MSME Credit Support Scheme: చిరు వ్యాపారులకు కేంద్రం క్రెడిట్ సపోర్ట్.. ఇ-కామర్స్ ఎక్స్ పోర్ట్స్ స్కీమ్ పూర్తి వివరాలు ఇలా!

MSME Credit Support Scheme: ఆన్ లైన్ ప్లామ్ ఫామ్ ల ద్వారా చిరు వ్యాపారస్తులు తమ ఉత్పత్తులను అంతర్జాతీయంగా విక్రయించుకునేందుకు కేంద్రం ఇ-కామర్స్ ఎక్స్ పోర్టర్స్ క్రెడిట్ సపోర్ట్ పథకాన్ని ప్రారంభించింది.

MSME Credit Support Scheme: చిరు వ్యాపారులకు కేంద్రం క్రెడిట్ సపోర్ట్.. ఇ-కామర్స్ ఎక్స్ పోర్ట్స్ స్కీమ్ పూర్తి వివరాలు ఇలా!

Source : gemini Ai

MSME Credit Support Scheme: ఆన్‌లైన్ ప్లాట్‌ఫామ్‌ల ద్వారా చిరు వ్యాపారస్తులు.. తమ ఎగుమతులను పెంచుకోవడానికి కేంద్ర ప్రభుత్వం ఒక నూతన ఆర్థిక సహాయ పథకాన్ని ప్రారంభించింది. ఈ పథకాన్ని వాణిజ్య, పరిశ్రమల మంత్రిత్వ శాఖ, డైరెక్టరేట్ జనరల్ ఆఫ్ ఫారిన్ ట్రేడ్ (DGFT)  అమలు చేస్తున్నాయి. ఎగుమతి ప్రోత్సాహక మిషన్ – నిర్యత్ ప్రోత్సాహన్‌లో భాగంగా  "ఇ-కామర్స్ ఎక్స్ పోర్టర్స్ క్రెడిట్ సపోర్ట్ " అని దీనిని పిలుస్తారు. ఇ-కామర్స్ ప్లాట్‌ఫామ్‌ల ద్వారా తమ ఉత్పత్తులను అంతర్జాతీయంగా విక్రయించుకోవడానికి చిన్న వ్యాపారులు ముఖ్యమంగా ఎంఎస్‌ఎంఈలకు ఈ పథకం కింద ఆర్థిక సహాయాన్ని అందిస్తుంది.

అనేక మంది చిరు వ్యాపారులు ఆన్‌లైన్ మార్కెట్‌ప్లేస్‌ల ద్వారా వస్తువులను ఎక్స్ పోర్ట్ చేయాలనుకుంటారు. కానీ ఆర్థిక సవాళ్ల కారణంగా వారికి అది కష్టంగా మారుతుంది. అయితే ఇప్పుడు ఈ పథకం ద్వారా ఆర్థిక సమస్యను పరిష్కరించడానికి ఎగుమతిదారులకు రుణ హామీలు, వడ్డీ మద్దతులను కేంద్ర ప్రభుత్వం అందిస్తుంది.

ఈ పథకాన్ని ప్రారంభించడానికి కారణాలు

దేశ ఎగుమతుల్లో చిన్న, మధ్య తరహా పరిశ్రమలు కీలక పాత్ర పోషిస్తున్నాయి. చాలా వరకు సూక్ష్మ, చిన్న, మధ్య తరహా సంస్థలు బ్యాంకు రుణాలు పొందడంలో ఇబ్బందులను ఎదుర్కొంటాయి. ఎందుకంటే ఆర్థిక సంస్థలు వీటిని హై రిస్క్ బారోవర్స్ గా చూస్తాయి.

ఎగుమతిదారులకు మూలధనం సమస్యలను పరిష్కరించేందుకు 
వినియోగదారుల డిమాండ్ లేకపోయినా తమ ఉత్పత్తులను తయారు చేయడానికి ఎంఎస్ఎంఈలకు సహాయం అందించేందుకు 
ఇ-కామర్స్ మార్గాల ద్వారా పనిచేసే కంపెనీలకు ఆర్థిక సహాయం అందించేందుకు
భారత్ నుంచి అంతర్జాతీయ మార్కెట్ లింకింగ్ ను పెంచుకోవడానికి  
చిరు వ్యాపారులు తమ ఉత్పత్తులను సమర్థవంతంగా ఎగుమతి చేయడానికి  

అర్హతలు 

1. చెల్లుబాటు అయ్యే దిగుమతిదారు ఎగుమతిదారు కోడ్ (IEC)
2. రిజిస్టర్డ్ MSME ఉద్యమ్ నంబర్
3. ఇ-కామర్స్ సేల్స్ లో అనుభవం
4. పోస్టల్ లేదా కొరియర్ మార్గాల ద్వారా ఎగుమతి కార్యకలాపాలు
5. దేశీయ ఇ-కామర్స్ కార్యకలాపాలలో ఒక సంవత్సరం పూర్తి చేసుకున్న ఎక్స్ పోర్టర్ అయిన దరఖాస్తు చేసుకోవచ్చు.  

ఈ పథకం కింద ఎగుమతిదారులకు బ్యాంకులు, ఆర్థిక సంస్థలు రుణ సహాయాలను అందిస్తాయి. 

ముఖ్య ఆర్థిక ప్రయోజనాలు 

• మనీ క్రెడిట్ లేదా ఓవర్‌డ్రాఫ్ట్ సౌకర్యాలు
• వర్కింగ్ కేపిటల్ సపోర్ట్  
• క్రెడిట్ గ్యారెంటీ కవరేజ్
• వడ్డీ రాయితీ 
• బ్యాంకులు, ఆర్థిక సంస్థలకు కేంద్ర ప్రభుత్వ హామీ   

క్రెడిట్ పరిమితులు 

ఈ పథకాన్ని రెండు విధాలుగా అమలు చేస్తారు. 

1. డైరెక్ట్ ఇ-కామర్స్ క్రెడిట్ ఫెసిలిటీ 

• క్రెడిట్ పరిమితి గరిష్టంగా రూ. 50 లక్షలు  
• రుణ మొత్తంలో 90 శాతాన్ని హామీ  
• రుణ కాలపరిమితి గరిష్టంగా 365 రోజులు 
• గ్యారెంటీ ఫీ ప్రతి ఏడాది మొత్తంలో 0.5 శాతం  

2. విదేశీ సరుకుల ఇ-కామర్స్ రుణ సుదుపాయం

• రుణ పరిమితి గరిష్టంగా రూ. 5 కోట్లు  
• రుణ మొత్తంలో 75 శాతాన్ని హామీ కవరేజీ 
• రుణ కాలపరిమితి 365 రోజులు 
• ప్రతి సంవత్సరం మొత్తంలో 1 శాతం గ్యారెంటీ ఫీజు 
• ఈ పథకానికి అర్హులైన ఎగుమతిదారులు తమ రుణాలపై 2.75 శాతం వడ్డీ రేటు తగ్గింపును పొందువచ్చు. 

ఈ పథకాన్ని ఎలా అమలు చేస్తారు?

ఈ పథకం ముందుగా ఒక పైలట్ ప్రాజెక్ట్ గా అమలు చేస్తున్నారు. ఎక్స్‌పోర్ట్-ఇంపోర్ట్ బ్యాంక్ ఆఫ్ ఇండియా (ఎగ్జిమ్ బ్యాంక్), నేషనల్ క్రెడిట్ గ్యారెంటీ ట్రస్టీ కంపెనీ లిమిటెడ్ రుణ హామీ వ్యవస్థను నిర్వహిస్తుంది.  ఎగుమతిదారులు ముందుగా DGFT పోర్టల్‌లో దరఖాస్తు చేసుకుని, ప్రత్యేక గుర్తింపు సంఖ్య (UIN)ను పొందాల్సి ఉంటుంది. ఆ తర్వాత రుణ సహాయం కోసం బ్యాంకులను సంప్రదించవచ్చు. ఈ పథకం ద్వారా రుణాలు ఇచ్చే ముందు బ్యాంకులు వ్యాపార పరిస్థితిని అంచనా వేస్తాయి.

ఎక్స్ పోర్టర్స్ కు గొప్ప అవకాశం

చిరు వ్యాపారులు ఆన్ లైన్ పోర్టల్స్ ద్వారా అంతర్జాతీయ వినియోగదారులకు ప్రొడెక్ట్స్ సేల్ చేసేందుకు కేంద్రం సహాకారం అందిస్తుంది. ఈ ప్రక్రియలో భాగంగా ఆర్థిక సహాయం,  కొత్త రుణ మద్దతు పథకం ప్రకటించింది. ఎంఎస్ఎంఈలు తమ వ్యాపారాలను అంతర్జాతీయంగా విస్తరించుకోవడానికి ఈ పథకం ఎంతో ఉపయోగపడుతుంది. అంతర్జాతీయ గిడ్డంగులలో సరుకులను నిల్వ ఉంచుకోవడానికి కూడా వీలు కల్పిస్తుంది. దీంతో లాంగ్ టర్మ్ ప్రయోజనాలు, ప్రపంచ ఇ-కామర్స్ ఎక్స్ పోర్ట్ మార్కెట్‌ అవకాశాలను భారత వ్యాపారులు అందిపుచ్చుకునేందుకు ఈ పథకం సహాయపడుతుంది. 

మరిన్ని చదవండి

25 ఏళ్లు ఆదాయం, 60 శాతం సబ్సిడీతో సోలార్ ప్లాంట్.. పీఎం కుసుమ్ స్కీమ్ పూర్తి వివరాలివే!