మనసుండాలే గానీ.. డబ్బులు సంపాదించేందుకు అనేక మార్గాలు ఉన్నాయి. శ్రమను నమ్ముకున్నవారు రోజంతా గొడ్డులా శ్రమిస్తారు. కానీ, తమ శ్రమకు తగిన మొత్తాన్ని మాత్రం సంపాదించలేరు. తెలివిని నమ్ముకున్నవారు.. పెద్దగా శ్రమపడకుండానే డబ్బులు సంపాదిస్తారు. మోసాన్ని నమ్ముకున్నవాడు పక్కోడిని ముంచైనా సరే సంపాదిస్తాడు. ఇలా చాలామంది చాలా రకాలుగా డబ్బులు సంపాదిస్తుంటారు. అయితే, కాళ్ల మీద కాలు వేసుకుని.. కేవలం వీడియోలు చూస్తూ సంపాదించేవాళ్లను మీరు ఎప్పుడైనా చూశారా? అయితే, మీరు సరికొత్త జాబ్ గురించి తెలుసుకోవల్సిందే.
స్కాట్‌ల్యాండ్‌కు చెందిన 22 ఏళ్ల యువతికి బంపర్ ఆఫర్ వచ్చింది. జస్ట్, వీడియోలు చూస్తే చాలు, గంటకు 20 డాలర్లు (భారత కరెన్సీ ప్రకారం రూ.1562) చొప్పున చెల్లిస్తారు. ‘‘ఓస్ అంతేగా, ఆ పని మేం కూడా చేసేస్తాం’’ అని అనుకుంటున్నారా? అయితే, ఆమె చూడాల్సింది సాదాసీదా వీడియోలు కాదు.. పోర్న్ వీడియోలు. ‘‘అయితే, మరీ మంచిది’’ అని అనుకుంటున్నారా? మీరు పురుషులైతే పర్వాలేదు. కానీ, అమ్మాయిలకు అలాంటి వీడియోలు చూడటం కాస్త ఇబ్బందే. పైగా, ఈ విషయం నలుగురికి తెలిస్తే పరువు కూడా పోతుంది.
అయితే, గ్రీనోక్‌కు చెందిన రెబెక్కా డిక్సన్ అనే 22 ఏళ్ల అమ్మాయిని ఈ జాబ్ వరించింది. ఈ ఉద్యోగం చేసేందుకు సుమారు 90 వేల మంది దరఖాస్తు చేసుకోగా.. ఆ కంపెనీ కేవలం డిక్సన్‌ను మాత్రమే ఎంపిక చేసుకుంది. ఇంతకీ ఆ ఉద్యోగం ఏమిటో చెప్పుకోలేదు కదూ. ‘బెడ్‌బైబిల్స్’ (Bedbible) పోర్న్ రీసెర్చ్ ప్రాజెక్ట్‌కు ఆమె హెడ్. ఆమె ప్రాజెక్టుపై పనిచేసే ప్రతి గంటకు ఆ కంపెనీ రూ.1562 చొప్పున చెల్లిస్తూనే ఉంటుంది.
Bedbible అనేది ఎథికల్ సెక్స్ సైట్. పోర్న్ ఇండస్ట్రీపై మరింత అవగాహన పొందడం కోసం ఈ పరిశోధన ప్రారంభించారు. ఇందులో భాగంగా శృంగార భంగిమలు, సెక్స్ నిడివి, భావప్రాప్తి, స్త్రీ-పురుషుల నిష్పత్తి తదితర వివరాలను తెలుసుకోవల్సి ఉంటుంది. ఈ సందర్భంగా డిక్సన్ పోర్న్ వీడియోలు చూస్తూ.. మరింత లోతుగా అన్వేషించి గణంకాలను నమోదు చేయాలి. అందులో ఆమె కనిపెట్టిన కొత్త విషయాలను పేర్కోవాలి.
Also Read: ఎక్కువ సేపు శృంగారం చేయాలని ఉందా? ఇలా చేస్తే మీరే ఛాంపియన్!
ఈ సందర్భంగా ఆమె ఓ మీడియా సంస్థతో తన జాబ్ గురించి మాట్లాడుతూ.. ‘‘ఇది చాలా ఆదర్శవంతమైన ఉద్యోగమని భావిస్తున్నా. పోర్న్ చూస్తూ డబ్బులు సంపాదించాలని ఎవరు కోరుకోరు? నేను చాలా చిన్న పట్టణానికి చెందినదాన్ని. నన్ను ఈ ఉద్యోగానికి ఎంపిక చేసుకున్నారని తెలియగానే చాలా ఆశ్చర్యపోయాను. ఇది ఒక గొప్ప అవకాశం. ఈ ప్రాజెక్టులో భాగమైనందుకు చాలా సంతోషిస్తున్నా. నేను చాలా ఓపెన్ మైండ్. నేను చేస్తున్న పనికి సిగ్గుపడాల్సిన అవసరం లేదు. ఇది ఒక సరికొత్త ఉద్యోగం’’ అని తెలిపింది. మొదటి అసైన్‌మెంట్‌లో డిక్సన్‌కు 100 పోర్న్‌హబ్ వీడియోలు చూడాలి. ఆ వీడియోల మొత్తం వ్యవధి, సెక్స్ పొజిషన్లపై ప్రత్యేకంగా నోట్స్ రాయాలి. ప్రస్తుతం ఆమె ఆ పనిలోనే ఉంది.
Also Read: శృంగారం ఇంత సేపు చేస్తే మీరే కింగ్స్, భారతీయుల సరాసరి టైమ్ ఇదే!