పనిఒత్తిడి, వ్యక్తిగత జీవితంలో కలహాలు, నిద్రలేమి, మానసిక ఆందోళన, చెడు ఆహారపు అలవాట్లు... కారణాలు ఎన్నో, కానీ ఫలితం మాత్రం హైబీపీ. ఇంతకుముందు కేవలం వయసు ముదిరాకే హైబీపీ వచ్చేది. కానీ ఇప్పుడు యుక్త వయసులోనే దీని జాడలు కనిపిస్తున్నాయి. దీనివల్ల షుగర్ ఇతర ఆరోగ్యసమస్యలు కూడా వచ్చే అవకాశం పెరుగుతుంది. అందుకే హైబీపీ రాకుండా ముందే అడ్డుకుంటే...సంతోషకర జీవితాన్ని పొందిన వారవుతారు. ఇందుకోసం యుక్త వయసు నుంచే కొన్ని నియమాలు పాటించాల్సి ఉంటుంది.
ఏంచేయాలి?
1. వయసులో ఉన్నవారు ఉప్పుని చాలా తేలికగా తీసుకుంటారు. ఎంత తిన్నా ఫర్వాలేదనుకుంటారు. మీరు యుక్తవయసులో తీసుకున్న ఉప్పు శాతమే... మీకు హైబీపీ ఎంత త్వరగా వస్తుందో నిర్ణయిస్తుంది. కాబట్టి ఉప్పు తీసుకోవడం బాగా తగ్గించాలి. వంటకాలు కాస్త చప్పగా అనిపించినా ఫర్వాలేదని సర్దుకుపోతే భవిష్యత్తులో మీకే మంచిది. ఉప్పు తగ్గినప్పుడు కాస్త మసాలాలు దట్టించుకోండి రుచి కోసం. అలా మరీ ఎక్కువ కాదు వేసుకోవద్దు.
2. బాడీ మాస్ ఇండెక్స్... ఈ ఎత్తుకు తగ్గ బరువు ఉండడం చాలా ముఖ్యమని చెబుతోంది. మీ ఎత్తుకు ఎంత బరువు ఉండాలో ఆరోగ్యనిపుణుల సాయంతో తెలుసుకుని అదే బరువును మెయింటేన్ చేయండి. అధిక బరువు, ఊబకాయం వంటివి హైబీపీ, షుగర్ వ్యాధుల బారిన త్వరగా పడేలా చేస్తాయి.
3. కొలెస్ట్రాల్ కూడా చాలా ముఖ్యపాత్ర పోషిస్తుంది. రక్త నాళాల్లో కొవ్వు పేరుకుంటే అది చాలా సమస్యలకు దారి తీస్తుంది. కేవలం హైబీపీ రావడమే కాదు, గుండె జబ్బులకు కూడా కారణమవుతుంది. కాబట్టి ఒంట్లో కొలెస్ట్రాల్ శాతం అవసరమైనంత మాత్రమే ఉన్నట్టు చూసుకోండి. ఇందుకు వైద్యుల సలహా తీసుకోవచ్చు.
4. మీకు ధూమపానం, మద్యపానం అలవాటుందా వెంటనే మానివేయండి. మానివేయడం కష్టం అనుకుంటే కనీసం తగ్గించండి. వీటివల్ల ముప్పు చాలా ఎక్కువ.
5. ఇంట్లో, ఆఫీసులో గంటలుగంటలు కూర్చోవడం మానేసి నడవడం అలవాటు చేసుకోండి. శారీరకంగా చాలా యాక్టివ్ గా ఉండాలి. రోజులో కనీసం అరగంటైనా వ్యాయమం చేయండి. వీలుకాకపోతే వేగంగా నడవడం వంటివి చేయండి.
6. అతిగా శుధ్ధి చేసిన ఆహారపదార్థాల వల్ల రక్తపోటు పెరిగే అవకాశం ఉంటుంది. కాబట్టి ఇంటి దగ్గర తాజాగా వండుకుని తినే ఆహారానికే ప్రాధాన్యత ఇవ్వండి. పంచదారను తినడం తగ్గించండి. అంతేకాదు తరచూ వేపుళ్లు తినడం, బిర్యానీలే తినడం కూడా తగ్గించండి. పదిరోజులకోసారి అలాంటివి తింటే పెద్దగా ప్రమాదం ఉండదు.
7. అల్లాన్ని ఎక్కువగా వాడడం అలవాటు చేసుకోవాలి. అల్లంటీ, అల్లం చారు వంటివి వారానికి రెండు సార్లయినా తీసుకోవాలి. దీనివల్ల రక్తపోటు నియంత్రణలో ఉంటుంది.
ముఖ్య గమనిక: ఆరోగ్య నిపుణులు, పలు అధ్యయనాల్లో పేర్కొన్న అంశాలను ఇక్కడ యథావిధిగా అందించాం. మీకు ఎలాంటి సందేహాలు ఉన్నా వైద్యుడు లేదా ఆహార నిపుణులను సంప్రదించాలి. ఈ కథనం కేవలం మీ అవగాహన కోసమేనని గమనించగలరు.
Also read: వినువీధిలో అద్భుతం, వందేళ్లలో అత్యంత సుదీర్ఘమైన చంద్రగ్రహణం... చూసే అదృష్టం ఈ దేశాల వారిదే
Also read: మైదాపిండి ఎలా తయారుచేస్తారో తెలుసా? దానిలో వాడే రసాయనాలు ఇవే... తింటే ప్రమాదమే
Also read: తొలిసారి కరోనాకు చెక్ పెట్టేందుకు టాబ్లెట్... బ్రిటన్ ఆమోదం
Also read:ప్రేమ, ఇష్టం, సెక్స్, బుజ్జగింపులు, కౌగిలింతలు... ఇవన్నీ ఈ నాలుగు హార్మోన్లు ఆడే ఆట
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి