Horoscope Prediction in Telugu 10 july 2024 : ఈ రాశులవారికి ఈ రోజు సమస్యల నుంచి ఉపశమనం..పదోన్నతికి సంబంధించిన సమాచారం - జూలై 10 రాశిఫలాలు!

Horoscope Prediction 10th july 2024: గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. ఈ రోజు రాశి ఫలాలు ఇక్కడ తెలుసుకోండి.

జూలై 10 రాశిఫలాలు

మేష రాశి

ఈ రోజు కొన్ని పనులు పూర్తికాకపోవడం వల్ల ఒత్తిడికి లోనవుతారు. కార్యాలయంలో అధికారులతో వాగ్వాదం జరిగే అవకాశం ఉంది. మీ అభిరుచికి తగిన బాధ్యత లభించకపోవడంతో మీరు నిరాశ చెందుతారు. మతపరమైన కార్యక్రమాలపై ఏకాగ్రత వహిస్తారు.  

వృషభ రాశి

ఆర్థిక పరిస్థితి మెరుగుపడుతుంది. కుటుంబ సభ్యులతో వివాద సూచనలున్నాయి. అనవసర కోపం తగ్గించుకోవడం మంచిది. ఉద్యోగులు, వ్యాపారులకు శుభసమయం. అనారోగ్య సమస్యలు నిర్లక్ష్యం చేయవద్దు. 

మిథున రాశి 

ఈ రోజు కార్యాలయంలో శుభవార్త అందుకుంటారు. ప్రేమలో ఉన్నవారు పెళ్లిదిశగా అడుగేసేందుకు మంచి రోజు. రోజంతా కుటుంబ వ్యవహారాలతో బిజీగా ఉంటారు. ఆలోచనల్లో సానుకూలత ఉంటుంది. ఆరోగ్యాన్ని నిర్లక్ష్యం చేయవద్దు. 

కర్కాటక రాశి

కొత్త వ్యక్తులను కలుస్తారు. వివాహితులకు ఈ రోజు మంచి రోజు. శుభకార్యాలకు హాజరయ్యేందుకు ప్లాన్ చేసుకుంటారు. ప్రేమ జీవితానికి సంబంధించి కొనసాగుతున్న ఉద్రిక్తతలు తొలగిపోతాయి. ఆర్థికపరిస్థితి ఆశాజనంగా ఉంటుంది. ఉద్యోగులు ఆత్మవిశ్వాసంతో ఉండాలి. 

సింహ రాశి

అత్యవసరం అయితే కానీ దూర ప్రాంత ప్రయాణాలు చేయకపోవడమే మంచిది. వాహనాన్ని జాగ్రత్తగా నడపండి. అపరిచిత వ్యక్తుల పట్ల జాగ్రత్తగా ఉండండి. సామాజిక సేవలో పాల్గొనవచ్చు. ఒక స్నేహితుడు మీకు శుభవార్త అందిస్తారు.  మీరు జీవితంలోకి ఆహ్వానించాలి అనుకున్న వ్యక్తికి మీ మనసులో మాట చెప్పేందుకు మంచి రోజు.  

కన్యా రాశి

ఈ రోజు మీకు మంచి రోజు అవుతుంది. ఆర్థిక పరిస్థితి ఊహించని విధంగా మెరుగుపడుతుంది. ఉద్యోగులు పనిపై శ్రద్ధ వహించాలి. వ్యాపారం బాగానే సాగుతుంది. మీరు ఊహించని గుడ్ న్యూస్ వింటారు. 

తులా రాశి

ఎప్పటి నుంచో పెండింగ్ లో ఉన్న పనులు పూర్తిచేసేందుకు ప్లాన్ చేసుకుంటారు. కుటుంబ జీవితం ఆహ్లాదకరంగా ఉంటుంది. ఉన్నత స్థాయిలో ఉన్న వ్యక్తులతో పరిచయం ఏర్పడుతుంది. ఆర్థిక పరిస్థితి సాధారణంగా ఉంటుంది. వ్యాపారులు నూతన పెట్టుబడులు పెట్టేముందు అనుభవజ్ఞుల నుంచి సలహాలు స్వీకరించడం మంచిది. 

వృశ్చిక రాశి 

ఈ రోజు మీ ప్రవర్తనలో ఊహించని మార్పులుంటాయి. కార్యాలయంలో పదోన్నతికి సంబంధించిన వార్తలు వింటారు. వ్యాపారంలో ఎప్పటి నుంచో ఉన్న సమస్యలు పరిష్కారం అవుతాయి. ప్రేమికులు బహుమతులు ఇచ్చిపుచ్చుకుంటారు. 

ధనుస్సు రాశి

నూతన వ్యవహారాలు ప్రారంభించేందుకు ఈ రోజు మంచిది. వ్యాపారంలో కొత్త పెట్టుబడులు పెట్టండి..భవిష్యత్ లో మంచి లాభాలు అందుకుంటారు. ఉద్యోగులు కష్టపడి పనిచేస్తేనే అందుకు తగిన ఫలితం అందుకుంటారు.  పని ఒత్తిడి తగ్గుతుంది. ఆరోగ్యం బావుంటుంది. 

మకర రాశి

అనవసర విషయాలపై శ్రద్ధ తగ్గించాలి. సమయాన్ని వృధా చేయవద్దు. కుటుంబ సభ్యుల ఆరోగ్యం క్షీణించే అవకాశం ఉంది. ఖర్చులు అధికం అవడం వల్ల టెన్షన్ పెరుగుతుంది. ఉద్యోగులు, వ్యాపారులకు సాధారణ ఫలితాలున్నాయి. 

కుంభ రాశి

ఈ రోజు ఆధ్యాత్మిక కార్యక్రమాల్లో బిజీగా ఉంటారు. సామాజిక జీవితం ఆహ్లాదకరంగా ఉంటుంది. సంగీతం వైపు మొగ్గు చూపుతారు. ప్రేమ జీవితంలో సమస్యలు పరిష్కారమవుతాయి. 

మీన రాశి

కొత్తగా పరిచయం అయ్యే వ్యక్తులతో జాగ్రత్తగా వ్యవహరించండి. బయటకు ఎంత ధైర్యంగా ఉన్నా ఏదో తెలియని భయం వెంటాడుతుంది. ఆరోగ్యం విషయంలో వైద్యులను సంప్రదించాల్సి రావొచ్చు. ఉద్యోగులు, వ్యాపారులకు టైమ్ కలిసొస్తుంది. ఆర్థికపరిస్థితి మెరుగుపడుతుంది. 

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.