Shriya Saran: తల్లైన హీరోయిన్ శ్రియ.. ఫ్యాన్స్ కు బిగ్ షాక్..

ప్రముఖ హీరోయిన్ శ్రియ శరన్ తల్లైన విషయాన్ని తాజాగా అభిమానులతో పంచుకుంది. 

హీరోయిన్ శ్రియశరన్(Shriya Saran) పెద్ద సీక్రెట్ ను బయటపెట్టింది. గతేడాది తను పండంటి బిడ్డకు జన్మనిచ్చినట్లు షాకింగ్ విషయాన్ని చెప్పింది. రోపోసో(ROPOSO) అనే సోషల్ మీడియా యాప్ లో శ్రియ ఈ విషయాన్ని వెల్లడించింది.

సోషల్ మీడియా పోస్ట్: ''2020 ప్రపంచం మొత్తాన్ని కష్టపెట్టింది. ఏడాది మొత్తం అందరూ క్వారెంటైన్ లో ఉండిపోయారు. కోవిడ్ కారణంగా అందరూ ఎన్నో ఇబ్బందికర పరిస్థితులను ఎదుర్కొన్నారు. కానీ మా జీవితంలో మాత్రం అద్భుతం జరిగింది. చిన్నారి రాకతో మా ప్రపంచమే మారిపోయింది. మాకొక ఏంజిల్ ని ఇచ్చినందుకు ఆ దేవుడికి ఎంతో రుణపడి ఉంటాను'' అంటూ ఈ గుడ్ న్యూస్ ను ఫ్యాన్స్ తో షేర్ చేసుకుంది శ్రియ.

2018లో రష్యాకు చెందిన వ్యాపారవేత్త ఆండ్రీ కొచీవ్(Andrei Koscheev)ను ప్రేమించి పెళ్లి చేసుకుంది శ్రియ. గతేడాది స్పెయిన్ లోని బార్సిలోనాలోనే శ్రియ ఆడపిల్లకు జన్మనిచ్చింది. ఏడాది వరకు శ్రియ తన ప్రెగ్నెన్సీ విషయాన్ని బయటపెట్టకుండా జాగ్రత్త పడింది. గతేడాది వెకేషన్ కోసం బార్సిలోనాకు వెళ్లిన శ్రియా దంపతులు లాక్ డౌన్ కారణంగానే అక్కడే ఉండిపోయారు. ఈ మధ్యే ఇండియాకు తిరిగి వచ్చిన జంట ముంబైలో నివాసం ఉంటుంది. ఇక శ్రియ కెరీర్ విషయానికొస్తే.. సెకండ్ ఇన్నింగ్స్ లో మంచి అవకాశాలనే అందిపుచ్చుకుంటుంది ఈ బ్యూటీ. ప్రస్తుతం ఆమె 'ఆర్ఆర్ఆర్'(RRR) సినిమాలో కీలకపాత్ర పోషిస్తుంది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి