IPL 2024 Auction Live Updates: ముగిసిన ఐపీఎల్ మినీ వేలం, 72 మంది ఆటగాళ్లు వెరీ లక్కీ
IPL 2024 Auction Live Updates: ఇండియన్ ప్రీమియర్ లీగ్ 2024 కోసం ప్లేయర్ల వేలానికి సర్వం సిద్ధమైంది. దీనికి సంబంధించిన లైవ్ అప్‌డేట్స్ కోసం ఇక్కడ క్లిక్ చేయండి
మంగళవారం నిర్వహించిన IPL 2024 మినీ వేలం ముగిసింది. ఈ వేలంలో మొత్తం 72 మంది ఆటగాళ్లను ఆయా ఫ్రాంచైజీలు దక్కించుకున్నాయి. ఇందులో ఆస్ట్రేలియా ఫాస్ట్ బౌలర్ మిచెల్ స్టార్క్ అత్యంత ఖరీదైనదిగా నిలిచాడు. కోల్‌కతా నైట్ రైడర్స్ రూ.24.75 కోట్లకు స్టార్క్‌ను కొనుగోలు చేసింది. పాట్ కమిన్స్ రెండవ అత్యంత ఖరీదైన ఆటగాడిగా నిలిచాడు. 20.50 కోట్లకు కమిన్స్‌ను సన్‌రైజర్స్ హైదరాబాద్ కొనుగోలు చేసింది. వేలంలో అత్యంత ఖరీదైన భారత ఆటగాడిగా హర్షల్ పటేల్ నిలిచాడు. పంజాబ్ కింగ్స్ అతడిని రూ.11.75 కోట్లకు కొనుగోలు చేసింది. యూపీ తరఫున ఆడిన సమీర్ రిజ్వీ అత్యంత ఖరీదైన అన్‌క్యాప్డ్ ప్లేయర్. సమీర్‌ను చెన్నై సూపర్ కింగ్స్ 8.40 కోట్లకు కొనుగోలు చేసింది.
వెస్టిండీస్ వికెట్ కీపర్ బ్యాట్స్‌మెన్ షాయ్ హోప్ కూడా చివరి రౌండ్‌లో సోల్డ్ అయ్యాడు. హోప్‌ను ఢిల్లీ క్యాపిటల్స్ రూ.75 లక్షలకు కొనుగోలు చేసింది. కాగా, ముంబై ఇండియన్స్ ఆఫ్ఘనిస్తాన్ ఆల్ రౌండర్ మహ్మద్ నబీని రూ. 1.5 కోట్లకు కొనుగోలు చేసింది.
ఆఫ్ఘనిస్థాన్ మిస్టరీ స్పిన్నర్ ముజీబ్ ఉర్ రెహ్మాన్‌ను కోల్‌కతా నైట్ రైడర్స్ చివరి రౌండ్‌లో రూ. 2 కోట్లకు కొనుగోలు చేసింది. గత సీజన్ లో ముంబై ఇండియన్స్ తరఫున ఆడిన అర్షద్ ఖాన్ ను లక్నో సూపర్ జెయింట్స్ రూ.20 లక్షలకు కొనుగోలు చేసింది.
ఆఖరి రౌండ్ వేలంలో దక్షిణాఫ్రికా బ్యాట్స్‌మెన్ రిలే రోసోను పంజాబ్ కింగ్స్ రూ.8 కోట్లకు కొనుగోలు చేసింది. ఢిల్లీ క్యాపిటల్స్ కూడా ఈ ఆటగాడిని తీసుకునేందుకు వేలంలో పాల్గొంది. కానీ చివరికి పంజాబ్ రోసోను దక్కించుకుంది.
శ్రీలంక ఫాస్ట్ బౌలర్ నువాన్ తుషారాపై ముంబై ఇండియన్స్ భారీ బిడ్డింగ్ వేసింది. రూ.50 లక్షల బేస్ ధరతో వేలంలోకి వచ్చిన ఈ ఆటగాడిని రూ.4.80 కోట్ల భారీ మొత్తానికి ముంబై కొనుగోలు చేసింది. ముంబై అన్‌క్యాప్డ్ ఆల్ రౌండర్ నమన్ ధీర్‌ను కూడా రూ.20 లక్షలకు కొనుగోలు చేసింది.
విదేశీ ఆటగాడు జే రిచర్డ్‌సన్‌ను ఢిల్లీ క్యాపిటల్స్ రూ. 5 కోట్లకు కొనుగోలు చేసింది.
వేలంలో ఆస్ట్రేలియా లెఫ్ట్ ఆర్మ్ ఫాస్ట్ బౌలర్ స్పెన్సర్ జాన్సన్ రూ.10 కోట్ల ధర పలికాడు. జాన్సన్ బేస్ ప్రైస్ రూ.50 లక్షలు. అతని కోసం ఢిల్లీ క్యాపిటల్స్ తో పోటీ పడి గుజరాత్ టైటాన్స్ మధ్య భారీ ధరకు సొంతం చేసుకుంది.
ఇంగ్లండ్ బౌలింగ్ ఆల్ రౌండర్ టామ్ కరన్‌ను రాయల్ ఛాలెంజర్స్ బెంగళూరు రూ. 1 కోటి 50 లక్షలకు కొనుగోలు చేసింది. సామ్ కరన్ సోదరుడే ఈ టామ్ కరన్. టామ్ ఇంతకు ముందు IPLలో ఆడాడు.
దేశవాళీ క్రికెటర్ షారుక్ ఖాన్ ను గుజరాత్ టైటాన్స్ భారీ మొత్తానికి కొనుగోలు చేసింది. తమిళనాడుకు చెందిన ఈ స్టార్ క్రికెటర్ ఇప్పటి వరకు పంజాబ్ కింగ్స్‌లో ఆడాడు. అయితే ఈసారి పంజాబ్ అతడిని విడుదల చేయగా.. రూ.7.40 కోట్లకు షారుక్ ను గుజరాత్ తీసుకుంది
ఐపీఎల్ 2024 వేలంలో 20 ఏళ్ల సమీర్ రిజ్వీ కోటీశ్వరుడయ్యాడు. రూ.8.40 కోట్లకు సమీర్ రిజ్వీని చెన్నై సూపర్ కింగ్స్ కొనుగోలు చేసింది. సమీర్ డాషింగ్ బ్యాటర్ గా పేరుంది. గుజరాత్ టైటాన్స్, చెన్నై ఫ్రాంచైజీలు ఈ యువకుడి కోసం పోటీ పడ్డాయి. చివరికి చెన్నై ఫ్రాంచైజీ అతడ్ని దక్కించుకుంది.
IPL 2024 Auction LIVE: దేశవాళీ క్రికెట్‌లో విదర్భ తరఫున ఆడుతున్న మిడిల్ ఆర్డర్ బ్యాట్స్‌మెన్ శుభమ్ దూబేపై రాజస్థాన్ రాయల్స్ భారీగా వెచ్చించింది. అన్ క్యాప్డ్ ప్లేయర్ అయిన శుభమ్ దూబేను 5 కోట్ల 80 లక్షలకు రాజస్థాన్ కొనుగోలు చేసింది.
శివమ్ దూబేపై వేలంతో తదుపరి రౌండ్ వేలం ప్రారంభమైంది. విరామం తర్వాత తొలి బిడ్ భారత ఆటగాడు శివమ్ దూబే బేస్ ధర రూ.20 లక్షలు.
దక్షిణాఫ్రికా బౌలర్ తబ్రేజ్ షమ్సీ ప్రాథమిక ధర రూ.50 లక్షలతో వేలంలోకి వచ్చాడు. కానీ అతడ్ని ఎవరూ తీసుకోలేదు. న్యూజిలాండ్ బౌలర్ ఇష్ సోధి కూడా అన్ సోల్డ్ గా మిగిలాడు. అతని బేస్ ధర రూ.75 లక్షలు. ఆఫ్ఘనిస్థాన్ బౌలర్ ముజీబ్ ఉర్ రెహ్మాన్ బేస్ ప్రైస్ రూ.2 కోట్లు. స్పిన్నర్ ముజీబ్ ను సైతం ఏ ఫ్రాంచైజీ తీసుకోలేదు..
ఆఫ్ఘనిస్థాన్ బౌలర్ వకార్ సలాంఖేల్ బేస్ ధర రూ.50 లక్షలు. అతడిపై ఎవరూ వేలం వేయలేదు. దాంతో సలాంఖేల్ అమ్ముడుపోలేదు. ఇంగ్లండ్ స్పిన్నర్ ఆదిల్ రషీద్ కూడా అమ్ముడుపోలేదు. అతని బేస్ ధర రూ.2 కోట్లు. వెస్టిండీస్ ఆటగాడు అకిల్ హుస్సేన్ కూడా అన్ సోల్డ్ గా మిగిలాడు.
శ్రీలంక బౌలర్ దిల్షాన్ మధుశంక బేస్ ప్రైస్ రూ.50 లక్షలతో వేలంలోకి వచ్చాడు. లక్నో అతనిపైనే తొలి బిడ్ వేసింది. ఆ తర్వాత ముంబై రంగంలోకి దిగింది. చివరకు మధుశంకను ముంబై రూ.4.60 కోట్లకు కొనుగోలు చేసింది.
IPL Auction 2024 Live: భారత ఆటగాడు జయదేవ్ ఉనద్కత్ బేస్ ధర రూ.50 లక్షలు. కాగా, సన్‌రైజర్స్ హైదరాబాద్ అతడిపై తొలి బిడ్ వేసింది. ఆ తర్వాత ఢిల్లీ క్యాపిటల్స్ వేలంలోకి వచ్చింది. అయితే చివరకు రూ.1.60 కోట్లకు జయదేవ్‌ను సన్ రైజర్స్ హైదరాబాద్ కొనుగోలు చేసింది.
భారత ఫాస్ట్ బౌలర్ శివమ్ మావి బేస్ ప్రైస్ రూ.50 లక్షలు. కాగా 6.40 కోట్లకు శివమ్ మావిని లక్నో సూపర్ జెయింట్స్ కొనుగోలు చేసింది. శివమ్ మావి కోసం రూ.6.20 కోట్లకు రాయల్ ఛాలెంజర్స్ బెంగళూరు వేలం వేసింది. చివరికి లక్నో సొంతం చేసుకుంది.
ఐపీఎల్ చరిత్రలోనే అత్యధిక ధర పలికిన ఆటగాడిగా ఆస్ట్రేలియాకు చెందిన మిచెల్ స్టార్క్ నిలిచాడు. కోల్ కతా నైట్ రైడర్స్ ఫ్రాంచైజీ ఆసీస్ పేసర్ మిచెల్ స్టార్క్ ను రూ.24.75 కోట్ల రికార్డు ధరకు కొనుగోలు చేసింది. మిచెల్ స్టార్క్ కోసం రూ.24.75 కోట్లు వెచ్చించి వేలంలో స్టార్ పేసర్ ను కేకేఆర్ సొంతం చేసుకుంది.
భారత బౌలర్ ఉమేష్ యాదవ్ బేస్ ధర రూ.2 కోట్లు కాగా, అతడిని కొనుగోలు చేసేందుకు సన్‌రైజర్స్ హైదరాబాద్, గుజరాత్ టైటాన్స్ మధ్య పోటీ ఏర్పడింది. ఆ తర్వాత ఢిల్లీ క్యాపిటల్స్ కూడా రంగంలోకి దిగింది. కానీ చివరకు గుజరాత్ టైటాన్స్ రూ.5.80 కోట్లకు ఉమేష్ యాదవ్‌ను కొనుగోలు చేసింది.
విండీస్ ఆటగాడు అల్జారీ జోసెఫ్ బేస్ ప్రైజ్ రూ.కోటి. అతడిని రాయల్ ఛాలెంజర్స్ బెంగళూరు రూ.1.11 కోట్లకు కొనుగోలు చేసింది. జోసెఫ్‌ను కొనుగోలు చేయడానికి లక్నో సూపర్ జెయింట్స్ పోటీ పడింది. కానీ చివరికి ఆర్సీబీ గెలిచింది.
భారత ఫాస్ట్ బౌలర్ చేతన్ సకారియా బేస్ ప్రైజ్ రూ.50 లక్షలు. అతడిని కోల్‌కతా నైట్రైడర్స్ బేస్ ప్రైస్‌కు కొనుగోలు చేసింది. న్యూజిలాండ్ ఫాస్ట్ బౌలర్ లాకీ ఫెర్గూసన్ బేస్ ప్రైజ్ రూ.2 కోట్లు. అతన్ని కొనుగోలు చేసేందుకు ఎవరూ ఆసక్తి చూపలేదు. ఫెర్గూసన్ అమ్ముడుపోలేదు.
భారత వికెట్ కీపర్, బ్యాట్స్‌మన్ కేఎస్ భరత్ బేస్ ప్రైజ్ రూ.50 లక్షలు. అతడిని కోల్‌కతా నైట్రైడర్స్ కొనుగోలు చేసింది.
దక్షిణాఫ్రికా వికెట్ కీపర్ ట్రిస్టన్ స్టబ్స్ బేస్ ప్రైస్ రూ.50 లక్షలు. అదే ధరకు అతడిని ఢిల్లీ క్యాపిటల్స్ కొనుగోలు చేసింది.
IPL Auction 2024 Live: అన్ సోల్డ్ ప్లేయర్ గా ఫిలిప్ సాల్ట్
బిడ్డింగ్ తరువాత రౌండ్ ప్రారంభమైంది. ఇంగ్లండ్ వికెట్ కీపర్ బ్యాట్స్‌మెన్ ఫిలిప్ సాల్ట్‌పై బిడ్డింగ్ జరిగింది. అతని బేస్ ధర రూ.1.50 కోట్లు కాగా, ఆ ధరకు సైతం అతడ్ని ఎవరూ కోనుగోలు చేయలేదు.
స్టార్ ఆటగాళ్లలో అయితే ఆస్ట్రేలియా మాజీ కెప్టెన్ స్టీవ్ స్మిత్ కు ఫ్రాంచైజీలు షాకిచ్చాయి. ఏ ఒక్క ఫ్రాంకైజీ స్మిత్ ను తీసుకోకపోవడంతో అన్ సోల్డ్ ప్లేయర్ గా నిలిచాడు.
ఇప్పటి వరకు జరిగిన వేలాన్నిగమనిస్తే నలుగురు ఆటగాళ్లు అమ్ముడుపోలేదు. ఆస్ట్రేలియా ఆటగాడు స్టీవ్ స్మిత్ అమ్ముడుపోలేదు. అతనితో పాటు మనీష్ పాండే, కరుణ్ నాయర్ మరియు రిలే రోసోను ఏ ఫ్రాంచైజీ కొనుగోలు చేయలేదు.
ఇప్పటి వరకు జరిగిన వేలంలో చూస్తే చెన్నై ముగ్గురు ఆటగాళ్లను కొనుగోలు చేసింది. డారిల్ మిచెల్ ను రూ.14 కోట్లకు కొనుగోలు చేశారు. రచ్చన్ రవీంద్రను రూ.1.80 కోట్లకు కొనుగోలు చేశారు. శార్దూల్ ఠాకూర్‌ను రూ.4 కోట్లకు కొనుగోలు చేశారు.
హైదరాబాద్ ముగ్గురు ఆటగాళ్లను కొనుగోలు చేసింది. పాట్ కమిన్‌ను రూ.20.50 కోట్లకు కొనుగోలు చేశారు. ట్రావిస్ హెడ్‌ను రూ.6.80 కోట్లకు కొనుగోలు చేశారు. వనిందు హసరంగను రూ.1.50 కోట్లకు కొనుగోలు చేశారు. క్రిస్ వోక్స్, హర్షల్ పటేల్‌ను పంజాబ్ రూ.11.75 కోట్లకు కొనుగోలు చేశారు. రోవ్ మన్ పావెల్‌ను రాజస్థాన్ దక్కించుకుంది. హ్యారీ బ్రూక్ ను ఢిల్లీ , గెరాల్డ్ కోయిట్జీని ముంబై కొనుగోలు చేశాయి.
ఇంగ్లాండ్ ఆల్ రౌండర్ క్రిస్ వోక్స్ బేస్ ప్రైజ్ రూ.2 కోట్లు. కోల్‌కతా నైట్రైడర్స్ తొలి బిడ్ దాఖలు చేసింది. కానీ చివరికి పంజాబ్ కింగ్స్ కొనుగోలు చేసింది. క్రిస్ వోక్స్‌ను పంజాబ్ రూ.4.20 కోట్లకు కొనుగోలు చేసింది.
న్యూజిలాండ్ ఆల్ రౌండర్ డారిల్ మిచెల్ బేస్ ప్రైస్ కోటి రూపాయలు. ఇతనిపై ఢిల్లీ క్యాపిటల్స్ తొలి బిడ్ వేసింది. ఆ తర్వాత పంజాబ్ కింగ్స్ వేలం మొదలైంది. చివరికి చెన్నై సూపర్ కింగ్స్ మిచెల్ ను కొనుగోలు చేసింది. మిచెల్‌ను సీఎస్కే రూ.14 కోట్లకు కొనుగోలు చేసింది.
భారత ఆటగాడు హర్షల్ పటేల్ కనీస ధర రూ.2 కోట్లు. ఇతనిపై గుజరాత్ టైటాన్స్ తొలి బిడ్ వేసింది. గుజరాత్ తర్వాత పంజాబ్ కింగ్స్ బరిలోకి దిగింది. గుజరాత్, పంజాబ్ జట్ల మధ్య పోటీ చివరి వరకు కొనసాగింది. ఆ తర్వాత లక్నో సూపర్ జెయింట్స్ వేలంపాటలోకి వచ్చింది. కానీ చివరికి పంజాబ్ కింగ్స్ గెలిచింది. హర్షల్ పటేల్ ను పంజాబ్ రూ.11.75 కోట్లకు కొనుగోలు చేసింది.
దక్షిణాఫ్రికా ఆల్ రౌండర్ గెరాల్డ్ కొయిట్జీ బేస్ ప్రైజ్ రూ.2 కోట్లు. అతడిని ముంబై ఇండియన్స్ రూ.5 కోట్లకు కొనుగోలు చేసింది.
ఆస్ట్రేలియా ఆటగాడు ప్యాట్ కమిన్స్ బేస్ ప్రైస్ రూ.2 కోట్లు. కమిన్స్ పై చెన్నై సూపర్ కింగ్స్ తొలి బిడ్ వేసింది. ఆ తర్వాత ముంబై ఇండియన్స్ రూ.4.80 కోట్ల వరకు పాడింది. ఆ తర్వాత ఆర్సీబీ బరిలోకి దిగింది. 7.60 కోట్ల వరకు చెన్నై వేలంలో ఉంది. ఆ తర్వాత సన్‌రైజర్స్ హైదరాబాద్ జోరు కొనసాగింది. 20.50 కోట్లకు కొనుగోలు చేసింది.
శ్రీలంక మిస్టరీ స్పిన్నర్ వనిందు హసరంగను సన్‌రైజర్స్ హైదరాబాద్ రూ.1.5 కోట్లకు కొనుగోలు చేసింది. హైదరాబాద్ మినహా మరే జట్టు కూడా హసరంగ కోసం పోటీ పడలేదు.
50 లక్షల బేస్ ప్రైస్ ఉన్న రచిన్ రవీంద్రను చెన్నై సూపర్ కింగ్స్ రూ.1.80 కోట్లకు కొనుగోలు చేసింది. ఈ న్యూజిలాండ్ ఆల్ రౌండర్ ఆటగాడు 2023 ప్రపంచకప్ లో అద్భుతంగా రాణించాడు.
భారత స్టార్ ఆల్రౌండర్ శార్దూల్ ఠాకూర్‌ను చెన్నై సూపర్ కింగ్స్ రూ.4 కోట్లకు కొనుగోలు చేసింది. శార్దూల్ బేస్ ప్రైస్ రూ.2 కోట్లు. అఫ్గానిస్థాన్ ఆల్రౌండర్ అజ్మతుల్లా ఉమర్జాయ్ రూ.50 లక్షలకు అమ్ముడుపోయాడు. అతడిని గుజరాత్ టైటాన్స్ కొనుగోలు చేసింది.
భారత ఆటగాళ్లు కరుణ్ నాయర్, మనీష్ పాండే అమ్ముడుపోలేదు. కరుణ్ నాయర్ బేస్ ప్రైస్ రూ.50 లక్షలు. మనీష్ పాండే బేస్ ప్రైస్ రూ.50 లక్షలు.
ఆస్ట్రేలియా ఆటగాడు ట్రావిస్ హెడ్ బేస్ ప్రైస్ రూ.2 కోట్లు. సన్ రైజర్స్ హైదరాబాద్ అగ్రస్థానంలో నిలవగా చెన్నై సూపర్ కింగ్స్ రెండో స్థానంలో నిలిచింది. సీఎస్కే రూ.6.60 కోట్లకు తుది బిడ్ దాఖలు చేసింది. కానీ ఆ తర్వాత అతడిని సన్‌రైజర్స్ హైదరాబాద్ కొనుగోలు చేసింది. హెడ్ ను హైదరాబాద్ రూ.6.80 కోట్లకు కొనుగోలు చేసింది.
హ్యారీ బ్రూక్‌ను రూ.4 కోట్లకు ఢిల్లీ క్యాపిటల్స్ కొనుగోలు చేసింది. అతని బేస్ ప్రైస్ రూ.2 కోట్లు. రాజస్థాన్ రాయల్స్ బ్రూక్‌ను కొనుగోలు చేయాలని చూసింది. చివరకు ఢిల్లీ దక్కించుకుంది.
దక్షిణాఫ్రికా బ్యాట్స్ మన్ రిలీ రూసో అమ్ముడుపోలేదు. అతని బేస్ ప్రైజ్ రూ.2 కోట్లు.
ఐపీఎల్ వేలం కోసం తొలి బిడ్‌లో వెస్టిండీస్ ఆటగాడు రోవ్మన్ పావెల్‌ను రాజస్థాన్ కొనుగోలు చేసింది. బేస్ ప్రైస్ కంటే 7 రెట్లు ఎక్కువకు కొనుగోలు చేసింది. రూ.7.40 కోట్లకు కొనుగోలు చేసింది. అతని బేస్ ప్రైస్ కోటి రూపాయలు.
తొలి సెట్లో బ్యాట్స్‌మెన్‌ను బరిలోకి దింపారు. మొదటి బిడ్ రోవ్మన్ పావెల్‌పై ఉంది. అతని బేస్ ప్రైస్ కోటి రూపాయలు.
ఐపీఎల్ 2024 వేలం ప్రారంభమైంది. ఈ సభకు అరుణ్ కుమార్ ధుమాల్ ను ఆహ్వానించారు. అన్ని ఫ్రాంచైజీల నుంచి ప్రజలు కోకాకోలా ఎరీనాకు చేరుకున్నారు. మరికొద్ది నిమిషాల్లో తొలి వేలం జరగనుంది.
మరికాసేపట్లో ఐపీఎల్ 2024 వేలం ప్రారంభం కానుంది. తొలి సెట్లో హ్యారీ బ్రూక్, ట్రావిస్ హెడ్, కరుణ్ నాయర్, మనీష్ పాండే, రోవ్మన్ పావెల్, రిలీ రోసౌ, స్టీవ్ స్మిత్ ఉన్నారు. బ్రూక్, హెడ్, స్మిత్, రుస్సోల బేస్ ప్రైస్ రూ.2 కోట్లు.
ఐపీఎల్ 2024 వేలంలో 333 మంది ఆటగాళ్లు పాల్గొంటున్నారు. ఇందులో 214 మంది భారతీయులు, 119 మంది విదేశీ ఆటగాళ్లు ఉన్నారు. వేలంలో గరిష్టంగా 77 మంది ఆటగాళ్లను కొనుగోలు చేయవచ్చు. 262.95 కోట్లు ఖర్చు చేయనున్నారు.
ఈసారి వేలం దుబాయ్‌లో జరుగుతోంది. భారత్ వెలుపల ఐపీఎల్ వేలం నిర్వహించడం ఇదే తొలిసారి.
ఇండియన్ ప్రీమియర్ లీగ్ 2024 వేలానికి టైం దగ్గర పడింది. దుబాయ్‌లో జరగబోయే వేలంలో మొత్తం 10 జట్లు 77 స్లాట్లు కోసం పోటీ పడుతున్నాయి. ఇందులో 30 స్లాట్‌లలో విదేశీ ఆటగాళ్లకు కేటాయించారు. ఈ వేలంలో 333 మంది తమ అదృష్టాన్ని పరీక్షించుకోనున్నారు. వేలం జాబితాలో పలువురు పెద్ద ఆటగాళ్లు కూడా ఉన్నారు. శార్దూల్ ఠాకూర్, వనిందు హసరంగ, మిచెల్ స్టార్క్, ఆదిల్ రషీద్, లాకీ ఫెర్గూసన్ పై ఫోకస్‌ పెట్టాయి జట్లు.
Background
- - - - - - - - - Advertisement - - - - - - - - -