Warangal News: సంక్రాంతికి ఊరికి వెళ్లే వారు జాగ్రత్త.. పోలీసులకు సమాచారం ఇవ్వండి

సంక్రాంతి ఊరెళ్తున్నారా.. ముందుగా పోలీసులకు సమాచారం ఇవ్వండి. లేకుంటే తర్వాత జరిగే పరిణామాలకు బాధపడొద్దని అంటున్నారు పోలీసులు.

 సంక్రాంతి పండుగ పిల్లలకు సెలవులుండటంతో చాలా మంది ప్రయాణాలు చేస్తారు. ఇదే అదనుగా దొంగలు చేతివాటం ప్రదర్శిస్తారు. ఊళ్లకు వెళ్లే వారు అప్రమత్తంగా ఉండాలని, ముందస్తుగా తగిన జాగ్రత్తలు తీసుకోవాలని ప్రజలకు వరంగల్ పోలీస్ కమిషనర్ సూచించారు. 'సంక్రాంతి పండుగ దృష్యా చోరీల నియంత్రణకు అన్ని చర్యలు చేపట్టామని, ప్రజలను అప్రమత్తం చేస్తున్నాం. రాత్రి వేళల్లో వీధుల్లో గస్తీ ఏర్పాటు చేస్తున్నాం. ఈ విషయంలో వరంగల్ పోలీస్ కమిషనరేట్ పరిధిలోని ప్రజలు కూడా జాగ్రత్తలు తీసుకోవాలని పోలీస్ కమిషనర్ ప్రజలకు పలు సూచనలు చేశారు.

సంక్రాంతికి ఊరెళ్లే వారికి పోలీస్ కమిషనర్ చేస్తున్న సూచనలు 

👉🏻ఇంట్లో బంగారు నగలు, నగదు ఉంటే వాటిని బ్యాంకు లాకర్లలో భద్రపరుచుకోవడం క్షేమం. ఎక్కువ రోజులు ఊళ్లకు వెళ్లేవారు విలువైన వస్తువులను వెంట తీసుకెళ్లాలి.

👉🏻ఊరు వెళ్తున్నప్పుడు ఇంటి పరిసరాలను గమనించాలని పక్కింటి వారికి చెప్పాలి. 

👉🏻విలువైన వస్తువులను స్కూటర్ డిక్కీల్లో, కారులలో పెట్టొద్దు. కొందరు ఇంటి కీని కూడా ఇంటి బయట దాస్తుంటారు. అలాంటివి కూడా చేయద్దు.  

👉🏻ద్విచక్రవాహనాలు, కారులను ఇంటి ఆవరణలోనే పార్కింగ్ చేయాలి, రోడ్లపై నిలుపరాదు. 

👉🏻బీరువా తాళాలను ఇంట్లో ఉంచొద్దు, తమతోపాటే తీసుకెళ్లాలి. 

👉🏻గ్రామాలకు వెళ్లే వారు ఇంట్లో ఏదో ఒక గదిలో లైటు వేసి ఉంచడం మంచిది. 

👉🏻ఎక్కువ రోజులు విహారయాత్రల్లో ఉంటే పేపర్, పాల వారిని రావద్దని చెప్పాలి.

👉🏻పని మనుషులు ఉంటే రోజూ ఇంటి ముందు శుభ్రం చేయమని చెప్పాలి.

👉🏻విలువైన వస్తువుల సమాచారాన్ని, వ్యక్తిగత ఆర్థిక విషయాలను ఇతరులకు చెప్పకపోవడం మంచిది. 

👉🏻ఆరుబయట వాహనాలకు హాండిల్ లాక్‌తో పాటు వీల్ లాక్ వేయాలి.

👉🏻ఇంటి డోరకు సెంట్రల్ లాకింగ్ సిస్టంను ఏర్పాటు చేసుకోవడం సురక్షితం.

👉🏻వాచ్ మెన్ లేదా సీసీ కెమెరాలు ఏర్పాటు చేసుకోవడం మంచిది.

👉🏻సిసి కెమెరాలను ఏర్పాటు చేసుకొని ఇంటర్నెట్ అనుసంధానం చేసుకొని మీ మొబైల్‌లో చూసుకోవచ్చు. ఎక్కడి నుంచి అయినా లైవ్  చూసుకోవచ్చను.  

👉🏻ప్రజలు తమ ప్రాంతంలో గస్తీ ఏర్పాటుకు సహకరించాలి.

👉🏻పోలీసు స్టేషన్ నెంబర్, వీధుల్లో వచ్చే బీట్ కానిస్టేబుల్ నెంబర్ దగ్గర పెట్టుకోవాలి.

👉🏻ప్రజలు నిరంతరం పోలీసులతో సమన్వయంగా సహకరిస్తే చోరీలను నియంత్రించడం చాలా సులభం.
👉🏻 అనుమానిత వ్యక్తుల కదలికలను గమనించి, పోలీసులకు సమాచారం ఇవ్వాలి.

 👉🏻ఇళ్లకు తాళాలు వేసి వెళ్లేటప్పుడు చుట్టు పక్కల వారికి లేదా స్థానిక పోలీస్ స్టేషన్‌కు సమాచారం అందించాలి.

👉🏻అనుమానాస్పదంగా తమ వీధుల్లో తిరిగే కొత్త వ్యక్తుల కదలికలపై 100 డయల్ లేదా వరంగల్ పోలీస్ కమిషనరేట్ వాట్సాప్ నెంబర్ 9491089257 కు సమాచారం ఇవ్వాలి.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి.