Unstoppable 2 Bahubali Episode : బాలకృష్ణతో బాహుబలి - ఇయర్ ఎండ్ ముందు ఒకటి, తర్వాత మరొకటి!

నట సింహం నందమూరి బాలకృష్ణ 'అన్‌స్టాపబుల్ 2'కి మన 'బాహుబలి' ప్రభాస్, అతనితో పాటు స్నేహితుడు గోపీచంద్ వచ్చారు. ఆ ఎపిసోడ్ రెండు పార్టులుగా స్ట్రీమింగ్ కానుంది.

గోపీచంద్, బాలకృష్ణ, ప్రభాస్

'బాహుబలి' సినిమా గుర్తు ఉందిగా! మొదట దర్శక ధీరుడు రాజమౌళి ఒక్క సినిమా అని స్టార్ట్ చేశారు. తర్వాత రెండు పార్టులుగా విడుదల చేశారు. మన 'బాహుబలి' ప్రభాస్ ఉన్నారు కదా! నట సింహం నందమూరి బాలకృష్ణ హోస్ట్ చేస్తున్న 'ఆహా' ఓటీటీ ఎక్స్‌క్లూజివ్‌ టాక్ షో 'అన్‌స్టాపబుల్ 2'కి వచ్చారు కదా! తొలుత ఒక్క ఎపిసోడ్ అనుకున్నారేమో! కానీ, ఇప్పుడు రెండు ఎపిసోడ్స్ కింద విడుదల చేస్తున్నారు. 

డిసెంబర్ 30న ఫస్ట్ పార్ట్
Unstoppable 2 with NBK - The Beginning on 30th December : ప్రభాస్, గోపీచంద్ అతిథులుగా వచ్చిన ఎపిసోడ్ మొత్తం 100 నిమిషాలు వచ్చిందని 'ఆహా' వర్గాలు పేర్కొన్నాయి. రెండు గంటలకు 20 నిమిషాలు తక్కువ అన్నమాట. దీనిని రెండు భాగాలుగా డివైడ్ చేశారు. మొదటి పార్టుకు 'అన్‌స్టాపబుల్ 2 విత్ ఎన్‌బీకే - ది బిగినింగ్' అని పేరు పెట్టారు. ఇందులో ప్రభాస్ ఒక్కరే ఉంటారట. దానిని న్యూ ఇయర్ కానుకగా డిసెంబర్ 30న విడుదల చేయనున్నారు. మరి, రెండో ఎపిసోడ్ అంటే? అది న్యూ ఇయర్ తర్వాతే!

జనవరి 6న రెండో పార్ట్
Unstoppable 2 with NBK - The Conclusion on 6th January : రెండో పార్టుకు  'అన్‌స్టాపబుల్ 2 విత్ ఎన్‌బీకే - ది కన్‌క్లూజన్‌' అని పేరు పెట్టారు. ఇందులో ప్రభాస్ సహా గోపీచంద్ కూడా సందడి చేయనున్నారు. ఈ పార్ట్ జనవరి 6న విడుదల చేయనున్నారు.

మన ఇండియన్ ఫిల్మ్ ఇండస్ట్రీలో మోస్ట్ ఎలిజిబుల్ బ్యాచిలర్స్ లిస్టు తీస్తే... అందులో ప్రభాస్ (Prabhas) పేరు ముందు వరుసలో ఉంటుంది. ఆయన ఓ ఇంటివాడు అయితే? అమ్మాయితో ఏడు అడుగులు వేస్తే? చూడాలని చాలా మంది ఆశ పడుతున్నారు. 'అన్‌స్టాపబుల్ 2'లో ఆ పెళ్లి ప్రస్తావన తీసుకు వచ్చారని ఆల్రెడీ విడుదలైన ప్రోమో చూస్తే అర్థం అవుతుంది. 

ప్రభాస్ మరో రెండు నెలల్లో పెళ్లి చేసుకోనున్నారని బాలకృష్ణతో 'అన్‌స్టాపబుల్ 2'లో రామ్ చరణ్ చెప్పినట్టు తెలుస్తోంది. వచ్చే ఏడాది తప్పకుండా ప్రభాస్ పెళ్లి ఉంటుందని గోపీచంద్ కూడా చెప్పారట. ఆ విషయాలు అన్నీ రెండో పార్టులో ఉంటాయట.  

 

 

 

 

 

View this post on Instagram

 

 

 

 

 

 

 

 

 

 

 

A post shared by ahavideoin (@ahavideoin)

'అన్‌స్టాపబుల్ విత్ ఎన్‌బీకే' షో చరిత్రలో ఓ ఎపిసోడ్‌ను రెండుగా వీక్షకుల ముందుకు తీసుకు వస్తుండటం ఇదే మొద‌టిసారి. ''మాకు అభిమానుల నుంచి లెక్కలేనన్ని మెసేజెస్ వచ్చాయి. ఎటువంటి ఎడిటింగ్ లేకుండా ప్రసారం చేయాల‌ని కోరారు. ప్ర‌భాస్ ఎపిసోడ్ ఫైన‌ల్ కట్ విష‌యంలో ఆహా టీమ్ చాలా సంతోషంగా ఉంది. ప్ర‌భాస్‌, నంద‌మూరి బాల‌కృష్ణ, ఆహా టీమ్ అంత‌ర్గ‌తంగా చ‌ర్చించుకున్న త‌ర్వాత రెండు భాగాలుగా ఈ ఎపిసోడ్‌ను విడుదల చేయాలని డిసైడ్ అయ్యాము'' అని 'ఆహా' వర్గాలు తెలిపాయి. 

ప్రభాస్ తర్వాత పవర్ స్టార్ పవన్ కళ్యాణ్, మాటల మాంత్రికుడు గురూజీ వచ్చిన ఎపిసోడ్ స్ట్రీమింగ్ కానుంది. సంక్రాంతి కానుకగా ఆ ఎపిసోడ్ విడుదల కానుందని సమాచారం. ఆహా వర్గాలు ఇంకా అధికారికంగా ప్రకటించలేదు.