టీమ్‌ఇండియా సీనియర్‌ ఆటగాడు అజింక్య రహానెకు కష్టకాలం మొదలైంది! దక్షిణాఫ్రికా పర్యటనకు అతడు ఎంపికవ్వడం కష్టమేనని తెలుస్తోంది. పైగా వైస్‌ కెప్టెన్సీ బాధ్యతలు రోహిత్‌శర్మకు అప్పగించాల్సిన అగత్యం ఏర్పడినట్టు సమాచారం.


అజింక్య రహానెకు ఇకపై టీమ్‌ఇండియాలో చోటు కష్టమే అనిపిస్తోంది. దక్షిణాఫ్రికా పర్యటనకు అతడిని ఎంపిక చేయకపోవచ్చని తెలుస్తోంది. ముంబయి టెస్టు ముగియగానే సెలక్షన్‌ కమిటీ సమావేశం కానున్నారు. జట్టును ఎంపిక చేసిన సోమవారం లేదా మంగళవారం ప్రకటించే అవకాశం ఉంది. ఈ సమావేశంలో జింక్స్‌ పైనే ఎక్కువగా చర్చిస్తారని తెలుస్తోంది. ఎందుకంటే రెండుమూడేళ్లుగా అతడు ఫామ్‌లో లేడు. భారీ స్కోర్లు చేయడం లేదు. పైగా కొత్తగా జట్టులోకి వచ్చిన ఆటగాళ్లు పరుగులు చేస్తూ అతడి చోటును ప్రశ్నార్థకం చేస్తున్నారు.


'ఇది చాలా సంక్లిష్టమైన పరిస్థితి. అజింక్య రహానె చాలా ఇబ్బంది పడుతున్నాడు. అతడికి జట్టు యాజమాన్యం అండదండలు ఉన్నాయి. ఇప్పటికైతే అతడి కెరీర్‌ అద్భుతంగా సాగింది. అతడి ఎంపిక పూర్తిగా సెలక్షన్‌ కమిటీపై ఆధారపడి ఉంది' అని బీసీసీఐ అధికారి ఒకరు తెలిపారు.


'అజింక్య ఒక అడుగు వెనక్కి వేసి బ్యాటింగ్‌ ఇబ్బందులను పరిష్కరించుకోవాల్సిందే. అదనపు బాధ్యతలతో అతడిపై భారం వేయాలని మేం  కోరుకోవడం లేదు. రోహిత్‌ ఇప్పటికే నాయకత్వ బృందంలో ఉన్నాడు. సుదీర్ఘ ఫార్మాట్లో వైస్‌ కెప్టెన్సీ బాధ్యతలకు అతడే మెరుగైన వాడు' అని ఆ అధికారి వెల్లడించాడు.


దక్షిణాఫ్రికా పర్యటన కొన్ని రోజులు ఆలస్యంగా మొదలవుతున్న సంగతి తెలిసిందే. ఒమిక్రాన్‌ నేపథ్యంలో పటిష్ఠమైన బయో బుడగలు ఏర్పాటు చేసేందుకు ఈ నిర్ణయం తీసుకున్నారు. నిజానికి అక్కడ మూడు టెస్టులు, మూడు వన్డేలు, నాలుగు టీ20లు ఆడాల్సింది. షెడ్యూలు వెనక్కి జరపడంతో టీ20లను వాయిదా వేశారు. కాగా ముంబయి టెస్టు ముగియగానే అక్కడే శిబిరం ఏర్పాటు చేయాలని కోచ్‌ రాహుల్‌ ద్రవిడ్‌ బీసీసీఐకి సూచించాడు. విశ్రాంతి తీసుకుంటున్న జస్ప్రీత్‌ బుమ్రా, మహ్మద్‌ షమి, కేఎల్‌ రాహుల్‌, రోహిత్‌ శర్మ, రిషభ్ పంత్‌ వంటి ఆటగాళ్లను అక్కడికి రప్పించనున్నారు. ఆ తర్వాత వారిని బుడగలోకి పంపించనున్నారు.


Also Read: IND vs NZ 2nd Test, Mohammed Siraj: సిరాజ్‌.. కిర్రాక్‌! వికెట్లు ఎగురుతున్న వీడియోలు వైరల్‌!


Also Read: PV Sindhu: వరల్డ్ టూర్ ఫైనల్స్‌కు చేరిన సింధు.. ప్రత్యర్థి ఎవరంటే?


Also Read: Ajaz Patel Record: 10 వికెట్ల ఫీట్.. ముగ్గురిలో కామన్ పాయింట్ ఒకటే.. వారికి మాత్రమే సాధ్యమా?


Also Read: Ajaz Patel History: 10 వికెట్ల ఘనతను 2సార్లు ప్రత్యక్ష్యంగా చూసింది ఇద్దరే! ఒకరు ద్రవిడ్‌.. మరొకరు ఎవరంటే?


Also Read: Ajaz Patel: అభిమానం అంటే భారత్‌దే.. అజాజ్‌కు స్టాండింగ్ ఒవేషన్.. అశ్విన్ కూడా!


Also Read: IND vs NZ , Ajaz patel: అజాజ్‌ అదరహో..! ఒకే ఇన్నింగ్స్‌లో 10 వికెట్లు పడగొట్టిన భారత సంతతి స్పిన్నర్‌


ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి