Boost Your Weight Loss with These Foods : బరువును తగ్గించడం ఏ ఒక్క ఫుడ్తో సాధ్యం కాదు. కానీ బరువు తగ్గడంలో ఫుడ్ కీలకపాత్ర పోషిస్తుంది. అంతేకాకుండా బరువు తగ్గడమనేది వివిధ అంశాలపై ఆధారపడి ఉంటుంది. కాబట్టి హెల్తీ రొటీన్ను ఫాలో అవుతూ బరువు తగ్గాలనుకునేవారు కొన్ని ఫుడ్స్ తీసుకుంటే మంచి ఫలితాలు ఉంటాయి. ఇవి బరువు తగ్గే ప్రక్రియను వేగవంతం చేస్తాయని చెప్తున్నారు నిపుణులు. ఇంతకీ ఏ ఫుడ్స్ని తీసుకుంటే బరువు తగ్గడం సులభమవుతుంది.. ఎలాంటి ప్రయోజనాలు ఉంటాయో ఇప్పుడు చూసేద్దాం.
బరువు తగ్గడానికి మీరు తీసుకునే ఫుడ్, క్వాంటిటీ చాలా ముఖ్యం. బ్యాలెన్స్డ్ డైట్ ఫాలో అవుతూ శరీరానికి తగిన పోషకాలు అందిచాల్సి ఉంటుంది. ప్రాసెస్ చేసిన ఫుడ్స్కి వీలైనంత దూరంగా ఉండాలి. దీనివల్ల కేలరీలు తగ్గుతాయి. ఫైబర్ ఎక్కువగా ఉండే ఫుడ్స్, హెల్తీ ఫ్యాట్స్ మెటబాలీజం పెంచి.. బరువు తగ్గడంలో హెల్ప్ చేస్తాయి. అవేంటంటే..
చియా సీడ్స్
చియా సీడ్స్లో ఫైబర్ పుష్కలంగా ఉంటుంది. ఇది కడుపు నిండుగా చేసి.. జీర్ణక్రియను నెమ్మదిగా చేస్తుంది. దీనివల్ల మీరు తక్కువ కేలరీలు తీసుకోగలుగుతారు. కాబట్టి దీనిని రోజుకు రెండు టేబుల్ స్పూన్స్ తీసుకోవచ్చని చెప్తున్నారు. మీరు దీనిని బ్రేక్ఫాస్ట్లో లేదా సలాడ్స్లో ఇతర పదార్థాలతో కలిపి లేదా నీటిలో కలిపి కూడా తీసుకోవచ్చు. వీటిని తీసుకున్నప్పుడు కచ్చితంగా నీటిని ఎక్కువగా తాగాల్సి ఉంటుంది.
యాపిల్స్
యాపిల్స్లో నీటి శాతం, ఫైబర్ పుష్కలంగా ఉంటుంది. వీటిని తక్కువగా తీసుకున్నా శరీరానికి శక్తి అందుతుంది. కేలరీలు తక్కువగా ఉండే వీటిని తీసుకుంటే ఆరోగ్యానికే కాకుండా బరువు తగ్గడానికి హెల్ప్ అవుతాయి. వీటిని మంచి స్నాక్గా తీసుకోవచ్చు. లేదా సలాడ్స్లో తీసుకున్నా మంచి ఫలితాలు ఉంటాయి.
శనగలు
శనగల్లో ఫైబర్, ప్లాంట్ బేస్డ్ ప్రోటీన్, ఇతర పోషకాలు ఉంటాయి. కాబట్టి వీటిని బరువు తగ్గడానికి సపోర్ట్గా తీసుకోవచ్చు. ఇవి శక్తిని అందించడంతో పాటు ఎన్నో ఆరోగ్య ప్రయోజనాలు అందిస్తాయి. వీటిని సలాడ్స్లో లేదా సూప్స్లో లేదా రోస్ట్ చేసి డిష్లలో టాపింగ్గా వేసుకోవచ్చు. సోడియం తక్కువగా ఉండే వాటిని ఎంచుకుంటే మరీ మంచిది.
వాల్నట్స్
ప్రోటీన్, ఫైబర్, హెల్తీ ఫ్యాట్స్ ఉండే వాల్నట్స్ గుండె ఆరోగ్యానికి మేలు చేస్తాయి. అలాగే బరువు తగ్గడంలో హెల్ప్ చేస్తాయి. వీటిలో యాంటీఆక్సిడెంట్లు పుష్కలంగా ఉంటాయి. ఇవి రక్తంలోని కొలెస్ట్రాల్ను కంట్రోల్ చేస్తాయి. కాబట్టి వీటిని రెగ్యులర్గా డైట్లో చేర్చుకోవచ్చు.
నట్స్ అండ్ సీడ్స్
నట్స్లో ప్రోటీన్, ఫైబర్, అన్శాచ్యూరేటెడ్ ఫ్యాట్స్ ఉంటాయి. ఇవి ఆకలిని తగ్గిస్తాయి. అలాగే సీడ్స్లో మినరల్స్, అన్శాచ్యూరేటెడ్ ఫ్యాట్స్ ఉంటాయి. ఇవి ఆరోగ్యానికి మేలు చేస్తాయి. అయితే ఈ రెండిటీని లిమిటెడ్గా తీసుకుంటే ఆరోగ్యానికి ఎన్నో ప్రయోజనాలు అందుతాయి. వీటిని స్నాక్స్గా, సలాడ్స్లో కలిపి తీసుకుంటే బరువు తగ్గడాన్ని వేగవంతం చేస్తాయి.
తృణధాన్యాలు
తృణధాన్యాల్లో ఫైబర్, ఇతర విటమిన్లు పుష్కలంగా ఉంటాయి. వివిధ పోషకాలు శరీరానికి అందుతాయి. ఇవి ఎక్కువసేపు కడుపు నిండిన అనుభూతిని ఇస్తాయి. కాబట్టి వీటిని కూడా డైట్లో చేర్చుకుంటే బరువు తగ్గడంలో మంచి ఫలితాలు చూడవచ్చు.
అవకాడో
అవకాడోలో ఫైబర్ పుష్కలంగా ఉంటుంది. దీనిలో హెల్తీ ఫ్యాట్స్ కూడా ఉంటాయి. ఇవి కడుపు నిండుగా చేసి ఆకలిని కంట్రోల్ చేస్తాయి. క్రమంగా ఫుడ్ క్వాంటిటీని తగ్గించి.. బరువు తగ్గడంలో హెల్ప్ చేస్తాయి. అయితే దీనిని లిమిటెడ్గా తీసుకుంటే మంచిది.
వీటిని రెగ్యులర్గా తీసుకుంటూ వ్యాయామం చేస్తూ.. కంటి నిండా నిద్రపోతూ.. ఒత్తిడిని కంట్రోల్ చేసే టిప్స్ ఫాలో అయితే బరువును వేగంగా తగ్గగలుగుతారని చెప్తున్నారు నిపుణులు. మరి ఇంకెందుకు ఆలస్యం బరువు తగ్గే ప్రక్రియను వేగవంతం చేసుకోవడానికి వీటిని కూడా డైట్లో చేర్చేసుకోండి.
Also Read : సమ్మర్లో ఖర్బూజ తింటే చాలా మంచిది.. కానీ గింజలతో డబుల్ బెనిఫిట్స్ ఉన్నాయట, పడేయకండి