By: ABP Desam | Updated at : 07 Dec 2022 06:09 PM (IST)
Edited By: Ramakrishna Paladi
పెరిగిన ఈఎంఐ భారం
RBI Repo Rate Hike:
ద్రవ్యోల్బణానికి అడ్డుకట్ట వేసేందుకు, బ్యాంకింగ్ వ్యవస్థలో లిక్విడిటీని తగ్గించేందుకు ఆర్బీఐ రెపోరేట్లను పెంచుతూనే ఉంది. బుధవారం మరో 35 బేసిస్ పాయింట్లు సవరించింది. దాంతో విధాన వడ్డీరేటు 2018 ఆగస్టు నాటి అత్యధిక స్థాయి 6.25 శాతానికి చేరుకుంది. 2022 మే నుంచి చూస్తే వడ్డీరేటు ఏకంగా 2.25 శాతం పెరిగింది. ఈ నేపథ్యంలో మీ వేతనం 2023లో కనీసం పది శాతం పెరిగినా గృహ రుణాల ఈఎంలు కట్టేందుకు సరిపోదని ఎకనామిక్ టైమ్స్ రిపోర్టు చేసింది!
ఈఎంఐకే 50 శాతం
కొన్నేళ్ల క్రితం హోమ్ లోన్ తీసుకున్న వారితో పోలిస్తే ఈ మధ్యే తీసుకున్న వారికి వడ్డీరేట్ల నొప్పి ఎక్కువగా ఉంటుంది. ఎందుకంటే పాతవాళ్లు కట్టాల్సిన అసలు, వడ్డీ తగ్గిపోయి ఉంటుంది. బుధవారం పెంచిన రేట్ల పెంపు 2023 జనవరి నుంచే అమల్లోకి వస్తుంది. దాంతో జీతంలో ఎక్కువ శాతం ఈఎంఐ చెల్లించేందుకే సరిపోతుంది. బ్యాంకులు మీ చేతికొచ్చే నికర వేతనంలో గరిష్ఠంగా 50 శాతం వరకే నెలసరి వాయిదాలు కట్టేందుకు అంగీకరిస్తాయి.
పెరిగిన నెలసరి వాయిదా
ఉదాహరణకు నెలకు రూ.62,000 వేతనం అందుకుంటున్న ఉద్యోగి 2022 మార్చిలో రూ.40 లక్షలు ఇంటి రుణం తీసుకున్నాడని అనుకుందాం. 20 ఏళ్లకు 7 శాతం వడ్డీకి తీసుకున్నాడు. అప్పుడతని నెలసరి వాయిదా గరిష్ఠంగా రూ.31,012గా ఉంటుంది. రెపోరేట్ల సవరణతో 2023, జనవరి నుంచి చెల్లించాల్సి వడ్డీ రేటు 9.25 శాతానికి చేరుతుంది. అంటే ఈఎంఐ రూ.36,485కు పెరుగుతుంది. అంటే జీతంలో 59 శాతం దానికే సరిపోతుంది.
10% జీతం పెరిగినా!
వచ్చే ఏడాది ఆ ఉద్యోగి వేతనాన్ని పది శాతం పెంచినా ఈఎంఐలకు ఏ మాత్రం సరిపోదు! ఎందుకంటే పెరిగిన జీతంలో ఈఎంఐ వాటా 53.5 శాతంగా ఉంటుంది. నెలకు రూ.36,485 బ్యాంకుకు చెల్లించాలి. దాంతో వేతనం పెరిగిందన్న ఆనందమే మిగలదు. ఒకవేళ యాజమాన్యం మీ వేతనం పెంచలేదంటే 58.84 శాతం ఈఎంఐగా చెల్లించక తప్పదు. ఇప్పటితో పోలిస్తే ఐదేళ్ల క్రితం గృహ రుణం తీసుకున్నవారికి కాస్త ఊరట లభించనుంది. జీతం పెరిగిన సంతోషం ఉంటుంది. కట్టాల్సిన ఈఎంఐలో పెద్ద తేడా ఉండదు.
ఒకవేళ నెలసరి వాయిదాల ఒత్తిడి తగ్గించుకోవాలంటే రుణ కాల పరిమితి పెంచుకోవడమే ఉత్తమమని విశ్లేషకులు సలహా ఇస్తున్నారు. ఆ అవకాశం లేకపోతే ఏవైనా ఎఫ్డీలు ఉంటే వాటిలో కొంత చెల్లించి ఉపశమనం పొందడమే మేలని సూచిస్తున్నారు.
Also Read: అనుకున్నదే! ఆర్బీఐ రెపోరేటు మరో 35 బేసిస్ పాయింట్లు పెంపు - 6.25 శాతానికి వడ్డీరేటు
Also Read: పొరపాటున వేరేవాళ్ల యూపీఐ ఐడీకి డబ్బు పంపించారా - ఇలా రికవరీ చేసుకోవచ్చు!
Opening remarks of #RBI #Governor @DasShaktikanta in the post monetary policy press conference, December 07, 2022. #RBItoday #RBIPolicy #Monetarypolicy pic.twitter.com/v0v9NfGO5d
— ReserveBankOfIndia (@RBI) December 7, 2022
Happy Womens Day: మహిళల పేరిట హోమ్ లోన్ తీసుకుంటే బోలెడు లాభాలు, ఒక్కటి కూడా మిస్ చేసుకోవద్దు
High Income: ఎక్కువ వడ్డీ ఇచ్చే స్పెషల్ ఫిక్స్డ్ డిపాజిట్లు - ఈ నెలాఖరు వరకే గోల్డెన్ ఛాన్స్!
Gold-Silver Prices Today 07 Mar: గోల్డెన్ న్యూస్, రూ.3300 పతనమైన పసిడి - ఈ రోజు బంగారం, వెండి కొత్త ధరలు ఇవీ
Women Financial Independence : ఉద్యోగం చేసే మహిళలు ఆర్థికంగా స్ట్రాంగ్గా ఉండాలంటే ఈ టిప్స్ ఫాలో అయిపోండి
Income Tax: ఐటీ అధికారుల చేతికి బ్రహ్మాస్త్రం - మీ అకౌంట్స్ అన్నీ చెక్ చేసే 'సూపర్ పవర్', బెండ్ తీస్తారిక!
Free Bus Scheme in Andhra Pradesh :రాష్ట్రమంతటా కాదు జిల్లాల్లోనే ఫ్రీ- ఏపీ మహిళలకు షాక్- ఉచిత బస్ ప్రయాణం పథకంపై కీలక అప్డేట్ !
Telangana Latest News: వరంగల్లో లక్షల మందితో భారీ బహిరంగ సభ - కేసీఆర్ కీలక నిర్ణయం
AP Assembly: అప్పటి వరకు మీరు సభకు రావొద్దు ఇది నా రూలింగ్ - మంత్రి నిమ్మలపై రఘురామ సీరియస్ నిర్ణయం
Karnataka: సినీ పరిశ్రమకు చెప్పినట్లుగానే నట్లు బిగిస్తున్న కర్ణాటక ప్రభుత్వం - మల్టీప్లెక్స్ల్లో అయినా సరే టిక్కెట్ రేటు రూ. 200 మాత్రమే !