PPF: జనానికి మళ్లీ మొండిచెయ్యి - పోస్టాఫీస్‌ పథకాలపై పైసా కూడా పెరగని వడ్డీ రేట్లు

Small Saving Schemes Interest Rates: కేంద్ర ప్రభుత్వం, చిన్న పొదుపు పథకాల్లో ఇన్వెస్ట్ చేస్తున్న సామాన్య ప్రజలకు మరోమారు నిరాశను మిగిల్చింది. ఇలా చేయడం ఇది వరుసగా రెండోసారి. ప్రస్తుత ఆర్థిక సంవత్సరం (2024-25) రెండో త్రైమాసికంలో (జులై-సెప్టెంబర్‌ కాలం)... పబ్లిక్‌ ప్రావిడెంట్‌ ఫండ్‌ (PPF), సుకన్య సమృద్ధి యోజన ‍‌(SSY), కిసాన్‌ వికాస్‌ పత్ర ‍‌(KVP), సీనియర్‌ సిటిజన్‌ సేవింగ్స్‌ స్కీమ్‌ (SCSS), నేషనల్‌ సేవింగ్స్‌ సర్టిఫికెట్‌ (NSC) సహా పోస్ట్ ఆఫీస్ డిపాజిట్ సేవింగ్స్ స్కీమ్‌ల వడ్డీ రేట్లలో ఎలాంటి మార్పు చేయలేదు. ఈ ఆర్థిక సంవత్సరం రెండో త్రైమాసికంలో చిన్న మొత్తాల పొదుపు పథకాల వడ్డీ రేట్లలో ఎలాంటి మార్పు లేదని ఆర్థిక మంత్రిత్వ శాఖ తెలిపింది.

2024-25 ఆర్థిక సంవత్సరం రెండో త్రైమాసికం కాలానికి చిన్న మొత్తాల పొదుపు పథకాల వడ్డీ రేట్లను యథాతథంగా ఉంచుతున్నట్లు ఆర్థిక మంత్రిత్వ శాఖకు చెందిన ఆర్థిక వ్యవహారాల విభాగం కార్యాలయం మెమోరాండం జారీ చేసింది. అంటే, 2024-25 తొలి త్రైమాసికంలోని (ఏప్రిల్‌-జూన్‌ కాలం) వడ్డీ రేట్లనే రెండో త్రైమాసికంలోనూ కొనసాగిస్తూ నిర్ణయం తీసుకుంది. చిన్న మొత్తాల పొదుపు పథకాలకు ఈ ఏడాది సెప్టెంబర్‌ 30 వరకు పాత వడ్డీ రేట్లే వర్తిస్తాయి. 

వడ్డీ రేటు పెరుగుతుందని ఆశించిన పీపీఎఫ్‌ పెట్టుబడిదార్లను ఆర్థిక మంత్రిత్వ శాఖ నిర్ణయం చాలా నిరాశపరిచింది. 2020-21 ఆర్థిక సంవత్సరం మొదటి త్రైమాసికం నుంచి పబ్లిక్ ప్రావిడెంట్ ఫండ్ వడ్డీ రేట్లలో కేంద్ర ప్రభుత్వం ఎలాంటి మార్పు చేయలేదు. ఇది తప్ప, గత ఏడాదిన్న కారంలో మిగిలిన పథకాల్లో వడ్డీ రేట్లను సర్కారు పెంచింది. 

వివిధ చిన్న మొత్తాల పొదుపు పథకాలపై వడ్డీ రేట్లు (Small Saving Scheme Interest Rates From 01 July - 30 September 2024)

సుకన్య సమృద్ధి యోజన (Sukanya Samriddhi Yojana Interest Rate) వడ్డీ రేటు    ------  8.20 శాతం
సీనియర్ సిటిజన్ సేవింగ్ స్కీమ్ (SCSS Interest rate) వడ్డీ రేటు    ------  8.20 శాతం
నేషనల్ సేవింగ్స్ సర్టిఫికెట్ (NSC Interest rate) వడ్డీ రేటు    ------  7.70 శాతం
పబ్లిక్ ప్రావిడెంట్ ఫండ్  (PPF Interest rate) వడ్డీ రేటు    ------  7.10 శాతం
కిసాన్ వికాస్ పత్ర (KVP Interest rate) వడ్డీ రేటు    ------  7.50 శాతం (115 నెలల మెచ్యూరిటీ కాలం)
పోస్ట్ ఆఫీస్ మంత్లీ ఇన్‌కమ్‌ స్కీమ్‌ (POMIS Interest rate) వడ్డీ రేటు    ------  7.40 శాతం
పొదుపు ఖాతా వడ్డీ రేటు (Savings Scheme Interest rate)   ------  4.00 శాతం
1 సంవత్సరం టైమ్ డిపాజిట్  వడ్డీ రేటు    ------  6.90 శాతం
2 సంవత్సరాల కాల డిపాజిట్  వడ్డీ రేటు    ------  7.00 శాతం
3 సంవత్సరాల కాల డిపాజిట్  వడ్డీ రేటు    ------  7.10 శాతం
5 సంవత్సరాల కాల డిపాజిట్  వడ్డీ రేటు    ------  7.50 శాతం
5 సంవత్సరాల రికరింగ్ డిపాజిట్  వడ్డీ రేటు    ------  6.70 శాతం

మరో ఆసక్తికర కథనం: తెలుగు రాష్ట్రాల్లో మారిన పెట్రోల్‌, డీజిల్‌ ధరలు - ఈ రోజు రేట్లు ఇవి