UP News: సొంత చెల్లినే వివాహం చేసుకున్న అన్న.. ఎందుకో తెలుసా?

ఉత్తర్‌ప్రదేశ్‌లో ఓ వ్యక్తి తన సొంత చెల్లినే పెళ్లి చేసుకున్నాడు. అయితే ఈ విషయంపై బయటకు వచ్చేసరికి ఆ ఇద్దరు అన్నాచెల్లెళ్లపై కేసు నమోదు చేశారు.

ఉత్తర్‌ప్రదేశ్‌లో ఓ షాకింగ్ ఇన్సిడెంట్ జరిగింది. ఫిరోజాబాద్​లో సొంత చెల్లినే వివాహం చేసుకున్నాడు ఓ అన్న. అయితే ఇక్కడో మరో ట్విస్ట్ ఏంటంటే.. అదీ ముఖ్యమంత్రి సామూహిక వివాహాల్లో పెళ్లి చేసుకోవడం.

ఏం జరిగింది?

టుండ్ల బ్లాక్​ పరిధిలో సీఎం సామూహిక వివాహల కార్యక్రమం జరిగింది. ఇందులో 51 జంటలు వివాహం చేసుకున్నాయి. వీరందరికీ పెళ్లి ఖర్చులను ప్రభుత్వమే భరించింది. గృహోపకరణాలు, దుస్తులను కానుకగా ఇచ్చింది. ఇందుకు ఆశ పడిన ఓ వ్యక్తి తన సొంత చెల్లిని తీసుకెళ్లి వివాహం చేసుకున్నాడు. అయితే అక్కడి వరకు అంతా బాగనే ఉన్నా.. విషయం బయటకు వచ్చేసింది.

ఫొటోల వల్ల..

ఈ సామూహిక వివాహ కార్యక్రమంలో పెళ్లి చేసుకున్న జంటలకు ప్రభుత్వం దగ్గరుండి ఫొటోలు తీయించింది. అయితే ఆ వివాహ ఫొటోలు స్థానికంగా ప్రచారం కావడంతో అసలు విషయం బయటకు వచ్చింది. దీంతో అప్రమత్తమైన అధికారులు ఆ అన్న, చెల్లిపై పోలీసులకు ఫిర్యాదు చేశారు. ప్రస్తుతం ఈ కేసుపై దర్యాప్తు జరుగుతోంది.

ప్రభుత్వం సీరియస్..

ఈ వ్యవహారంపై వార్తలు రావడంతో వివాహాలు నిర్వహించిన రాష్ట్ర సంక్షేమ శాఖ అధికారులు రంగంలోకి దిగారు. గ్రామస్థాయి అధికారులపై ఫైర్ అయ్యారు. దీనిపై వివరణ ఇవ్వాలని గ్రామ పంచాయతీ కార్యదర్శిని ఆదేశించారు. తప్పు చేసినవారికి శిక్ష తప్పదని హెచ్చరించారు. మొత్తానికి ప్రభుత్వం దగ్గర నుంచి లబ్ధి పొందడానికి ఏకంగా చెల్లినే పెళ్లి చేసుకున్నాడు ఆ అన్న.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి