Breaking News Live: కేరళలో ఈనెల 17, 18 తేదీలలో శబరిమల అయ్యప్ప స్వామి దర్శనం రద్దు
తెలంగాణ, ఆంధ్రప్రదేశ్ సహా దేశ వ్యాప్తంగా అక్టోబరు 16న జరిగే తాజా వార్తలు ఎప్పటికప్పుడు ఇక్కడ చూడొచ్చు. ఈ లైవ్ బ్లాగ్ అప్ డేట్ అవుతూ ఉంటుంది. తాజా సమాచారం కోసం ఈ పేజీని రీఫ్రెష్ చేస్తూ ఉండండి.
LIVE
Background
తెలంగాణ, ఆంధ్రప్రదేశ్ సహా దేశ వ్యాప్తంగా అక్టోబరు 16న జరిగే తాజా వార్తలు ఎప్పటికప్పుడు ఇక్కడ చూడొచ్చు. ఈ లైవ్ బ్లాగ్ అప్ డేట్ అవుతూ ఉంటుంది. తాజా సమాచారం కోసం ఈ పేజీని రీఫ్రెష్ చేస్తూ ఉండండి.
శబరిమల అయ్యప్ప స్వామి దర్శనం ఈనెల 17, 18 తేదీలలో రద్దు
శబరిమల దర్శనాలపై కేరళ ప్రభుత్వం కీలక నిర్ణయం తీసుకుంది. రాష్ట్రంలో కురుస్తున్న భారీ వర్షాల కారణంగా భక్తులకు శబరిమల అయ్యప్ప స్వామి దర్శనం ఈనెల 17, 18 తేదీలలో రద్దు చేస్తున్నట్లు ప్రకటించింది.
హన్మకొండ జిల్లాలో రైల్వే గేట్ మెన్ పై యువకుడు దాడి.. మద్యం మత్తులో హల్‌చల్
హన్మకొండ జిల్లాలో రైల్వే గేట్ మెన్ పై దాడి జరిగింది. శాయంపేట Lc.No 61 వద్ద మద్యం మత్తులో ఉన్న యువకుడు గేట్ మెన్ రాజు పై ఓ యువకుడు దాడి చేసాడు. ట్రైన్ వస్తుంది అని గేట్ మెన్ చెప్పినా వినకుండా యువకులు గేట్ తెరిచే ప్రయత్నం చేశారు. వారి ప్రయత్నాన్ని అడ్డుకునే ప్రయత్నం చేసిన గేట్ మెన్‌పై ఓ యువకుడు దాడికి పాల్పడ్డాడు.
తూర్పుగోదావరి జిల్లా కడియంలోని దుళ్ల సచివాలయంలో ఏఎన్ఎమ్‌కు పాముకాటు
తూర్పుగోదావరి జిల్లా కడియం మండలం దుళ్ల సచివాలయం - 2 లోకి తాచుపాము ప్రవేశించడం కలకలం రేపింది. డ్యూటీలో ఉన్న ఏఎన్ఎమ్ ముత్యాలును సబ్ సెంటర్‌కి ప్రవేశించిన పాము కాటు వేసింది. ఆమెను మండపేట హాస్పిటల్‌కు తరలించి చికిత్స అందిస్తున్నారు. ప్రస్తుతం ఆమె ఆరోగ్యం నిలకడగా ఉందని వైద్యులు తెలిపారు. తాచుపామును బంధించిన స్థానికులు అటవీశాఖ అధికారులకు సమాచారం అందించారు.
సోమవారం నాడు ఈడీ విచారణకు హాజరుకానున్న బాలీవుడ్ నటి జాక్వెలిన్ ఫెర్నాండెజ్
సుఖేశ్ చంద్రశేకర్ కేసులో సోమవారం నాడు ఈడీ ఎదుట బాలీవుడ్ నటి జాక్వెలిన్ ఫెర్నాండెజ్ హాజరుకానుంది. ఢిల్లీలోని ఈడీ ఆఫీసులో జాక్వెలిన్ నేడు హాజరు కావాల్సి ఉండగా అనివార్య కారణాలతో హాజరుకాలేకపోయానని చెప్పింది. అక్టోబర్ 18న ఈడీ ఎదుట విచారణకు హాజరుకానుంది ఈ బాలీవుడ్ నటి. రూ.200 కోట్ల మనీలాండరింగ్ కేసులో ఇదివరకే కొందర్ని అరెస్ట్ చేయగా, ఇటీవల మరో బాలీవుడ్ నటి నోరా ఫతేహికి సైతం నోటీసులు జారీ చేశారు. ఈడీ అధికారుల ఎదుట విచారణకు సైతం ఆమె హాజరైంది.
టీఆర్ఎస్ లోకి మోత్కుపల్లి నర్సింలు...!
టీఆర్ఎస్ లో మోత్కుపల్లి నర్సింలు చేరికకు ముహూర్తం ఖరారైంది. ఈ నెల 18 (సోమవారం) మధ్యాహ్నం 2 గంటలకు తెలంగాణ భవన్ లో సీఎం కేసీఆర్ సమక్షంలో మోత్కుపల్లి టీఆర్ఎస్ చేరనున్నట్లు సమాచారం.
టాప్ హెడ్ లైన్స్
ట్రెండింగ్ వార్తలు
