Bipin Rawat Demise: 'బిపిన్ రావత్ చివరి సందేశం ఇదే.. ఆ మాటల్లో కూడా దేశం గురించే'

తమిళనాడులో జరిగిన హెలికాప్టర్ ప్రమాదంలో మరణించిన భారత తొలి సీడీఎస్ బిపిన్ రావత్.. చివరి సందేశాన్ని సైన్యం విడుదల చేసింది. ఆ వీడియోలో ఆయన ఏమన్నారో మీరే వినండి.

భారత తొలి సీడీఎస్ బిపిన్ రావత్ చివరి సందేశాన్ని భారత సైన్యం విడుదల చేసింది. 1971లో పాకిస్థాన్‌పై జరిగిన యుద్ధంలో భారత విజయానికి గుర్తుగా దిల్లీలో ఈరోజు నిర్వహించిన 'స్వర్ణిమ్​ విజయ్‌ పర్వ్​' కార్యక్రమంలో బిపిన్ రావత్​ చివరి వీడియో సందేశాన్ని ప్రసారం చేశారు. 1971 ఇండియా-పాక్‌ యుద్ధానికి 50 ఏళ్లు పూర్తయిన సందర్భంగా ఈ కార్యక్రమం దిల్లీలోని ఇండియా గేట్​ వద్ద జరిగింది.

Continues below advertisement

డిసెంబరు 7న రికార్డు చేసిన ఈ వీడియోలో ఆ యుద్ధంలో అమరులైన సైనికులకు రావత్ నివాళులు అర్పించారు. 

స్వర్ణిమ్ విజయ్ పర్వ్ సందర్భంగా మన వీర జవాన్లకు శుభాకాంక్షలు. 1971లో పాకిస్థాన్‌పై భారత్ గెలిచిన యుద్ధానికి 50 ఏళ్లు పూర్తయిన సందర్భంగా ఈ కార్యక్రమం నిర్వహిస్తున్నాం. ఈ యుద్ధంలో అమరులైన భారత వీర జవాన్లను మనం గుర్తు చేసుకుంటూనే ఉంటాం.                                                  - బిపిన్ రావత్, భారత తొలి సీడీఎస్

ఈ కార్యక్రమంలో రక్షణ మంత్రి రాజ్​నాథ్​ సింగ్​ సహా పలువురు ఆర్మీ అధికారులు పాల్గొన్నారు. బిపిన్ రావత్ అకాల మరణం వల్ల ఈ కార్యక్రమాన్ని నిరాడంబరంగా చేస్తున్నట్లు రాజ్​నాథ్​ పేర్కొన్నారు.

1971 ఇండో-పాక్​ యుద్ధంలో అమరులైన ప్రతి భారత సైనికుడి ధైర్యానికి, పరాక్రమానికి, త్యాగానికి నా నమస్కారాలు. ఆ ధైర్యవంతులందరి త్యాగానికి దేశం ఎప్పుడూ రుణపడి ఉంటుంది. ఈ యుద్ధం మన నైతికతకు, మన పరాక్రమానికి నిదర్శనం. యుద్ధంలో పాకిస్థాన్‌ను ఓడించినప్పటికీ వారిపై మనం ఆధిపత్యాన్ని ప్రదర్శించలేదు. ఆ అధికారాన్ని వారికే అప్పగించాం. ఇది చరిత్రలో చాలా అరుదుగా కనిపిస్తుంది.                                     - రక్షణ మంత్రి రాజ్​నాథ్​ సింగ్​

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి