీపీ మండిపడుతోంది. అనిల్ ముస్లింలకు టోపీ పెట్టుకోవడం ఇదే తొలిసారి కాదని, ఆయన అన్నిరకాల మత సంప్రదాయాలను పాటిస్తారని చెబుతున్నారు అనుచరులు. అయ్యప్ప మాల ధరించినా అన్యమతాలను గౌరవించడం మన సంప్రదాయం అంటున్నారు. అందుకే ఆయన టోపీ ధరించాడని వివరణ ఇస్తున్నారు.

Published at : 26 Nov 2022 07:09 AM (IST) Tags: BJP Protest Nellore politics ex minister anil nellore abp news Nellore News

సంబంధిత కథనాలు

ఏందయ్యా ఇది-నువ్వు కూడానా? ఉదయగిరి ఎమ్మెల్యేకు మంత్రి కాకాణి క్లాస్!

ఏందయ్యా ఇది-నువ్వు కూడానా? ఉదయగిరి ఎమ్మెల్యేకు మంత్రి కాకాణి క్లాస్!

దమ్ముంటే వెంకటగిరి వచ్చి పోటీ చెయ్- ఆనం రాంనారాయణ రెడ్డికి నేదురుమల్లి సవాల్

దమ్ముంటే వెంకటగిరి వచ్చి పోటీ చెయ్- ఆనం రాంనారాయణ రెడ్డికి  నేదురుమల్లి సవాల్

Perni Nani On Kotamreddy : జగన్ పిచ్చి మారాజు అందర్నీ నమ్మేస్తారు, కోటంరెడ్డి నమ్మక ద్రోహం చేశారు - పేర్ని నాని

Perni Nani On Kotamreddy : జగన్ పిచ్చి మారాజు అందర్నీ నమ్మేస్తారు, కోటంరెడ్డి నమ్మక ద్రోహం చేశారు - పేర్ని నాని

రసవత్తరంగా నెల్లూరు రాజకీయం- కోటం రెడ్డి స్థానంలో ఆదాల ప్రభాకర్ రెడ్డి!

రసవత్తరంగా నెల్లూరు రాజకీయం- కోటం రెడ్డి స్థానంలో ఆదాల ప్రభాకర్ రెడ్డి!

Nellore News : ఇద్దరు రెడ్లు పోతే మరో 10 మంది వస్తారు- ఆనం, కోటంరెడ్డిపై విజయ్ కుమార్ రెడ్డి ఫైర్

Nellore News : ఇద్దరు రెడ్లు పోతే మరో 10 మంది వస్తారు- ఆనం, కోటంరెడ్డిపై విజయ్ కుమార్ రెడ్డి ఫైర్

టాప్ స్టోరీస్

Telangana budget 2023 : కొత్త పన్నులు - భూముల అమ్మకం ! తెలంగాణ బడ్జెట్‌లో ఆదాయ పెంపు మార్గాలు ఇవేనా ?

Telangana budget 2023 :  కొత్త పన్నులు -  భూముల అమ్మకం ! తెలంగాణ బడ్జెట్‌లో ఆదాయ పెంపు మార్గాలు ఇవేనా ?

Pawan Kalyan On Anam : డీజీపీ బాధ్యత తీసుకోకపోతే కేంద్ర హోంశాఖకు ఫిర్యాదు - ఆనం, కోటంరెడ్డి ఇష్యూపై పవన్ కల్యాణ్ హెచ్చరిక

Pawan Kalyan On Anam : డీజీపీ బాధ్యత తీసుకోకపోతే కేంద్ర హోంశాఖకు  ఫిర్యాదు - ఆనం, కోటంరెడ్డి ఇష్యూపై పవన్ కల్యాణ్ హెచ్చరిక

YS Sharmila Gift To KCR : సీఎం కేసీఆర్ కు షూస్ గిఫ్ట్ పంపిన షర్మిల, తమతో ఒక్కరోజు పాదయాత్ర చేయాలని సవాల్

YS Sharmila Gift To KCR : సీఎం కేసీఆర్ కు షూస్ గిఫ్ట్ పంపిన షర్మిల, తమతో ఒక్కరోజు పాదయాత్ర చేయాలని సవాల్

Lokesh Padayatra : నెల్లూరు నుంచి జగన్ పతనం స్టార్ట్, పెద్దిరెడ్డి లోకల్ వీరప్పన్ - లోకేశ్

Lokesh Padayatra : నెల్లూరు నుంచి జగన్ పతనం స్టార్ట్, పెద్దిరెడ్డి లోకల్ వీరప్పన్ - లోకేశ్