ABP దేశం 
ABP దేశం
దీర్ఘకాలిక ఆర్థిక భద్రత, స్థిరత్వానికి మార్గం సుగమం ( Image Source : Other )
Understanding The 50:30:20 Rule: ప్రతి కుటుంబ ఆదాయంలో ఖచ్చితంగా పొదుపులు ఉండాలి. ఖర్చు పెట్టగా మిలిగిన దానిని పొదుపు చేయడం కాదు, పొదుపు చేయగా మిగిలిన దానిని ఖర్చు పెట్టుకోవాలన్నది ఆర్థికవేత్తలు చెప్పే విలువైన మాట. ఆర్థిక నిర్ణయాలు కుటుంబ జీవితాన్ని ప్రభావితం చేసే ఈ ప్రపంచంలో, తెలివైన వారి ఆలోచనలు & ఆచరణల నుంచి 50:30:20 నియమం ఉద్భవించింది. అవసరాలు - కోరికలు మధ్య తేడాను విడమరిచి చెబుతూ, ఆర్థిక నిర్వహణ విషయంలో ఇదొక సమర్థవంతమైన ఫ్రేమ్వర్క్గా మారింది. ఆర్థిక స్థిరత్వాన్ని కోరుకునే ప్రతి వ్యక్తికి, ప్రతి కుటుంబానికి ఇది మరింత స్పష్టతను, సమతుల్యతను అందిస్తుంది.
ప్రపంచవ్యాప్తంగా గుర్తింపు పొందిన 50:30:20 రూల్, వ్యక్తి/కుటుంబ ఆదాయాన్ని మూడు విభిన్న వర్గాలుగా విభజిస్తుంది. అవి - 1. అవసరాలు, 2. కోరికలు, 3. పొదుపులు లేదా రుణ చెల్లింపులు.
ఆదాయం కేటాయింపు: బిగ్ 50 రూల్
ఈ బడ్జెట్ వ్యూహంలో మొదటి అడుగు.. వ్యక్తి లేదా కుటుంబ ఆదాయంలో 50 శాతాన్ని కుటుంబ అవసరాలకు (Needs) కేటాయించడం. ఇందులో... హౌసింగ్, యుటిలిటీస్, కిరాణా సామగ్రి, బైక్/కార్ నిర్వహణ వంటి కీలకమైన ఖర్చులు ఉంటాయి. సంపాదనలో సగం మొత్తాన్ని ఈ అవసరాలకు కేటాయించడం ద్వారా ఆ కుటుంబం తమ ప్రాథమిక జీవన అవసరాలను తీర్చుకోవాలి. ఆదాయంలో 50 శాతం మొత్తానికి తగ్గట్లుగా ఖర్చులను ప్లాన్ చేసుకోవాలి, ఈ గీతను దాటకూడదు. 50 శాతం డబ్బుతో స్వేచ్ఛగా రోజువారీ అవసరాలు తీర్చుకోవచ్చు. ఇంకా సగం డబ్బు మిగులుతుంది కాబట్టి ఆ కుటుంబంపై ఆర్థిక ఒత్తిడి చాలా వరకు తగ్గుతుంది. ఇది మొత్తం ఆర్థిక ఆరోగ్యాన్ని మెరుగుపరుస్తుంది.
జీవితంలో సమతౌల్యం: మిడ్ 30 రూల్
50:30:20 నియమంలో రెండో భాగం.. వ్యక్తులు తమ ఆదాయంలో 30 శాతాన్ని విచక్షణతో కూడిన ఖర్చుల కోసం కేటాయించడం. దీనిని కోరికలు (Wants)గా వర్గీకరించారు. జీవనశైలిని మెరుగుపరుచుకునే ఖర్చుల కోసం ఈ భాగాన్ని ఉద్దేశించారు. భోజనాలు, వినోదం, ప్రయాణం, హాబీలు వంటివి ఇందులోకి వస్తాయి. సంపాదనలో 30 శాతం డబ్బును దీనికి కేటాయించడం వల్ల వ్యక్తులు/కుటుంబం తమ కోర్కెలను ఆస్వాదించవచ్చు & జీవితాన్ని ఆనందంగా గడపొచ్చు. అయితే, ఇది విచక్షణతో కూడిన ఖర్చు. అవసరం అయితేనే ఖర్చు చేయాలి లేదంటే ఆ డబ్బు మిగుల్చుకోవాలి.
భవిష్యత్తు కోసం సిద్ధం: స్మాల్ 20 రూల్
ఆదాయంలో అవసరాల కోసం 50 శాతం, కోర్కెల కోసం 30 శాతం పోగా, మిగిలిన 20 శాతం డబ్బును పొదుపు కోసం లేదా రుణ చెల్లింపులకు కేటాయించాలి. అత్యవసర మొత్తాన్ని (emergency fund) కూడబెట్టడంలో, పదవి విరమణ కోసం పొదుపు చేయడంలో (saving for retirement), భవిష్యత్తు లక్ష్యాల కోసం పెట్టుబడి పెట్టడంలో (investing in future goals) ఈ విభాగం కీలక పాత్ర పోషిస్తుంది. క్రెడిట్ కార్డ్ బ్యాలెన్స్లు, బ్యాంక్ రుణాలు సహా ఇప్పటికే ఉన్న అప్పుల భారాన్ని తగ్గించుకునే అవకాశాన్ని కూడా ఇది అందిస్తుంది. పొదుపు, రుణ తగ్గింపుపై దృష్టి పెట్టడం వల్ల దీర్ఘకాలిక ఆర్థిక భద్రత, స్థిరత్వానికి మార్గం సుగమం అవుతుంది.
50:30:20 రూల్కు కట్టుబడి ఉండటం వల్ల ఆర్థిక స్థిరత్వం పెరగడమే కాదు... కుటుంబ తక్షణ అవసరాలు, సరదాలు కూడా తరతాయి. భవిష్యత్ ఆర్థిక సవాళ్లకు సదా సిద్ధంగా ఉండేలా ఇది మిమ్మల్ని తీర్చిదిద్దుతుంది.
మరో ఆసక్తికర కథనం: బ్లూ కలర్ ఆధార్ కార్డ్ కావాలా? - మీకు వస్తుందో, రాదో ఇక్కడ చెక్ చేసుకోండి
Today Gold and Silver Prices: నేడు బంగారం, వెండి ధర ఎంత పెరిగిందో చూడండి! 10 గ్రాముల పసిడి కొనడానికి ఎంత ఖర్చు అవుతుంది?
PF Salary Limit: పీఎఫ్ జీతాల పరిమితి 25-30 వేలకు పెంచే యోచనలో ప్రభుత్వం! దీని వల్ల ఎవరికి లాభం ఎవరికి నష్టం?
World Cheapest Silver Price: ప్రపంచంలో అత్యంత చౌకగా వెండి లభించే దేశం ఏదీ? భారత్ కంటే 40 వేల రూపాయల వరకు తక్కువ!
Gold and Silver Prices: నేటి బంగారం ధర: బంగారం, వెండి ధరలు తగ్గాయి, జనవరి 8న బంగారం ఎంత చౌకగా వచ్చిందో తెలుసుకోండి
YouTube Earnings : యూట్యూబ్లో 5,000 వ్యూస్ వస్తే ఎంత డబ్బు వస్తుంది? అసలు నిజం ఇదే
Sankranti celebrations: కోడి పందేలతో ప్రారంభమైన సంక్రాంతి సంబరాలు - ఎక్కడ చూసినా బరులే!
Siddaramaiah Controversy: జర్మనీ చాన్సలర్కు అగౌరవం - రాహుల్కే గౌరవం - మరో వివాదంలో సిద్ధరామయ్య!
Republic Day 2026: రిపబ్లిక్డే ముందు ఢిల్లీలో డేగలకు 'చికెన్ పార్టీ'! ప్రభుత్వం ఎందుకిలా చేస్తోంది?
Pongal 2026: కేంద్రమంత్రి ఇంట్లో పొంగల్ వండిన మోదీ! తమిళ ప్రజలకు పండగ శుభాకాంక్షలు చెప్పిన పీఎం!
