PMGKAY Scheme Extended: కేంద్రం శుభవార్త.. 2022 మార్చి వరకు వారికి రేషన్ ఫ్రీ!

దేశంలోని పేదలకు ఉచితంగా 5 కిలోల ఆహార ధాన్యాలను అందించే 'ప్రధానమంత్రి గరీబ్​ కల్యాణ్​ అన్న యోజన'ను వచ్చే ఏడాది మార్చి వరకు పొడిగిస్తున్నట్టు కేంద్రం ప్రకటించింది.

'ప్రధానమంత్రి గరీబ్​ కల్యాణ్​ అన్న యోజనను' 2022 మార్చి వరకు పొడిగిస్తున్నట్లు కేంద్రం ప్రకటించింది. ఈ పథకం కింద దేశంలోని పేదలకు ఉచితంగా 5 కిలోల ఆహార ధాన్యాలను అందిస్తుందని కేంద్రం. ఈ మేరకు కేబినెట్ సమావేశంలో నిర్ణయం తీసుకున్నట్లు కేంద్ర మంత్రి అనురాగ్ ఠాకూర్ తెలిపారు.

ఈ పథకం కింద దేశంలోని 80 కోట్ల మంది లబ్ధిపొందుతున్నారు. కుటుంబంలో ఒక్కొక్కరికి నెలకు 5 కిలోల ఆహార ధాన్యాలను ఈ పథకం కింద అందిస్తుంది ప్రభుత్వం.  

కరోనా వ్యాప్తి కారణంగా విధించిన లాక్‌డౌన్ వల్ల వలస కూలీలు, పేదలు తీవ్ర ఇబ్బందులు ఎదుర్కొన్నారు. దీంతో వారికి మూడు నెలలపాటు ఆహార ధాన్యాలను అందించేందుకు 2020 ఏప్రిల్‌లో కేంద్రం ఈ పథకాన్ని అమలు చేసింది. అయితే అప్పటి నుంచి ఈ పథకాన్ని కేంద్రం పొడిగిస్తూ వచ్చింది.

ఈ నిర్ణయం అమలుతో ప్రభుత్వంపై రూ.53,344.52 కోట్ల భారం పడుతుందని కేంద్ర మంత్రి అనురాగ్ ఠాకూర్ వెల్లడించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి