By: ABP Desam | Updated at : 06 Mar 2023 11:59 AM (IST)
Edited By: Arunmali
వడ్డీ రేటు భారీగా తగ్గించిన 'బ్యాంక్ ఆఫ్ బరోడా'
Bank of Baroda Loan Rate Reduced: రిజర్వ్ బ్యాంక్ ఆఫ్ ఇండియా (RBI) తన రెపో రేటును నిరంతరం పెంచడంతో, దేశంలోని అన్ని బ్యాంకులు కూడా తాము ఇచ్చే రుణాల మీద వడ్డీ రేట్లను పెంచాయి. గృహ రుణాలు, వాహన రుణాలు, వ్యక్తిగత రుణాలు సహా అన్ని రకాల అప్పులు ఇప్పుడు ఖరీదుగా మారాయి.
అయితే, పెద్ద ప్రభుత్వ రంగ బ్యాంకుల్లో ఒకటి మాత్రం, హోలీకి ముందు, ప్రజలకు పండుగ కానుకను ప్రకటించింది, చౌక ధరకే రుణాలను బహుమతిగా ఇస్తోంది. ఆ బ్యాంక్... బ్యాంక్ ఆఫ్ బరోడా (Bank of Baroda).
గృహ రుణాలపై వడ్డీ రేటును బ్యాంక్ ఆఫ్ బరోడా (BoB) తగ్గించింది. ఆదివారం (05 మార్చి 2023) ఈ నిర్ణయాన్ని ప్రకటించింది, అదే రోజు నుంచి కొత్త రేటు అమలులోకి వచ్చింది. గృహ రుణ వడ్డీ రేటును 40 బేసిస్ పాయింట్లు లేదా 0.40 శాతం మేర ఈ బ్యాంక్ తగ్గించింది. దీనివల్ల బ్యాంక్ ఆఫ్ బరోడా గృహ రుణ రేటు 8.50 శాతానికి దిగి వచ్చింది.
దీంతో పాటు, MSME రుణాలపై కూడా వడ్డీ రేటును కూడా బ్యాంక్ ఆఫ్ బరోడా తగ్గించింది. MSME రుణాలపై, ఈ బ్యాంక్ కొత్త వడ్డీ రేటు 8.40 శాతం నుంచి ప్రారంభం అవుతుంది.
ప్రాసెసింగ్ ఫీజులోనూ పూర్తి మినహాయింపు
అంతేకాదు, గృహ రుణాలపై వసూలు చేసే ప్రాసెసింగ్ ఫీజును బ్యాంక్ ఆఫ్ బరోడా పూర్తిగా మాఫీ చేసింది. MSME రుణాలపై ప్రాసెసింగ్ ఫీజులో 50% డిస్కౌంట్ ప్రకటించింది.
చౌక రుణ అవకాశం ఎంత కాలం?
బ్యాంక్ ఆఫ్ బరోడా వడ్డీ రేట్ల విషయంలో జరిగిన రెండు మార్పులు మార్చి 05, 2023 నుంచి అమల్లోకి వచ్చాయి, ఈ నెలాఖరు వరకు, మార్చి 31, 2023 వరకు మాత్రమే అమలులో ఉంటాయి. ఈ మేరకు బ్యాంక్ ఆఫ్ బరోడా ఒక ప్రకటన విడుదల చేసింది. అంటే, ప్రజలు ఈ చౌక రుణ రేట్లను సద్వినియోగం చేసుకోవాలనుకుంటే, ఈ నెల 31వ తేదీ లోగా రుణం తీసుకోవలసి ఉంటుంది. బ్యాంకింగ్ పరిశ్రమలో ఇవి అతి తక్కువ & అత్యంత పోటీ వడ్డీ రేట్లు అని బ్యాంక్ తన ప్రకటనలో పేర్కొంది.
చౌక రుణాల ఆఫర్పై బ్యాంక్ ఇంకా ఏం చెప్పింది?
రుణాల కోసం కొత్తగా దరఖాస్తు చేసుకునే వారికి మాత్రమే 8.5 శాతం గృహ రుణ రేటును అందిస్తామని బ్యాంక్ ఆఫ్ బరోడా తన ప్రకటనలో పేర్కొంది. అంతేకాదు, ఈ చౌక రుణాలను బ్యాలెన్స్ ట్రాన్స్ఫర్, అప్గ్రెడేషన్ కింద కూడా తీసుకోవచ్చు. కొత్త రేట్లు రుణగ్రహీత క్రెడిట్ స్కోర్పై ఆధారపడి ఉంటాయని బ్యాంక్ తెలిపింది. సొంతింటి కల ఉన్నవారు, వర్ధమాన పారిశ్రామికవేత్తలు తమ లక్ష్యాన్ని సాధించడానికి ఇదొక సదవకాశంగా వివరించింది.
బ్యాంక్ ఆఫ్ బరోడా లోన్ కావాలంటే.. ఆ బ్యాంక్ మొబైల్ యాప్ లేదా వెబ్సైట్ వంటి డిజిటల్ మార్గాల ద్వారా లోన్ తీసుకోవచ్చు. ఇది కాకుండా, బ్యాంకు శాఖను సందర్శించడం ద్వారా కూడా చౌక రుణం కోసం దరఖాస్తు చేసుకోవచ్చు.
Tax-Free Incomes: ఈ ఆదాయాలపై 'జీరో' టాక్స్ - ITR ఫైల్ చేసే ముందు అప్డేట్స్ చూసుకోండి
Schemes For Women: మహిళల్లాగే శక్తిమంతమైన పథకాలివి - ఇన్వెస్ట్ చేస్తే లాభాల పంట!
Government Scheme: వృద్ధాప్యంలో రూ.5 వేలు పెన్షన్ - రోజుకు కేవలం 7 రూపాయలతో సాధ్యం
Special Scheme: మహిళల కోసం పోస్టాఫీస్లో ప్రత్యేక పథకం - కేవలం రెండేళ్లలో ఎక్కువ రాబడి
HDFC Bank: హెచ్డీఎఫ్సీ క్రెడిట్ కార్డ్ వాడితే మోత మోగిపోద్ది, ఇంకెందుకంటా ఆ కార్డు?
AP TET 2024: జులై 1న 'ఏపీ టెట్-2024' కొత్త నోటిఫికేషన్, దరఖాస్తుల స్వీకరణ ఎప్పటినుంచంటే?
Social Look: రేజినా హాట్ లుక్, వర్షబొల్లమ్మ క్యూట్ స్మైల్, సిమ్రాన్ చౌదరి డ్యాన్స్
Virat Rohit: టీం ఇండియాను విశ్వ విజేతగా నిలిపిన ఇద్దరు మిత్రులు
Actress Vedhika: పింక్ శారీలో నటి వేదిక గ్లామర్ మెరుపులు - నడుము చూపిస్తూ అందాల రచ్చ