Kalavathi Song Challenge: నిన్న సితార, నేడు కీర్తి సురేష్‌, పెరుగుతున్న కళావతి క్రేజ్

సూపర్ స్టార్ మహేష్ బాబు 'సర్కారు వారి పాట' అనే సినిమాలో నటిస్తోన్న సంగతి తెలిసిందే. పరశురామ్ డైరెక్ట్ చేస్తోన్న ఈ సినిమాలో కీర్తి సురేష్ హీరోయిన్ గా నటిస్తోంది. ఇప్పటికే ఈ సినిమా టీజర్ విడుదలై సెన్సేషన్ క్రియేట్ చేసింది. ఇక రీసెంట్ గా సినిమాలో ఫస్ట్ సింగిల్ 'కళావతి' అనే పాటను విడుదల చేశారు. ఈ పాట యూట్యూబ్ లో రికార్డులు సృష్టిస్తోంది. ఇందులో మహేష్ బాబు స్టెప్స్ కి ఫ్యాన్ ఫిదా అయిపోయారు. 

దీంతో ఈ పాటకు రీల్స్ చేస్తూ సోషల్ మీడియాలో షేర్ చేస్తున్నారు. నిన్ననే మహేష్ బాబు కూతురు సితార ఈ పాటకు తండ్రి స్టైల్ లో స్టెప్స్ వేసి ఆకట్టుకుంది. అంతేకాదు.. #KalaavathiChallenge అంటూ అభిమానులకు ఓ ఛాలెంజ్ విసిరింది. 'కళావతి' పాటకు రీల్స్ చేసి #KalaavathiChallenge పేరుతో వీడియోలను షేర్ చేయాలని కోరింది. అందులో తనకు నచ్చిన వీడియోలను ఇన్స్టాగ్రామ్ స్టోరీస్ లో పెట్టుకుంటానని చెప్పింది. 

ఇప్పుడు కీర్తి సురేష్ ఈ ఛాలెంజ్ ను స్వీకరించి 'కళావతి' పాటకు స్టెప్పులేసింది. దీనికి సంబంధించిన వీడియోను సోషల్ మీడియాలో షేర్ చేయగా.. తెగ వైరల్ అవుతోంది. ఇక సినిమా విషయానికొస్తే.. మహేష్ బాబు కెరీర్‌లో 27వ సినిమాగా రాబోతున్న ఈ ప్రాజెక్ట్ ను మైత్రి మూవీ మేకర్స్, 14 రీల్స్ ప్లస్, జి.మహేష్ బాబు ఎంటర్‌టైన్‌మెంట్ బ్యానర్స్ సంయుక్తంగా నిర్మిస్తున్నాయి. సుబ్బరాజు, వెన్నెల కిషోర్ కీలక పాత్రలు పోషిస్తున్నారు. మే 12న సినిమాను విడుదల చేయడానికి ప్లాన్ చేస్తున్నారు.
 

 

 

 

 

 

View this post on Instagram

 

 

 

 

 

 

 

 

 

 

 

A post shared by Keerthy Suresh (@keerthysureshofficial)