మూవీ ఆర్టిస్ట్స్ అసోసియేషన్(మా) ఎన్నికల్లో ప్రకాష్ రాజ్ గెలవాలని కోరుకుంటున్నట్లు నటి పూనమ్ కౌర్ సోషల్ మీడియాలో పోస్ట్ పెట్టారు. అక్టోబర్ 10న జరగనున్న మా ఎన్నికల్లో అధ్యక్ష పదవి కోసం ప్రకాష్ రాజ్, మంచు విష్ణు పోటీ పడుతున్నారు. చాలా కాలం క్రితమే ప్రచార కార్యక్రమాలు కూడా మొదలుపెట్టేశారు. ఈ క్రమంలో ఒకరిపై మరొకరు విమర్శలు చేసుకుంటూ వార్తల్లో నిలుస్తున్నారు. రీసెంట్ గా మంచు విష్ణు, నరేష్.. ప్రకాష్ రాజ్ పై కామెంట్స్ చేయగా.. ఈరోజు ఆయన ఆ మాటలకు ధీటుగా బదులిచ్చారు.
Also Read: పోసాని ఎక్స్‌పైరీ ట్యాబ్లెట్.. అతడి చావు భయంకరంగా ఉంటుంది: బండ్ల గణేష్
ఒళ్లు దగ్గర పెట్టుకొని మాట్లాడాలని.. నోరు జారకూడదని మంచు విష్ణుకి వార్నింగ్ కూడా ఇచ్చారు. మరి దీనిపై మంచు విష్ణు ఎలా రియాక్ట్ అవుతారో చూడాలి. ఇదిలా ఉండగా.. నటి పూనమ్ కౌర్.. ప్రకాష్ రాజ్ గెలవాలని ట్విట్టర్ లో ఓ పోస్ట్ పెట్టారు. ఆయన గెలిస్తేనే ఇంతకాలం తాను ఎదుర్కొన్న సమస్యలను చెప్పగలిగే అవకాశం ఉంటుందని అన్నారు. ఈ మేరకు ప్రకాష్ రాజ్ తో దిగిన ఫోటోను షేర్ చేస్తూ.. ''మా ఎన్నికల్లో ప్రకాష్ రాజ్ సర్ గెలవాలని కోరుకుంటున్నా.. ఆయన విజయం సాధిస్తే ఇంతకాలం నేను ఎదుర్కొంటున్న సమస్యలను బయటపెడతా. ఆయన చిల్లర రాజకీయాలు చేయరు'' అని పేర్కొన్నారు.
దీనిపై నెటిజన్లు రకరకాలుగా స్పందిస్తున్నారు. 'వాళ్లు గెలిస్తే చెప్తా.. ఫ్యూచర్ లో చెప్తా.. అనడం తప్ప రివీల్ చేసేది ఏం ఉండదని' ఒక నెటిజన్ అంటే.. 'నీకు న్యాయం చేసేది 'మా' కాదు.. పోలీసులు, జ్యుడిషరీ, గవర్నమెంట్' అని మరో నెటిజన్ కామెంట్ చేశాడు. మరికొందరేమో ముందు వెళ్లి పోలీస్ స్టేషన్ లో కంప్లైంట్ చెయ్ అంటూ సలహాలు ఇస్తున్నారు.
Also Read:పవన్‌తో విభేదాలు.. ఆయన మార్నింగ్ షో కలెక్షనంత ఉండదు మీ సినిమా: ప్రకాష్ రాజ్
Also Read: రిపబ్లిక్ సమీక్ష: ఆలోచింపజేసే అరుదైన సినిమా.. అయితే?
Also Read: పవన్ వ్యాఖ్యలపై స్పందించిన మంచు విష్ణు.. ‘మా’లో నామినేషన్ దాఖలు