New MPV Cars 2025 : ఫ్యామిలీ కార్ల కొత్త శకం! ఒకేసారి విడుదల కానున్నాయి Maruti, Hyundai, Nissanల 4 MPVలు

New MPV Cars 2025 : మారుతి, హ్యుందాయ్, నిస్సాన్ రాబోయే రోజుల్లో 4 కొత్త MPV లను విడుదల చేయనున్నాయి. పెట్రోల్, హైబ్రిడ్, ఎలక్ట్రిక్ వేరియంట్లు ఉంటాయి.

భారత్ లోకి త్వరలో ప్రవేశించనున్న MPV లు

Source : X.com

Upcoming MPV Cars in India:  భారతీయ ఆటోమొబైల్ మార్కెట్‌లో ప్రస్తుతం SUVలదే హవా నడుస్తున్నప్పటికీ, ఫ్యామిలీ కార్ కొనుగోలుదారులలో MPV (మల్టీ పర్పస్ వెహికల్)ల క్రేజ్ ఇంకా అలాగే ఉంది. 2025 ఆర్థిక సంవత్సరంలో MPV సెగ్మెంట్ వాటా దాదాపు 10% ఉంది. రాబోయే సంవత్సరాల్లో ఇది మరింత పెరిగే అవకాశం ఉంది. ఇప్పుడు పెద్ద వార్త ఏమిటంటే, Maruti Suzuki, Hyunda, Nissan వంటి కంపెనీలు రాబోయే రెండు మూడు సంవత్సరాల్లో భారత మార్కెట్‌లో నాలుగు కొత్త MPVలను విడుదల చేయనున్నాయి. ఈ కొత్త MPVలలో ఎలక్ట్రిక్, హైబ్రిడ్, పెట్రోల్ ఇంజిన్ల ఎంపికలు ఉంటాయి. వివరంగా తెలుసుకుందాం.

మారుతి YMC(Maruti YMC)

మారుతి ఒక ఎలక్ట్రిక్ MPVపై పని చేస్తోంది, దీనికి 'YMC' అని కోడ్ నేమ్ పెట్టారు. దీనిని Kia Carens EVకి పోటీగా తయారు చేస్తున్నారు. నివేదికల ప్రకారం, దీనిని సెప్టెంబర్ 2025 నాటికి విడుదల చేయవచ్చు. YMCలో రెండు బ్యాటరీ ఎంపికలు ఉంటాయి - 49 kWh, 61 kWh LFP. వీటితోపాటు 142 hp, 172 hp పవర్, 192.5 Nm టార్క్ లభిస్తుంది. టాప్ వేరియంట్ దాదాపు 475 కిలోమీటర్ల పరిధిని ఇస్తుందని కంపెనీ పేర్కొంది. దీనితోపాటు, Toyota-బ్యాడ్జ్ చేసిన ఒకే మోడల్ కూడా కొన్ని నెలల తర్వాత విడుదలయ్యే అవకాశం ఉంది.

మారుతి YDB(Maruti YDB)

Maruti తన రెండో కొత్త MPVగా YDB కోడ్ నేమ్ కలిగిన సబ్-4 మీటర్ MPVని తీసుకురానుంది. ఇది జపాన్‌లో బాగా ప్రాచుర్యం పొందిన Suzuki Solio ఆధారంగా రూపొందించారు. ఇది ప్రత్యేకంగా అర్బన్ ఫ్యామిలీ కార్‌గా రూపొందించారు. YDBలో Maruti కొత్త Z12E 1.2-లీటర్ మూడు-సిలిండర్ పెట్రోల్ ఇంజిన్ ఉంటుంది. దీనితో పాటు, కంపెనీ సిరీస్ హైబ్రిడ్ టెక్నాలజీని కూడా అందిస్తుంది, ఇది మైలేజ్ పరంగా చాలా పొదుపుగా ఉంటుంది. దీనిని 2027లో విడుదల చేయవచ్చు.

హ్యుందాయ్ స్టార్‌గేజర్(Hyundai Stargazer)

ప్రపంచవ్యాప్తంగా, Hyundai మూడు MPVలను విడుదల చేయనుంది - Stargazer, Custo/Custin, Staria. వీటిలో చిన్నది. అత్యుత్తమమైన MPV Stargazer, ఇది ప్రధానంగా ఆగ్నేయాసియా మార్కెట్‌ల కోసం తయారు చేశారు. ఇప్పుడు Hyundai దీనిని భారతదేశంలో తదుపరి తరం మోడల్‌గా 2027లో ప్రవేశపెట్టవచ్చు. ఇది కొత్త Creta (2028) ప్లాట్‌ఫారమ్‌పై ఆధారపడి ఉంటుంది. Stargazerలో 6, 7-సీటర్ ఎంపికలు, అధునాతన కనెక్టెడ్ కార్ ఫీచర్లు, ప్రీమియం ఇంటీరియర్లను అందించే అవకాశం ఉంది.

నిస్సాన్(Nissan)

Nissan మొదటి MPV Evalia భారత మార్కెట్‌లో విజయం సాధించలేదు, ఎందుకంటే ఇది పరిమాణంలో పెద్దది,  ఖరీదైనది, అయితే ఇప్పుడు కంపెనీ MPV విభాగంలో కొత్త వ్యూహంతో తిరిగి రాబోతోంది. ఈసారి Nissan Renault Triber ఆధారంగా చవకైన, కాంపాక్ట్ MPVని తీసుకురానుంది. వాస్తవానికి, Nissan తన భాగస్వామి Renault  ట్రైబర్ మోడల్  రీ-బ్యాడ్జ్ చేసిన వెర్షన్‌ను భారతదేశంలో తీసుకురావాలని యోచిస్తోంది. పరీక్షలు ప్రారంభమయ్యాయి. నివేదికల ప్రకారం, దీనిని ఫిబ్రవరి 2026లో విడుదల చేస్తారు. ఇందులో ట్రైబర్‌లో ఉన్న ఇంజిన్, ఫీచర్‌లే ఉంటాయి, కానీ డిజైన్, బ్రాండింగ్‌లో తేడా ఉంటుంది.

మరిన్ని చదవండి

గ్రామాల్లో నడపడానికి బెస్ట్ కార్లు ఇవి, ధర కూడా 3.69 లక్షల నుంచి ప్రారంభం!

దీపావళి సందర్భంగా కార్లపై రూ. 2.25 లక్షల వరకు డిస్కౌంట్