AP NTR Bharosa Pension: ఎన్నికల కోడ్ అమల్లో ఉన్నప్పటికీ పింఛన్ల పంపిణీకి ఎస్‌ఈసీ గ్రీన్ సిగ్నల్

ఏపీలో ఈ నెల 30న 'ఎన్టీఆర్ భరోసా' పింఛన్ల (NTR Bharosa Pension) పంపిణీకి ఎస్‌ఈసీ ఆమోదం తెలుపగా, సెర్ప్ సీఈవో కరుణ ఉత్తర్వులు జారీ చేశారు.

ఎన్నికల కోడ్ అమల్లో ఉన్నప్పటికీ పింఛన్ల పంపిణీకి ఎస్‌ఈసీ గ్రీన్ సిగ్నల్

Source : social media

Show Quick Read

Key points generated by AI, verified by newsroom

• ఎన్నికల కోడ్‌లోనూ పింఛన్ల పంపిణీకి ఈసీ ఆమోదం లభించింది.
• అక్టోబర్ 30న పంపిణీ; మిగిలినవారికి నవంబర్ 4, 5న.
• ఏపీ దేశంలో అత్యధిక పింఛన్లు అందిస్తున్న రాష్ట్రంగా నిలిచింది.
• వృద్ధులకు రూ.4000, వికలాంగులకు రూ.6000 పింఛన్ అందిస్తున్నారు.

AP Pensions | అమరావతి: ఆంధ్రప్రదేశ్‌లో స్థానిక సంస్థల ఎన్నికల కోడ్ అమల్లో ఉన్నప్పటికీ, లబ్ధిదారులకు 'ఎన్టీఆర్ భరోసా' పింఛన్ల (NTR Bharosa Pensions) పంపిణీకి రాష్ట్ర ఎన్నికల సంఘం (SEC) ఆమోదం తెలిపింది. ఎన్నికల కోడ్ మినహాయింపుతో పింఛన్ల అందజేతకు మార్గం సుగమం కావడంతో, ఈ నెల 30వ తేదీన అర్హులైన లబ్ధిదారులందరికీ పింఛన్లు పంపిణీ చేయనున్నట్లు సెర్ప్ (SERP) సీఈవో కరుణ ఉత్తర్వులు జారీ చేశారు.

ఈ పంపిణీ ప్రక్రియలో ఎలాంటి ఆటంకాలు ఎదురుకాకుండా ముందస్తు ఏర్పాట్లు చేయాలని అధికారులను ఆదేశించారు. అందులో భాగంగా ఈ నెల 29నే బ్యాంకుల నుంచి అవసరమైన నిధులను డ్రా చేయాలని స్పష్టం చేశారు. ఒకవేళ ఈ నెల 30న ఏ కారణంతోనైనా పింఛన్ తీసుకోలేని వారికి మరొక అవకాశం కల్పిస్తూ, నవంబర్ 4, 5 తేదీల్లో మిగిలిన లబ్ధిదారులకు పింఛన్లను పంపిణీ చేయనున్నట్లు AP ప్రభుత్వం వెల్లడించింది.

పింఛన్లకు అధికంగా ఖర్చు చేస్తున్న ఏపీ ప్రభుత్వం

దేశంలో అత్యధిక మొత్తం పింఛన్లు అందిస్తున్న రాష్ట్రం ఆంధ్రప్రదేశ్ అని తెలిసిందే. వృద్ధులతో పాటు స్పౌజ్ పింఛన్లు నెలవారీ రూ.4000 అందిస్తున్నారు. వికలాంగులకు రూ.6 వేలు ఇస్తుండగా.. పూర్తిస్థాయిలో వైకల్యానికి గురైన వారికి నెలకు రూ.15 వేలు పింఛన్‌, కిడ్నీ, తలసీమియా వంటి దీర్జకాలిక వ్యాధుల బారిన పడిన వారకి నెలకు రూ.10 వేలు పింఛన్ రూపంలో ఇస్తూ కూటమి ప్రభుత్వం సంక్షేమ కార్యక్రమాలు కొనసాగిస్తోంది.

ఏపీలో ప్రస్తుతం పట్టణ, గ్రామీణ స్థానిక సంస్థల ఎన్నికలకు నోటిఫికేషన్లు వచ్చాయి. కార్పొరేషన్లు, మున్సిపాలిటీలు, నగర పంచాయతీలకు నామినేషన్లు స్వీకరించారు. నవంబర్ 1న ఎన్నికలు నిర్వహించి, 3న ఓట్ల లెక్కింపు చేపట్టి విజేతల్ని ప్రకటిస్తారు. మరోవైపు జెడ్పీటీసీ, ఎంపీటీసీ ఎన్నికలకు సైతం నామినేషన్ల స్వీకరణ గడువు ముగిసింది. నామినేషన్లను ఎన్నికల అధికారులు పరిశీలించి అర్హుల జాబితా పార్టీల వారీగా ప్రకటించారు. నామినేషన్ల విత్ డ్రా చేసుకునే గడువు సైతం ముగియడంతో పోటీ చేసే అభ్యర్థుల తుది జాబితాను ఏపీ ఎస్ఈసీ విడుదల చేయనున్నారు.

మరిన్ని చదవండి

సుప్రీంకోర్టులో వైసీపీకి ఎదురుదెబ్బ.. పట్టణ స్థానిక ఎన్నికలకు గ్రీన్ సిగ్నల్

కూటమి స్పూర్తిని చాటేలా సీట్ల సర్దుబాటు, చంద్రబాబు అనుభవంతో కుదిరిన ఏకాభిప్రాయం: పవన్ కళ్యాణ్