RRR Release Date: వేసవికే ఫిక్స్ అయిన రాజమౌళి.. మరి నిర్మాత ఏం చేస్తారో.. 

దర్శకధీరుడు ఎస్.ఎస్.రాజమౌళి తెరకెక్కిస్తోన్న చిత్రం 'ఆర్ఆర్ఆర్'. రామ్ చరణ్, ఎన్టీఆర్ లు హీరోగా నటిస్తోన్న ఈ సినిమా రిలీజ్ వాయిదాల మీద వాయిదా పడుతూనే ఉంది.

దర్శకధీరుడు ఎస్.ఎస్.రాజమౌళి తెరకెక్కిస్తోన్న చిత్రం 'ఆర్ఆర్ఆర్'. రామ్ చరణ్, ఎన్టీఆర్ లు హీరోగా నటిస్తోన్న ఈ సినిమా రిలీజ్ వాయిదాల మీద వాయిదా పడుతూనే ఉంది. ఫైనల్ గా ఈ ఏడాది దసరా కానుకగా అక్టోబర్ 13న సినిమాను రిలీజ్ చేస్తున్నట్లు అధికారికంగా ప్రకటించారు. కానీ ఇప్పుడు మళ్లీ సినిమా వాయిదా పడింది. సంక్రాంతి బరిలోకి వస్తుందని వార్తలు వస్తున్నాయి. కానీ అందులో క్లారిటీ లేదు. ఇప్పుడు లేటెస్ట్ గా ఏప్రిల్ లో సినిమా విడుదలవుతుందనేది కొత్త వార్త. 

అక్టోబర్ నెలాఖరుకి ఏడు భాషలకు సంబంధించిన ఫస్ట్ కాపీలు రెడీ అయిపోయాయని.. డిస్ట్రిబ్యూటర్లకు సమాచారం అందించారు. సినిమా రిలీజ్ అనేది పరిస్థితులను బట్టి.. టికెట్ రేట్లను బట్టి ఇలా చాలా అంశాలను పరిగణలోకి తీసుకొని ఓ నిర్ణయం తీసుకోవాలి. కానీ అందుతున్న సమాచారం ప్రకారం.. డిసెంబర్ నెలాఖరుకి కానీ సీజీ వర్క్ లతో సహా కాపీలు రెడీ కావని తెలుస్తోంది. అయినప్పటికీ సినిమాను సంక్రాంతికి విడుదల చేసుకోవచ్చు. 

అయితే రాజమౌళి మాత్రం వేసవికే సినిమాను విడుదల చేయాలని అంటున్నారట. అలా కాకుండా సంక్రాంతికే సినిమాను రిలీజ్ చేసినా.. తనకు ఎలాంటి అభ్యంతరం లేదని.. తన అభిప్రాయం మాత్రం ఏప్రిల్ 2022 అని నిర్మాతకు స్పష్టంగా చెప్పేశారట. ఏప్రిల్ అంటే అప్పటికి కరోనా తగ్గి.. పరిస్థితులు మెరుగుపడే అవకాశం ఉంది. థియేటర్ వ్యవస్థ పుంజుకోవచ్చు. అలానే ఏపీలో టికెట్ రేట్ల వ్యవహారం ఓ కొలిక్కి వస్తుంది. అన్ని విధాలా చూసుకుంటే సమ్మర్ కి సినిమాను రిలీజ్ చేయడమనేది కరెక్ట్ అని భావిస్తున్నారు. మరి మేకర్స్ ఎలాంటి నిర్ణయం తీసుకుంటారో చూడాలి!

ఇక ఈ సినిమాలో రామ్ చరణ్ కి జోడీగా.. అలియాభట్ కనిపించనుంది. ఎన్టీఆర్ సరసన బ్రిటీష్ భామ ఒలీవియా మోరిస్ నటిస్తోంది. కీరవాణి సంగీతం అందిస్తోన్న ఈ సినిమాలో రీసెంట్ గా ఓ పాటను విడుదల చేశారు. దీనికి యూట్యూబ్ లో మిలియన్ల వ్యూస్ వచ్చాయి.