By: ABP Desam | Updated at : 16 Nov 2022 01:53 PM (IST)
Edited By: Ramakrishna Paladi
పోస్టాఫీస్ ఇన్సూరెన్స్
Post Office Rs 299 Insurance Scheme: ఈ రోజుల్లో బీమా ఒక నిత్యావసర సాధనంగా మారిపోయింది! ప్రీమియం కట్టేందుకు ఎక్కువ డబ్బులు చెల్లించాల్సి వస్తుందని చాలామంది ఆసక్తి చూపించరు. మనకేం అవుతుందిలే అనుకుంటూ కొందరు దాటేస్తారు. తర్వాత చూద్దాంలే అని మరికొందరు నిర్లక్ష్యం చేస్తుంటారు. ఇలాంటి వారికోసమే ఇండియా పోస్ట్ అత్యంత చవకైన బీమా పాలసీలను తీసుకొచ్చింది. ఏడాదికి రూ.299, రూ.399కే ప్రమాద బీమా పాలసీలను ఆఫర్ చేస్తోంది.
రూ.399 ప్రయోజనాలు
ఇండియా పోస్టు పేమెంట్ బ్యాంక్ వినియోగదారులు ఈ పాలసీలను ఉపయోగించుకోవచ్చు. 16-65 ఏళ్ల వయస్కులు అతి తక్కువ ప్రీమియం చెల్లించి ఈ పాలసీల ప్రయోజనాలను పొందొచ్చు. రూ.399తో రూ.10 లక్షల బీమాను అందిస్తున్నారు. ఇందులో ప్రమాదవశాత్తు మరణించడం, శాశ్వతంగా వైకల్యం రావడం, పర్మనెంట్ పార్షియల్ డిసెబిలిటీ, యాక్సిడెంటల్ డిస్మెంబర్మెంట్, పెరాలసిస్ వంటివి కవర్ అవుతాయి. ప్రమాదం జరిగినప్పుడు వైద్యం ఖర్చులకు ఐపీడీ కింద రూ.60,000, ఓపీడీ కింద రూ.30,000 పొందొచ్చు. ఒకవేళ ఆస్పత్రిలో ఉండాల్సి వస్తే రోజుకు రూ.1000 చొప్పున పది రోజులు ఇస్తారు. వీటికి తోడుగా ఎడ్యుకేషన్ బెనిఫిట్ ఉంటుంది. బీమా మొత్తంలో పది శాతం లేదా లక్ష రూపాయిలు ఈ రెండింట్లో ఏది తక్కువైతే దానిని ఇద్దరు పిల్లలకు ఇస్తారు. కుటుంబ ప్రయాణాలకు రూ.25,000, అంత్యక్రియల కోసం రూ.5000 అందిస్తారు.
రూ.299 ప్రయోజనాలు
ఇండియా పోస్టులో కనీస బీమా ప్లాన్ రూ.299కే అందుబాటులో ఉంది. రూ.399తో పోలిస్తే ఇందులో కొన్ని ప్రయోజనాలు తక్కువగా ఉంటాయి. ప్రమాద వశాత్తు మరణించడం, శాశ్వత అంగవైకల్యం, ఏదో ఒక అవయవ వైకల్యం, యాక్సిడెంటల్ డిస్మెంబర్మెంట్, పెరాలసిస్ వంటివి కవర్ అవుతాయి. ఎడ్యుకేషన్, కుటుంబ ప్రయాణం, అంత్యక్రియలు, ఆసుపత్రిలో రోజువారీ ఖర్చులు ఇవ్వరు. ఐపీడీ కింద రూ.60వేలు, ఓపీడీ కింద రూ.30వేలు పొందొచ్చు.
పాలసీ పరిమితులు
ఈ బీమా పాలసీకి కొన్ని పరిమితులు ఉన్నాయి. ఆత్మహత్య, సైనిక సేవలు, సైనిక ఆపరేషన్లు, యుద్ధం, చట్టవ్యతిరేక కార్యకలాపాలు, బ్యాక్టీరియల్ ఇన్ఫెక్షన్లు, రోగాలు, ఎయిడ్స్, ప్రమాదకరమైన క్రీడల్లో ప్రమాదాలు జరిగితే బీమా కవర్ అవ్వదు.
ITR 2024: ఐటీ రిటర్న్ ఫైల్ చేసే ముందు ఒకటికి రెండుసార్లు చెక్ చేయాల్సిన విషయాలివి
MUDRA Loan: మీ బిజినెస్ కోసం రూ.10 లక్షల వరకు పీఎం ముద్ర లోన్ - ఇలా అప్లై చేయండి
SBI Loan: కేవలం ఐదు క్లిక్స్తో SBI ప్రి-అప్రూవ్డ్ లోన్ పొందండి!
Latest Gold-Silver Prices Today: గోల్డ్ కొనే ప్లాన్లో ఉన్నారా? - ఈ రోజు బంగారం, వెండి కొత్త ధరలు ఇవి
Gold-Silver Prices Today: బేజారెత్తిస్తున్న గోల్డ్ - తెలుగు రాష్ట్రాల్లో ఈ రోజు బంగారం, వెండి ధరలు ఇవి
CM Revanth Reddy : ఎన్టీఆర్ డైలాగ్తో కేసీఆర్కు రేవంత్ రెడ్డి వార్నింగ్ - హైటెన్షన్ కరెంట్ వైర్తో పోల్చుకుని
Rana Naidu 2: ‘రానా నాయుడు 2’లో ‘ఏజెంట్’ విలన్ - పవర్ఫుల్ పోలీస్ ఆఫీసర్ పాత్రలో!
Vivo Y200i: 6000 ఎంఏహెచ్ బ్యాటరీతో వివో వై200ఐ - ధర ఎంత ఉందంటే?
Pawan Kalyan: పిఠాపురంలో నేను గెలిస్తే వర్మ గెలిచినట్లే, కూటమి విజయమే ఉమ్మడి లక్ష్యం: పవన్ కళ్యాణ్