Elections 2022: ఎన్నికల ర్యాలీలపై నిషేధం మరో వారం పొడిగింపు.. ఈ నిబంధనలు తప్పనిసరి

ఐదు రాష్ట్రాల అసెంబ్లీ ఎన్నికల ప్రచారం కోసం ర్యాలీలు, రోడ్ షోలను ఎన్నికల సంఘం నిషేధించిన విషయం తెలిసిందే. తాజాగా మరో వారంపాటు.. పొడిగిస్తూ ఆదేశాలు జారీ చేసింది.

5 రాష్ట్రాల ఎన్నికల ప్రచారంపై కేంద్ర ఎన్నికల సంఘం కీలక నిర్ణయం తీసుకుంది. మెుదట 15వ తేదీ వరకు విధించిన ఈ నిషేధాన్ని ఆ తర్వాత ఈ నెల 22వ తేదీ వరకు పొడిగించింది. తాజాగా ఈ నెల 31 వరకు నిషేధాన్ని పొడిగిస్తున్నట్టు ఆదేశాలు జారీ చేసింది. ఎన్నికలు జరగనున్న రాష్ట్రాల్లో కరోనా వైరస్ వ్యాప్తి జరగకుండా అమలులో ఉన్న నిషేధ ఆజ్ఞల్ని మరోసారి పొడిగించింది. అయితే కొన్ని సడలింపులు మాత్రం ఇచ్చింది.

తాజా ఆదేశాల ప్రకారం.. మెుదటి విడత ఎన్నికలకు పోటీలో ఉన్న అభ్యర్థులు జనవరి 28 నుంచి బహిరంగ సభలు పెట్టుకోవచ్చు. అయితే నిబంధనలు తప్పనిసరి పాటించాలి. రెండో దశ ఎన్నికలకు ఫిబ్రవరి 1 నుంచి బహిరంగ సభలకు అనుమతినిచ్చింది. ఇంటింటికి వెళ్లి ప్రచారం చేసేవారు ఎక్కువ మంది ఉండకూడదని... కేవలం ఐదు నుంచి 10 మందికి పెంచింది.
ఉత్తరప్రదేశ్, ఉత్తరాఖండ్, పంజాబ్, గోవా, మణిపూర్ రాష్ట్రాల అసెంబ్లీ ఎన్నికల షెడ్యూల్‌ను ఈ నెల 8వ తేదీన ఎన్నికల సంఘం వెల్లడించిన విషయం తెలిసిందే. ఈ ఐదు రాష్ట్రాల అసెంబ్లీ ఎన్నికల ప్రచారానికి ర్యాలీలు, రోడ్ షోలపై నిషేధం విధించింది. ఈ నిషేధాన్ని తొలుత ఈ నెల 15వ తేదీ వరకు ప్రకటించింది. మరోసారి పొడిగించిన నిషేధం జనవరి 22తో ముగిసింది.

తాజాగా వర్చువల్.. సమావేశంలో మళ్లీ పొడిగిస్తూ.. నిర్ణయం తీసుకుంది. అదే సమయంలో డోర్ టూ డోర్ క్యాంపెయిన్ చేయడానికి కార్యకర్తల సంఖ్యను ఐదు వరకే పరిమితం చేసింది.  ఎన్నికల ర్యాలీలు, రోడ్ షోలపై నిషేధాన్ని మరో వారం పాటు పొడిగించింది. దీనికోసం ఆయా రాష్ట్రాల్లో కరోనా పరిస్థితిపై కేంద్ర ఆరోగ్యశాఖ, వైద్యరంగ నిపుణులు, రాష్ట్రాల్లో ఎన్నికల కమిషనర్లతో  సమాలోచనలు జరిగాయి.