తమన్ కి నెగెటివ్..
టాలీవుడ్ టాప్ మ్యూజిక్ డైరెక్టర్ తమన్ కొన్నిరోజుల క్రితం తనకు కోవిడ్ పాజిటివ్ వచ్చినట్లు వెల్లడించారు. ఐసొలేషన్ లో ఉంటూనే ట్రీట్మెంట్ తీసుకున్నారు. ఇప్పుడు తను కోలుకుంటున్నట్లు.. కోవిడ్ నెగెటివ్ వచ్చిందని సోషల్ మీడియా వేదికగా తెలిపారు తమన్. ఈ కష్టసమయంలో తనకు సపోర్ట్ గా నిలిచిన తన టీమ్ కి, తన కోసం ప్రార్ధించిన అభిమానులకు, తనకు ట్రీట్మెంట్ ఇచ్చిన డాక్టర్స్ కి ధన్యవాదాలు చెప్పారు. ప్రతీ ఒక్కరూ జాగ్రత్తగా ఉండాలని.. తప్పకుండా మాస్క్ ధరించాలని చెప్పారు.
సుకుమార్ కి విజయ్ దేవరకొండ విషెస్..
టాలీవుడ్ క్రియేటివ్ డైరెక్టర్ సుకుమార్ ఈరోజు పుట్టినరోజు వేడుకలు జరుపుకుంటున్నారు. సోషల్ మీడియా వేదికగా సెలబ్రిటీలు, అభిమానులు ఆయనకు విషెస్ చెబుతున్నారు. హీరో విజయ్ దేవరకొండ కూడా సుక్కుకి పుట్టినరోజు శుభాకాంక్షలు చెబుతూ ఓ ఫొటోను షేర్ చేశారు. '2021 ది రైజ్‌, 2022 ది రూల్‌, 2023 ది ర్యాంపేజ్‌' అంటూ రాసుకొచ్చారు విజయ్ దేవరకొండ. త్వరలోనే సుకుమార్, విజయ్ దేవరకొండ కాంబినేషన్ లో ఓ సినిమా రాబవుతుంది. తన సినిమా ఎలా ఉండబోతుందో కూడా ఈ ట్వీట్ లో చెప్పారు విజయ్.