డ్రామాలు వేస్తే మక్కెలిరగదీస్తాం- పవన్‌కు పేర్ని నాని వార్నింగ్, నారాహి యాత్రగా మార్చాలని సలహా

కత్తిపూడి బహిరంగ సభలో పవన్ చేసిన విమర్శపై వైసీపీ  నుంచి ఘాటు రియాక్షన్ వస్తోంది. పవన్ కల్యాణ్ తన లారీపై ప్రత్యేక దృష్టి పెట్టారన్నారు నాని. డ్రామాలు వేస్తే మక్కెలిరగదీస్తామని హెచ్చరించారు.

అది వారాహీ కాదు నారాహీ - పవన్‌పై పేర్ని నాని సెటైర్లు

చంద్రబాబును అధికారంలోకి తీసుకొచ్చేందుకే పవన్ కల్యాణ్ ప్రయత్నిస్తున్నారు ఆరోపించారు మాజీ మంత్రి పేర్ని నాని. రోజుకో డైలాగ్ చెప్పి అదో వ్యూహంగా అందర్నీ నమ్మించే ప్రయత్నం చేస్తున్నారని మండిపడ్డారు. మొదటి నుంచి జనసేనను నడిపించేది చంద్రబాబు అని ఆరోపించారు. దీనిపై ఆయన చెప్పులు చూపిస్తే తాను రెండు చెప్పులు చూపిస్తానంటూ రెండు చెప్పులు తీసి చూపించారు పేర్ని నాని.

కత్తిపూడి బహిరంగ సభలో పవన్ కల్యాణ్ చేసిన విమర్శపై వైసీపీ  నుంచి ఘాటు రియాక్షన్ వస్తోంది. పవన్‌ మాట్లాడితే ప్రెస్‌ మీట్‌ పెట్టి కడిగేసే పేర్ని నాని నుంచే మొదలైంది. పవన్ కల్యాణ్ తన లారీపై ప్రత్యేక దృష్టి పెట్టారన్నారు నాని. దానికి వారాహి అని అమ్మవారి పేరు పెట్టి రాజకీయాలకు వాడుకుంటున్నారని మండిపడ్డారు. వారహి అనే కంటే నారాహీ అని పెట్టుకుంటే బాగుండేదని సలహా ఇచ్చారు. 

తాడేపల్లిలోని వైఎస్సార్‌సీపీ కేంద్ర కార్యాలయంలో మాట్లాడిన పేర్ని నాని పవన్‌ కల్యాణ్‌ సినిమా డైలాగ్స్‌, సొల్లు కబుర్లు చెబుతున్నారని మండిపడ్డారు. గులాబీ జెండాను జేబులో పెట్టుకొని తిరుగుతున్నదెవరో అందరికీ తెలుసన్నారు. సినిమా రిలీజ్‌ టైంలో కేసీఆర్ కాళ్లు మొక్కుతారని ఆరోపించారు. హరీష్‌రావు ఏపీని తిట్టినప్పుడు ఎందుకు మాట్లాడలేదని ఏం చేస్తున్నారని దుయ్యబట్టారు. జగన్‌ సీఎం అయినప్పటి నుంచి పవన్ సినిమా ఒక్కటైనా ఆగిందా అని ప్రశ్నించారు. పవన్‌ డ్రామాలు వేస్తే మక్కెలిరగదీస్తాం అంటు హెచ్చరించారు. 

పవన్ స్పీచ్‌లు రోజుకో రకంగా ఉన్నాయని ఎద్దేవా చేశారు పేర్ని నాని. పాలకుల చొక్కా పట్టుకుంటానంటున్న పవన్ ఎన్నిసార్లు చంద్రబాబు, మోడీ చొక్కా పట్టుకున్నారాని ప్రశ్నించారు. వంతాడాలో బాబు అల్యూమినియం  మైన్స్‌ దోపిడీ చేశారని అప్పట్లో ఆరోపించారని గుర్తు చేశారు. మరి అప్పట్లో బాబు  చొక్కా  పట్టుకుని  నిలదీసారా అని క్వశ్చన్ చేశారు.