Junior Doctors Strike: సమ్మె విరమించిన జూనియర్ డాక్టర్లు.. ఏపీ ప్రభుత్వానికి హైకోర్టు 2 వారాల డెడ్‌లైన్
ఆంధ్రప్రదేశ్ వ్యాప్తంగా గత కొన్ని రోజులుగా కొనసాగుతున్న జూనియర్ డాక్టర్ల (JUDA) సమ్మె ఎట్టకేలకు ముగిసింది. 2 వారాల్లోగా నిర్ణయం తీసుకోవాలని ప్రభుత్వాన్ని కోర్టు ఆదేశించింది.
Junior Doctors Strike | అమరావతి: హైకోర్టు జోక్యంతో ఏపీలో జూనియర్ డాక్టర్ల సమ్మె ముగిసింది. సమ్మె విరమిస్తున్నట్లు జూనియర్ డాక్టర్ల సంఘాలు హైకోర్టుకు తెలిపాయి. అయితే తమ డిమాండ్లు, సమస్యలను పరిష్కరించేలా ప్రభుత్వాన్ని ఆదేశించాలని జూడాలు కోర్టును కోరారు.
ఏపీలో గత కొన్ని రోజులుగా జూనియర్ డాక్టర్లు సమ్మె చేస్తున్నారు. తమకు స్టైఫండ్, ఛార్జీలు పెంచాలని, ఇతర డిమాండ్లు పరిష్కరించాలని కోరుతున్నారు. ఈ క్రమంలో డాక్టర్ల సమ్మె కారణంగా రోగులు ఎదుర్కొంటున్న ఇబ్బందులపై
హైకోర్టులో పిల్ దాఖలైంది. దీనిపై మంగళవారం విచారణ జరిపిన హైకోర్టు 2 వారాల్లోగా జూనియర్ డాక్టర్ల డిమాండ్లు, సమస్యలపై నిర్ణయం తీసుకోవాలని ఏపీ ప్రభుత్వాన్ని ఆదేశించింది. తాము సమ్మెను ప్రస్తుతానికిక విరమిస్తున్నామని జూనియర్ డాక్టర్ల సంఘాలు హైకోర్టుకు తెలిపాయి.
జూనియర్ డాక్టర్ల స్టైపండును ఇకపై ప్రతి ఏడాది సవరించడానికి ఆంధ్రప్రదేశ్ ప్రభుత్వం నిర్ణయం తీసుకుంది. ఇంటర్న్‌షిప్ చేసేవారికి జనవరి 1 నుంచి 5 శాతం పెంపుతో పాటు ప్రతి ఏడాది 3 శాతం పెంచాలని భావిస్తోంది. పీజీ, సూపర్ స్పెషాలిటీ పోస్ట్ గ్రాడ్యుయేట్ మెడికల్ విద్యార్థులకు ప్రస్తుతం చెల్లిస్తున్న స్టైపండ్ ప్రతి ఏడాది 3 శాతం పెంచాలని కూటమి నిర్ణయం తీసుకుంది. ఇప్పటివరకూ 2 సంవత్సరాలకు ఒకసారి సవరిస్తుండగా.. ఇకనుంచి ప్రతి ఏటా పీజీలకు 3 శాతం, ఇంటర్న్‌లకు 5శాతం చొప్పున పెంచుతామని స్పష్టం చేసింది. తమకు 20 శాతం లేదా 15 శాతం పెంచాలని జూనియర్ డాక్టర్లు ఆందోళనకు దిగారు.
టాప్ హెడ్ లైన్స్
ట్రెండింగ్ వార్తలు
