Tamil Nadu Waqf Board: హిజాబ్, జ్ఞానవాపి మసీదు కేసు నడుస్తుండగా తాజాగా మరో వివాదం తెరపైకి వచ్చింది. ఏకంగా ఓ ఊరు మొత్తాన్ని తమ ఆస్తిగా ప్రకటించుకుంది రాష్ట్ర వక్ఫ్ బోర్డు. ఈ విషయం తెలిసిన ఆ గ్రామస్థులు అవాక్కయ్యారు.
ఇదీ సంగతి
తమిళనాడులోని తిరుచెందురైలో ఉన్న ఆలయం సహా యావత్ గ్రామాన్ని తమ ఆస్తిగా ప్రకటించుకుంది ఆ రాష్ట్ర వక్ఫ్ బోర్డు. ఆ గ్రామానికి చెందిన ఓ వ్యక్తి తన కుమార్తె పెళ్లి కోసం తన వ్యవసాయ భూమిని అమ్మేందుకు ప్రయత్నించడంతో ఈ విషయం వెలుగులోకి వచ్చింది.
తన 1.2 ఎకరాల భూమి తమిళనాడు వక్ఫ్ బోర్డుకు చెందినదని.. దానిని విక్రయించాలనుకుంటే బోర్డు నుంచి నో అబ్జెక్షన్ సర్టిఫికేట్ (ఎన్‌ఓసి) పొందాలని రాజగోపాల్‌కు సబ్‌రిజిస్టార్ ఆఫీసు సూచించింది. అంతేకాకుండా ఆ ఊరు మొత్తం తమ ఆస్తిగా తమిళనాడు వక్ఫ్ బోర్డు క్లెయిమ్ చేసిన 20 పేజీల లేఖను చూపించింది సబ్ రిజిస్ట్రార్ కార్యాలయం. ఇది చూసి కంగుతిన్న రాజగోపాల్.. తన ఆస్తి పత్రాలను పరిశీలించాడు. కానీ అందులో ఎక్కడా అలాంటి వివరాలు లేవు.
తిరుచెందురై గ్రామంలోని భూమి అంతా వక్ఫ్ బోర్డుకు చెందినదని, ఎవరైనా భూమిని విక్రయించాలనుకుంటే చెన్నైలోని బోర్డు నుంచి ఎన్‌ఓసీ పొందాలని ఓ అధికారి తెలియజేశారు.
వేల ఎకరాలు
రాష్ట్రవ్యాప్తంగా వక్ఫ్ బోర్డుకు కొన్ని వేల ఎకరాల భూమి ఉంది. ముఖ్యంగా ముస్లిం జనాభా ఎక్కువగా ఉన్న 18 గ్రామాలు వక్ఫ్ బోర్జు పేరిట ఉన్నాయి. అయితే గ్రామస్థులు మాత్రం అధికారులు చెప్పే మాటల్లో నిజం లేదని జిల్లా కలెక్టర్ కార్యాలయం ముందు ఆందోళనకు దిగారు.
తనకున్న భూమిలో వ్యవసాయం చేయలేక తీవ్రంగా నష్టపోయానని అందుకే ల్యాండ్‌ను అమ్మేందుకు సిద్ధమైనట్లు రాజగోపాల్ తెలిపాడు. 1992లో సదరు భూమిని కొనుగోలు చేసినప్పుడు సక్రమంగానే రిజిస్ట్రేషన్ చేయించినట్లు చెప్పుకొచ్చాడు.
అయితే తిరుచ్చిలోని 12 రిజిస్ట్రేషన్ కార్యాలయాలకు పంపిన 20 పేజీల లేఖలో అనేక జిల్లాల్లోని భూములు తమవేనని వక్ఫ్ బోర్డు పేర్కొంది.
ఆ భూమి మాదే
ఈ వ్యవహారం గురించి తమిళనాడు వక్ఫ్ బోర్డు ఛైర్మన్ అబ్దుల్ రెహమాన్‌ స్పందించారు. ఆ ఊరిలోనే కాకుండా రాష్ట్రవ్యాప్తంగా వక్ఫ్ బోర్డుకు వందల ఎకరాల భూములు ఉన్నట్లు చెప్పారు.
మతం వాడొద్దు
Also Read: Lakhimpur Kheri Case: 'వెన్నులో వణుకు పుట్టిస్తాం'- గ్యాంగ్ రేప్‌పై యోగి సర్కార్ సీరియస్