China Building Collapse: కుప్పకూలిన 6 అంతస్తుల భవనం- 53కు చేరిన మృతుల సంఖ్య

China Building Collapse: చైనాలో ఆరు అంతస్తుల భవనం కుప్పకూలిన ఘటనలో మృతుల సంఖ్య 53కు చేరింది.

Courtesy Twitter: (@Reuters)

China Building Collapse: చైనాలో గత వారం ఆరంతస్తుల భవనం కుప్పకూలిన ఘటనలో మొత్తం 53 మంది ప్రాణాలు కోల్పోయారు. సెంట్రల్​ హునాన్​ రాష్ట్రంలో ఈ ప్రమాదం జరిగింది. ఈ ఘటనలో మొత్తం 10 మందిని రక్షించారు. శిథిలాల కింద చిక్కున్న వారి కోసం చేపట్టిన సహాయక చర్యలు వారం రోజుల తర్వాత నిలిపివేసినట్లు అధికారులు తెలిపారు.

53 dead in China building collapse, search for trapped ends https://t.co/BAF1g1y8sV pic.twitter.com/QbEjQXbkYi

— CTV News (@CTVNews) May 6, 2022

ఎలా జరిగింది?

A six-floor building collapsed on Friday noon in #Changsha, the capital city of #China’s #Hunan Province. Rescue work is underway after the collapse. pic.twitter.com/dCvD2FcXWE

— Ifeng News (@IFENG__official) April 29, 2022

సెంట్రల్​ హునాన్​ రాష్ట్రంలోని చాంగ్షా నగరంలో ఏప్రిల్​ 29న 700 చదరపు మీటర్ల విస్తీర్ణంలోని ఆరు అంతస్తుల నివాస భవనం కూలిపోయింది. శిథిలాల కింద 60 మందికిపైగా చిక్కుకున్నట్లు అధికారులు అంచనా వేశారు. వెంటనే సహాయక చర్యలు చేపట్టారు. దాదాపు వారం రోజుల పాటు సహాయక చర్యలు చేపట్టారు. గురువారం అర్ధరాత్రి శిథిలాల కింద ఉన్న చివరి వ్యక్తిని కాపాడినట్లు అధికారులు తెలిపారు.

సజీవంగా

ఈ ఘటనలో ఆరు రోజుల అనంతరం ఓ మహిళ సజీవంగా బయటపడింది. దాదాపు 132 గంటలు శిథిలాల నడుమే బిక్కుబిక్కుమంటూ గడిపిన ఆ మహిళను గురువారం తెల్లవారుజామున సహాయక సిబ్బంది బయటకు తీశారు. ఆమె స్పృహలోనే ఉండటం విశేషం. క్షతగాత్రులు ప్రస్తుతం చికిత్స పొందుతున్నారని, వారి ఆరోగ్యం నిలకడగా ఉన్నట్లు అధికారులు తెలిపారు.

అరెస్ట్

భవనం కుప్పకూలిన ఘటనలో యజమాని సహా 9 మందిని అరెస్ట్​ చేశారు. నిబంధనలు ఉల్లంఘించి నిర్మాణం చేపట్టినట్లు కేసు నమోదు చేశారు. బాధ్యులపై కఠిన చర్యలు తీసుకోవాలని బాధితులు పోలీసులను డిమాండ్ చేశారు. నిబంధనలు ఉల్లంఘించి నిర్మించిన కట్టడాలను గుర్తించాలని ప్రభుత్వానికి సూచించారు.