KTR Felicitation: మంత్రి కారుకు చలాన్ వేసిన ట్రాఫిక్ సిబ్బంది.. పిలిచి మాట్లాడిన కేటీఆర్

రెండు రోజుల కింద తన వాహనానికి ట్రాఫిక్ చలాన్ విధించిన ట్రాఫిక్ ఎస్ఐ ఐలయ్య, కానిస్టేబుల్ ను మంత్రి కేటీఆర్ అభినందించారు. రాంగ్ రూట్ లో వచ్చిన మంత్రి వాహనానికి సైతం నిబంధనల ప్రకారం చలాను విధించిన ట్రాఫిక్ సిబ్బందిని తన కార్యాలయానికి పిలిపించుకుని కేటీఆర్ అభినందనలు తెలిపారు. సామాన్య ప్రజలు అయినా అధికారంలో ఉన్న ప్రజా ప్రతినిధులైనా....నిబంధనలు అందరికీ ఒకటే అని ఈ సందర్భంగా మంత్రి కేటీఆర్ అన్నారు. ట్రాఫిక్ నిబంధనలు పాటించడంలో  తాను ఎల్లవేళల ముందు ఉంటానని, చలాను విధించిన రోజు సైతం వాహనంలో తాను లేనని కేటీఆర్ అన్నారు.