న్యూజిలాండ్‌తో తొలి టెస్టులో టీమ్‌ఇండియా యువ క్రికెటర్‌ శ్రేయస్‌ అయ్యర్‌ సెంచరీ కొట్టేశాడు. అరంగేట్రంలోనే శతకం బాదేసిన 16వ భారతీయుడిగా చరిత్ర సృష్టించాడు. అతడి పరుగులతోనే భారత కాస్త మెరుగైన స్కోరు చేసింది. కాగా అయ్యర్‌ సుదీర్ఘ ఫార్మాట్లో అదరగొట్టాలని అతడి తండ్రి సంతోష్‌ కలగన్నారు. నాలుగేళ్లుగా వాట్సాప్ డీపీ మార్చలేదు. ఎందుకో తెలుసా?
శ్రేయస్‌ అయ్యర్‌.. బోర్డర్‌ గావస్కర్‌ ట్రోఫీ పట్టుకున్న చిత్రాన్ని అతడి తండ్రి వాట్సాప్ డీపీగా పెట్టుకున్నారు. నాలుగేళ్లుగా మార్చలేదు. ఎందుకని అడిగితే తన కుమారుడు టెస్టు క్రికెట్లో అదరగొట్టాలన్నదే తన కలగా చెబుతున్నారు. నిరంతరం అతడికి ప్రేరణనిచ్చేందుకు ఇది ఉపయోగపడుతుందని అంటున్నారు.
'అవును.. ఆ డీపీ నాకెంతో ఇష్టం. ఆస్ట్రేలియా సిరీసులో విరాట్‌ కోహ్లీకి స్టాండ్‌బైగా శ్రేయస్‌ జట్టులో ఉన్నాడు. అప్పుడు ట్రోఫీని అతడికి అందించారు. అతడు ట్రోఫీని పట్టుకున్న చిత్రం నా హృదయానికి ఎంతో దగ్గరైంది' అని సంతోష్‌ అన్నారు. 'శ్రేయస్‌ ఆ ట్రోఫీ అందుకున్నప్పుడు అతడు టీమ్‌ఇండియాకు ఆడాలని బలంగా కోరుకున్నా. అతడికి అవకాశం ఎప్పుడు దొరుకుతుందా? ఎప్పుడు అదరగొడతాడా? అని ఎదురుచూశాను' అని ఆయన పేర్కొన్నారు.
'శ్రేయస్‌ ఆడతాడని అజింక్య రహానె ప్రకటించడం నా జీవితంలోనే అత్యంత సంతోషకరమైన సందర్భం. ఐపీఎల్‌, వన్డే, టీ20ల కన్నా దీనికి ఎంపికవ్వడమే నాకెంతో విలువైంది. ఎందుకంటే అసలైన క్రికెట్‌ ఇదే. నేను శ్రేయస్‌తో మాట్లాడేటప్పుడు చాలా సందర్భాల్లో టెస్టు క్రికెట్‌ ఆడాలని చెబుతుంటాను. అదిప్పుడు నిజమైంది. సునిల్‌ గావస్కర్‌ నాకు ఇష్టమైన క్రికెటర్లలో ఒకరు. అందుకే అదొక గర్వపడే సన్నివేశం. ఈ ఆనందం చెప్పడానికి మాటలు రావడం లేదు' అని సంతోష్‌ వివరించారు.
Also Read: Test Match Records: 23 ఏళ్లకే శుభ్‌మన్‌ అరుదైన రికార్డు.. సన్నీకి చేరువ అవుతాడా?
Also Read: IPL 2022 Auction: పంజాబ్‌కు రాహుల్‌ షాక్‌..! మోర్గాన్‌, డీకేను వదిలేస్తున్న కోల్‌కతా!
Also Read: Shreyas Iyer Test Debut: వాహ్.. అరంగేట్రంలోనే అదరగొట్టావుగా.. శ్రేయస్‌పై సోషల్‌మీడియా ప్రశంసలు!
Also Read: Bhuvneshwar Kumar Became Father: భువీకి ఆడపిల్ల.. ఈ సంవత్సరం భారత పేసర్‌కు మొదటి గుడ్‌న్యూస్!
Also Read: Ind-Pak 2021 WC: రికార్డు బద్దలు కొట్టిన ఇండియా, పాకిస్తాన్ మ్యాచ్.. ఎంతమంది చూశారంటే?
Also Read: 83 Teaser: ‘83’ మూవీ టీజర్.. వచ్చేస్తోంది వరల్డ్ కప్ హిస్టరీ.. హిట్ పక్కా!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి