IND vs SA: సఫారీలకు ఎంత ఆధిక్యం రావొచ్చంటే?

వాండరర్స్‌ టెస్టులో దక్షిణాఫ్రికాకు 15-20 పరుగుల ఆధిక్యం వస్తుండొచ్చని మాజీ క్రికెటర్‌ ఆకాశ్‌ చోప్రా అంటున్నాడు. జస్ప్రీత్‌ బుమ్రా, మహ్మద్‌ షమి కలిసి 7-8 వికెట్లు తీస్తారని ధీమా వ్యక్తం చేశాడు.

భారత్‌ vs దక్షిణాఫ్రికా

వాండరర్స్‌ టెస్టులో దక్షిణాఫ్రికాకు స్వల్ప ఆధిక్యం లభించొచ్చని టీమ్‌ఇండియా మాజీ క్రికెటర్‌ ఆకాశ్‌ చోప్రా అంటున్నాడు. 15-20 పరుగుల ఆధిక్యం వస్తుండొచ్చని అంచనా వేశాడు. జస్ప్రీత్‌ బుమ్రా, మహ్మద్‌ షమి కలిసి 7-8 వికెట్లు తీస్తారని ధీమా వ్యక్తం చేశాడు. రెండో టెస్టు రెండో రోజు ఆటపై తన అంచనాలు వివరించాడు. యూట్యూబ్‌లో ఓ వీడియో పోస్టు చేశాడు.

తొలి రోజు బ్యాటింగ్‌కు దిగిన టీమ్‌ఇండియా 202 పరుగులకు ఆలౌటైంది. కేఎల్ రాహుల్ (50: 133 బంతుల్లో, తొమ్మిది ఫోర్లు) టాప్ స్కోరర్‌గా నిలిచాడు. రవిచంద్రన్‌ అశ్విన్‌ (46: 50 బంతుల్లో, 6x4) అత్యంత విలువైన పరుగులు చేశాడు. ఆ తర్వాత బ్యాటింగ్‌కు దిగిన సఫారీ జట్టు ఆట ముగిసే సమయానికి వికెట్ నష్టానికి 35 పరుగులు చేసింది. డీన్ ఎల్గర్ (11 బ్యాటింగ్: 57 బంతుల్లో, ఒక ఫోర్), కీగన్ పీటర్సన్ (14 బ్యాటింగ్: 39 బంతుల్లో, రెండు ఫోర్లు) బ్యాటింగ్‌ చేస్తున్నారు.

Koo App

Rahul and Ashwin save india then blushes …Rahane-Pujara fail again.

View attached media content

- Aakash Chopra (@cricketaakash) 4 Jan 2022

'టీమ్‌ఇండియా ప్రత్యర్థికి ఆధిక్యం ఇస్తుందనే అనిపిస్తోంది. భారత్‌ 202 పరుగులైతే చేసింది. ప్రత్యర్థి జట్టూ వికెట్‌ నష్టపోయి 35 పరుగులు చేసింది. బహుశా సఫారీ జట్టు 15-25 పరుగుల ఆధిక్యం సాధిస్తుండొచ్చు. షమి, బుమ్రా కలిసి 7 అంతకన్నా ఎక్కువ వికెట్లు తీస్తారు. ఇప్పటికే షమి ఒక వికెట్‌ తీశాడు. సిరాజ్‌ గాయపడ్డాడు. అతడి గాయం మరీ తీవ్రమైంది కావొద్దని ఆశిస్తున్నా. మధ్యలోనే వెళ్లిపోవడంతో అతడి ఓవర్‌ను శార్దూల్‌ పూర్తి చేశాడు' అని ఆకాశ్‌ అన్నాడు.

'నా మరో అంచనా ఏంటంటే దక్షిణాఫ్రికా ఆలౌట్‌ అవుతుంది. పిచ్‌లో వేగం ఉంది కాబట్టి మ్యాచ్‌ వేగంగా సాగుతుంది. ఇలాంటి పిచ్‌లపై స్కోరింగ్‌ రేట్‌ తక్కువగా ఉండదు. మ్యాచ్‌ సాగే కొద్దీ వికెట్లు పడతాయి. పరుగులూ వస్తాయి. వీటి మధ్యలోనే ఏదైనా అద్భుతం జరగాలని నేను కోరుకుంటున్నా' అని చోప్రా పేర్కొన్నాడు. అతడు ప్రతి రోజు మ్యాచుకు సంబంధించి తన అభిప్రాయాలు చెబుతున్నాడు.