Watch Video: మంత్రి గారి శపథం.. కారు ఆపినందుకు ఫైర్.. మళ్లీ అప్పుడే అసెంబ్లీకి వెళతారట!

బిహార్ మంత్రి జీవేశ్ మిశ్రా.. పోలీసు ఆఫీసర్‌పై దురుసుగా మాట్లాడిన వీడియో వైరల్ అయింది.

పోలీసులు తన కారును ఆపినందుకు ఆ మంత్రి ఫైర్ అయ్యారు. జిల్లా మెజిస్ట్రేట్, ఎస్పీ వాహనాలను పంపేందుకు తన కారును ఆపుతారా అని పోలీసులపై మండిపడ్డారు. బిహార్ మంత్రి జీవేశ్ మిశ్రా పోలీసులపై ఫైర్ అయిన ఈ వీడియో వైరల్ అయింది.

మేమే ప్రభుత్వం.. అలాంటిది ఓ ఎస్పీ, కలెక్టర్ కోసం నన్నే ఆపేస్తారా? ఎస్పీ, కలెక్టర్ కారు కోసం మంత్రి వాహనాన్ని ఆపేయాలని ఎక్కడైనా చట్టం ఉందా? నా వాహనాన్ని ఆపేసిన ఆఫీసర్‌ను సస్పెండ్ చేసే వరకు నేను అసెంబ్లీలో అడుగుపెట్టను.                                                            -  జీవేశ్ మిశ్రా, బిహార్ మంత్రి  

లిక్కర్ బాటిళ్లు..

బిహార్ శాసనసభ ప్రాంగణంలో ఇటీవల ఖాళీ లిక్కర్ బాటిళ్లు దర్శనమివ్వడం వివాదాస్పదమైంది. టూవీలర్ల కోసం కేటాయించిన పార్కింగ్ ప్రదేశంలో ఓ చెట్టు కింద ఈ సీసాలు కనిపించాయి. ఇటీవల కల్తీ మద్యంతో 40 మందికి పైగా మృతి చెందిన తర్వాత ఈ ఘటన జరగడం చర్చనీయాంశంగా మారింది. అసెంబ్లీ సమావేశాలు జరుగుతుండగానే ఇవి కనిపించడంతో సభలో ప్రభుత్వంపై విమర్శలు చెలరేగాయి.

ఖాళీ మద్యం సీసాల విషయంపై ప్రతిపక్ష నేత తేజస్వీ యాదవ్ తీవ్రంగా మండిపడ్డారు. ముఖ్యమంత్రి ఛాంబర్​కు వంద మీటర్ల దూరంలో మద్యం సీసాలు కనిపించడం దారుణమన్నారు. సీఎం నితీశ్ కుమార్ నేతృత్వంలో ఎన్​డీఏ ఎమ్మెల్యేలు మద్యపానానికి వ్యతిరేకంగా ప్రతిజ్ఞ చేసిన 24 గంటల వ్యవధిలోనే సీసాలు కనిపించాయని ఎద్దేవా చేశారు. దీనికి బాధ్యత వహిస్తూ సీఎం నితీశ్ కుమార్ రాజీనామా చేయాలని డిమాండ్ చేశారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి