బీబీసీ రిపోర్టర్ ప్రశ్నపై మస్క్ అసహనం, అబద్ధం ఆడుతున్నారంటూ ఆగ్రహం

Elon Musk Vs BBC Reporter: 

బీబీసీ ఇంటర్వ్యూ 

ట్విటర్ సీఈవో ఎలన్ మస్క్ BBC రిపోర్టర్‌పై అసహనం వ్యక్తం చేశారు. ట్విటర్‌లో హేట్‌స్పీచ్ పెరుగుతోందంటూ ఆ రిపోర్టర్ చేసిన ఆరోపణలపై ఫైర్ అయ్యారు. "అబద్ధాలు ఆడుతున్నారు" అంటూ మండి పడ్డారు. బీబీసీకి ఇంటర్వ్యూ ఇచ్చిన క్రమంలో ఇదంతా జరిగింది. రిపోర్టర్ వేసిన ప్రశ్నపై ఆగ్రహించారు మస్క్. 

BBC రిపోర్టర్: ట్విటర్‌లో హేట్‌ స్పీచ్‌ పెరుగుతోంది. దీన్ని మీరెలా డీల్ చేశారు..? అంతే కాదు. సిబ్బంది కొరత కూడా ఉంది. అలాంటప్పుడు హేట్ కంటెంట్‌ను మానిటర్ చేయడం కష్టంగా అనిపించలేదా? 

ఈ ప్రశ్న విన్న వెంటనే ఎలన్ మస్క్ హేట్‌ స్పీచ్ అంటే అర్థం ఏంటి..? ఉదాహరణలు చెప్పగలరా అని ప్రశ్నించారు. 

ఎలన్ మస్క్: ఏ హేట్‌స్పీచ్ గురించి మీరు మాట్లాడుతున్నారు..? మీరు ట్విటర్‌ వాడుతున్నారుగా. మీరెప్పుడైనా విద్వేష పూరిత ప్రసంగాలను చూశారా..? ఇది జస్ట్‌ నా పర్సనల్ క్వశ్చన్ అంతే. నేనైతే ఎప్పుడూ అలాంటి కంటెంట్ చూడలేదు

బీబీసీ రిపోర్టర్: నిజంగా చెప్పాలంటే నేనెప్పుడూ అలాంటి కంటెంట్ చూడలేదు. నాకు అలాంటి వాటిపైన ఆసక్తి ఉండదు. అందుకే దూరంగా ఉంటాను. నేను కేవలం నా ఫాలోవర్లు పెట్టే కంటెంట్ మాత్రమే చూస్తాను

ఎలన్ మస్క్: నేను జస్ట్ ఒకటే ఒక ఉదాహరణ అడిగాను. అది కూడా చెప్పలేరా..? అలాంటప్పుడు మీరేం మాట్లాడుతున్నారో మీకే అర్థం కావడం లేదని నాకు అర్థమవుతోంది. హేట్‌ఫుల్ కంటెంట్‌కు సంబంధించి కనీసం ఒక్క ట్వీట్‌ కూడా మీరు చూపించలేరు. కానీ ఆ కంటెంట్ ట్విటర్‌లో పెరుగుతోందని చెబుతున్నారు. ఇదంతా అబద్ధం. మీరు అబద్ధాలాడుతున్నారు. 

ఇలా వాళ్లిద్దరి మధ్య కాసేపు వాగ్వాదం జరిగింది. ప్రస్తుతం ఈ వీడియో సోషల్ మీడియాలో వైరల్ అవుతోంది. 

BBC ‘journalism’ at its finest 🤦🏻‍♂️

BBC Journo: “There’s been a rise in hatful content on Twitter.”@elonmusk: “Give me an example.”
Journo: “I can’t.”
Musk: “You just lied.” pic.twitter.com/wOfzn5vGfJ

— Darren Grimes (@darrengrimes_) April 12, 2023

బీబీసీ, ట్విటర్ మధ్య వివాదం మొదలైంది. BBCని Government Funded Media గా లేబుల్ చేసింది ట్విటర్. దీనిపై బీబీసీ తీవ్రంగా మండి పడుతోంది. ట్విటర్ మేనేజ్‌మెంట్‌పై అసహనం వ్యక్తం చేసింది. ఆ లేబుల్‌ని తక్షణమే తొలగించాలని డిమాండ్ చేసింది. బీబీసీ బ్రిటన్‌కు చెందిన మీడియా సంస్థ. భారత్‌లోనూ ఆపరేషన్స్ నిర్వహిస్తున్నప్పటికీ...ఈ సంస్థకు బ్రిటన్ నుంచే భారీగా నిధులు వస్తాయి. క్రమంగా ఒక్కో దేశంలో న్యూస్ పోర్టల్స్‌ను ఓపెన్ చేసింది బీబీసీ. ట్విటర్‌లో ఈ కంపెనీకి చాలా అకౌంట్స్‌ ఉన్నాయి. ట్విటర్‌ సాధారణంగా ఇలాంటి సంస్థల్ని గవర్నమెంట్, నాన్ గవర్నమెంట్‌గా డివైడ్ చేసి వాటికి ఓ లేబుల్ కేటాయిస్తుంది. 20 లక్షల మంది ఫాలోవర్లు ఉన్న BBC Twitter Accountకి Government Funded Media అని లేబుల్ చేసింది. దీనిపైనే యుద్ధం మొదలైంది. ట్విటర్‌ చేసిన పనిని తీవ్రంగా ఖండిస్తోంది. తమది ఇండిపెండెంట్ వార్తా సంస్థ అని వాదిస్తోంది. వెంటనే ఆ లేబుల్ తొలగించాలని తేల్చి చెబుతోంది. 

"ఈ విషయమై ట్విటర్ అధికారులతో మేం మాట్లాడుతున్నాం. వీలైనంత త్వరగా పరిష్కరించాలనే చూస్తున్నాం. బీబీసీ ఎప్పుడూ స్వతంత్రంగానే పని చేసింది. ఇకపైన కూడా అంతే. బ్రిటీష్ ప్రజలు లైసెన్స్ ఫీజ్‌ల ద్వారా మాకు నిధులు అందిస్తున్నారు"
- బీబీసీ యాజమాన్యం 

Also Read: BBC India: బీబీసీపై కేసు నమోదు చేసి ఈడీ, విదేశీ నిధుల వ్యవహారంలో అవకతవకలు!