Adivi Sesh Birthday Special: ‘హిట్ 2’ నుంచి ఆ సీన్ రిలీజ్ చేశారు, చూశారా ?

అడవి శేష్ నటించిన ‘హిట్ 2’ సినిమా భారీ హిట్ ను అందుకుంది. డిసెంబర్ 17 న అడివి శేష్ పుట్టిన రోజు. ఈ సందర్భంగా శేష్ కు పుట్టిన రోజు శుభాకాంక్షలు చెప్తూ ఆ మూవీ నుంచి ఓ సీన్ విడుదల చేసింది మూవీ టీమ్.

Image Credit: HIT 2

టాలీవుడ్ ఇండస్ట్రీలో ఏ బ్యాగ్రౌండ్ లేకుండా వచ్చి మోస్ట్ వాంటెడ్ హీరోగా ఎదిగారు అడివి శేష్. కెరీర్ ప్రారంభంలో కొన్ని సినిమాల్లో నటించినా ఆయనకు మంచి గుర్తింపు లభించలేదు. 2011 లో పవర్ స్టార్ పవన్ కల్యాణ్ హీరోగా వచ్చిన పంజా సినిమాలో విలన్ గా కనిపించి మంచి యాక్టర్ గా ప్రూవ్ చేసుకున్నారు శేష్. ఆ తరువాత వరుస అవకాశాలు వచ్చాయి. ఇటీవల ఆయన నటించిన ‘హిట్ 2’ సినిమా బ్లాక్ బస్టర్ హిట్ ను అందుకుంది. డిసెంబర్ 17 న అడివి శేష్ పుట్టిన రోజు. ఆయన పుట్టిన రోజు సందర్భంగా ‘హిట్ 2’ మూవీ టీమ్ శేష్ కు పుట్టిన రోజు శుభాకాంక్షలు చెప్తూ ఆ సినిమాలోని హీరో ఇంట్రడక్షన్ సీన్ ను విడుదల చేసింది. ప్రస్తుతం ఈ వీడియో ఇంటర్నెట్ లో హల్చల్ చేస్తుంది.

‘హిట్ 2’ సినిమాలో వచ్చే మొదటి సీన్ కూడా ఇదే. ఇందులో అడివి శేష్ వైజాగ్ ఎస్పీ కృష్ణ దేవ్(కె డి) గా కనిపిస్తారు. ఈ ప్రారంభ సీన్ లో ఆయన ఓ హత్య కేసును చేధిస్తారు. ఓ వ్యక్తి తన తమ్ముడుని హత్య చేసి ఎవరికీ తెలియకుండా బీచ్ లో పడేస్తాడు. ఆ విషయం ఎస్పీ కి తెయడంతో క్రైమ్ సీన్ కు చేరుకుంటారు. ఈ హత్య కేసును కొన్ని క్షణాల్లో చేధించి, హత్య చేసింది అతని అన్నయ్యేనని ప్రూవ్ చేసి నిందితుడిని అరెస్ట్ చేస్తారు. అయితే తర్వాత మీడియాతో మాట్లాడుతూ జనరల్ గా ఇలాంటి హంతకులది కోడి బుర్రలు, వీళ్లని పట్టుకోవడానికి 5 నిమిషాలు చాలు అని అంటారు. ఇక్కడ నుంచే సినిమా అసలు కథ మొదలవుతుంది. ఈ సీన్ ప్రేక్షకులను సినిమాలోకి తీసుకువెళ్తుంది. అడవి శేష్ పుట్టిన రోజు సందర్భంగా ఈ సీన్ ను విడుదల చేశారు మూవీ టీమ్. ఈ వీడియో చూసి చాలా బాగుందంటూ హీరో అడివి శేష్ కు పుట్టిన రోజు శుభాకాంక్షలు చెబుతున్నారు ఫ్యాన్స్.  

ప్రస్తుతం అడివి శేష్ కు మంచి డిమాండ్ ఉంది. ‘బాహుబలి’ లాంటి భారీ సినిమాలో నటించిన తర్వాత 2018 లో అడవి శేష్ ‘గూఢచారి’ సినిమాలో హీరో గా నటించారు. ఈ సినిమా ఆయన కెరీర్ లోనే భారీ హిట్ గా నిలిచింది. ఈ సినిమా తర్వాత ఇక శేష్ వెనుదిరిగి చూడలేదు. అమీ తుమి, గూడాఛారి, ఎవరు, క్షణం, మేజర్, హిట్2 సినిమాలతో డబుల్ హ్యాట్రిక్ సాధించి రికార్డు సృష్టిచారు. ‘మేజర్’ సినిమాతో పాన్ ఇండియా హీరో గా ఎదిగారు. దీంతో అడవి శేష్ కు విపరీతమైన ఫ్యాన్ ఫాలోయింగ్ పెరిగింది. అడవి శేష్ సినిమాలో కనిపిస్తే చాలు సినిమా సూపర్ హిట్ అని ప్రేక్షకులు ఫిక్స్ అయిపోయేలా తన మార్కెట్ ను పెంచుకున్నారు. ఇక ‘హిట్ 2’ తో స్టార్ హీరోల లిస్ట్ లో చేరిపోయారు శేష్. మరి ఆయన నుంచి మున్ముందు ఎలాంటి భారీ ప్రాజెక్టులు వస్తాయో చూడాలి.