Israel attack in Beirut | లెబనాన్ యుద్ధ భూమిలో ఏబీపీ రిపోర్టర్ ...పక్కనే పేలిన బాంబు | ABP Desam

 లెబనాన్ రాజధాని బీరుట్ పై ఇజ్రాయెల్ సైనిక దళాలు విరుచుకుపడుతున్నాయి. హిజ్బుల్లా స్థావరాలను లక్ష్యంగా చేసుకుని దక్షిణ బీరుట్ పై ఇజ్రాయెల్ వైమానిక దళాలు కురిపిస్తున్న బాంబుల వర్షం ఇంకా ఆగలేదు. బీరుట్ లో ఎయిర్ స్ట్రైక్స్ జరుగుతున్న  చోట వేలాదిగా భవనాలు నేల మట్టం అవుతుండగా..అక్కడి పరిస్థితులను వివరించేందుకు ABP News గ్రౌండ్ జోరోకు వెళ్లింది. ఎక్కడ యుద్ధం జరుగుతుందో అక్కడి పరిస్థితిని వివరించేందుకు మా రిపోర్టర్ జగ్యిందర్ పటియాల్ ఆయన కెమెరా మన్ తో కలిసి ప్రాణాలకు తెగించి వెళ్లారు. అయితే అక్కడ పరిస్థితులను రిపోర్టర్ పటియాల్ వివరిస్తున్న టైమ్ లో ఆయన పక్కనే బాంబు పేలటం అక్కడి పరిస్థితిని కళ్లకు కడుతోంది. ఏ క్షణంలో ఎటు నుంచి ఏ బాంబులు దూసుకువస్తాయో తెలియని పరిస్థితుల్లో బీరుట్ ప్రజలు అల్లాడిపోతున్నారు. ఇప్పటికే వేలాది మంది ఇళ్లను ఖాళీ చేసి ప్రాణ భయంతో పారిపోగా..వందల సంఖ్యలో పౌరులు ప్రాణాలు కోల్పోతున్నారు.