Stock Market News: రాకెట్లా దూసుకెళ్తున్న స్టాక్‌ మార్కెట్లు - సెన్సెక్స్‌ 550, నిఫ్టీ 160 పాయింట్లు అప్‌!

Stock Market Opening 31 March 2023: 

స్టాక్‌ మార్కెట్లు శుక్రవారం ఉదయం కళకళలాడుతున్నాయి. రాకెట్‌ వేగంతో ఎగిశాయి. ఆసియా, అంతర్జాతీయ మార్కెట్ల నుంచి సానుకూల సంకేతాలు అందాయి. ఎన్‌ఎస్‌ఈ నిఫ్టీ (NSE Nifty) 164 పాయింట్లు పెరిగి 17,245 బీఎస్‌ఈ సెన్సెక్స్‌ (BSE Sensex) 557 పాయింట్లు పెరిగి 58,543 వద్ద ఉన్నాయి. రిలయన్స్‌, వేదాంత, హెచ్‌డీఎఫ్‌సీ బ్యాంకు షేర్లు యాక్టివ్‌గా ట్రేడవుతున్నాయి.

BSE Sensex (బీఎస్ఈ సెన్సెక్స్)

క్రితం సెషన్లో 57,960 వద్ద ముగిసిన బీఎస్‌ఈ సెన్సెక్స్‌ నేడు 58,273 వద్ద మొదలైంది. 58,273 వద్ద ఇంట్రాడే కనిష్ఠాన్ని తాకింది. 58,709 వద్ద ఇంట్రాడే గరిష్ఠాన్ని అందుకుంది. ఉదయం 10:30 గంటలకు 557 పాయింట్ల లాభంతో 58,543 వద్ద కొనసాగుతోంది.

NSE Nifty (ఎన్ఎస్ఈ నిఫ్టీ)

బుధవారం 17,080 వద్ద ముగిసిన ఎన్‌ఎస్‌ఈ నిఫ్టీ శుక్రవారం 17,210 వద్ద ఓపెనైంది. 17,204 వద్ద ఇంట్రాడే కనిష్ఠాన్ని చేరుకుంది. 17,289 వద్ద ఇంట్రాడే గరిష్ఠాన్ని అందుకుంది. ఉదయం 164 పాయింట్లు పెరిగి 17,245 వద్ద ట్రేడవుతోంది.

Nifty Bank (బ్యాంకు నిఫ్టీ)

నిఫ్టీ బ్యాంక్‌ లాభాల్లో ఉంది. ఉదయం 40,231 వద్ద మొదలైంది. 40,180 వద్ద ఇంట్రాడే కనిష్ఠాన్ని తాకింది. 40,523 వద్ద ఇంట్రాడే గరిష్ఠాన్ని అందుకుంది. ప్రస్తుతం 511 పాయింట్లు పెరిగి 40,421 వద్ద చలిస్తోంది.

Gainers and Lossers (టాప్ గెయినర్స్, టాప్ లాసర్స్)

నిఫ్టీ 50లో 37 కంపెనీలు లాభాల్లో 13 నష్టాల్లో ముగిశాయి. రిలయన్స్, ఐసీఐసీఐ బ్యాంకు, నెస్లే ఇండియా, ఎన్‌టీపీసీ, హెచ్‌సీఎల్‌ టెక్‌ షేర్లు లాభపడ్డాయి. సన్‌ ఫార్మా, బజాజ్ ఫైనాన్స్‌, అపోలో హాస్పిటల్స్‌, ఐటీసీ, బజాజ్‌ ఆటో షేర్లు నష్టపోయాయి. అన్ని రంగాల సూచీలు ఎగిశాయి. బ్యాంకు, ఫైనాన్స్‌, ఐటీ, మెటల్‌ సూచీలు ఎక్కువ లాభపడ్డాయి.

బంగారం, వెండి ధరలు (Gold, Silver Prices)

నేడు విలువైన లోహాల ధరలు పెరిగాయి. 24 క్యారెట్ల స్వచ్ఛమైన బంగారం 10 గ్రాముల ధర రూ.330 పెరిగి రూ.60,000 గా ఉంది. కిలో వెండి రూ.700 పెరిగి రూ.74,000 వద్ద కొనసాగుతోంది. ప్లాటినం 10 గ్రాముల ధర రూ.510 తగ్గి రూ.26,050 వద్ద ఉంది.

Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.

Invest Right Toh Future Bright!
Visit https://t.co/ni4rMKm1RF to know safe investing practices.#Investor #Investment #InvestorAwareness pic.twitter.com/QO7IwZ48Pu

— BSE India (@BSEIndia) March 31, 2023

Invest Right Toh Future Bright!
Visit https://t.co/ni4rMKlu27 to know safe investing practices.#Investor #Investment #InvestorAwareness pic.twitter.com/8oAnoKMsri

— BSE India (@BSEIndia) March 30, 2023