Syed Ali Shah Geelani: హురియత్‌ నేత సయ్యద్‌ అలిషా గిలానీ కన్నుమూత.. మెహబూబా ముఫ్తీ సంతాపం..

తుది శ్వాస విడిచే వరకు వేర్పాటు వాదాన్ని బలంగా వినిపించిన హురియత్ కాన్ఫరెన్స్‌ మాజీ ఛైర్మన్‌ సయ్యద్ అలీ షా గిలానీ మృతి చెందారు.

కశ్మీర్‌లో సీనియర్ నేత సయ్యద్ అలీ షా గిలానీ కన్నుమూశారు. ఆయన స్వగృహంలో రాత్రి పదిన్నరకు తుదిశ్వాస విడిచారు. దీర్ఘకాలికంగా ఆయన తీవ్ర అస్వస్థతో బాధపడుతున్నారు.

హురియత్ కాన్ఫరెన్స్‌ జమ్ముకశ్మీర్‌ వేర్పువాటు కోసం ఆయన జీవితాంతం పోరాడారు. సయ్యద్ అలీ గిలానీ సొపోరాకు సమీపంలోని ఓ కుగ్రామంలో 1929 సెప్టెంబర్‌29న జన్మించారు. 

2008 నుంచి కూడా గిలానీ గృహనిర్బంధంలో ఉన్నారు. హురియత్ కాన్ఫరెన్స్‌ ఛైర్మన్‌ పదవికి గతేడాది ఆయన రాజీనామా చేశారు. మొదట ఆయన జమాతే ఈ ఇస్లామి కశ్మీర్‌ సభ్యుడిగా ఉండేవారు. తర్వాత తెహ్రీక్‌ ఇ హురియత్‌ స్థాపించారు ఆల్‌పార్టీ హురియత్ కాన్ఫరెన్స్‌ ఛైర్మన్‌గా కూడా పని చేశారు. వేర్పాటుకు మద్దతు ఇచ్చే పార్టీలతో కలిసి దీన్ని ఏర్పాటు చేశారు. 

సొపోర్‌ నియోజకవర్గం నుంచి 1972, 77, 87లో ఎమ్మెల్యేగాను పోటీ చేసి గెలుపొందారు.  

గిలానీ మృతిపట్ల మాజీ ముఖ్యమంత్రి మెహబూబాముఫ్తీ సంతాపం వ్యక్తం చేశారు.