Akhanda Trailer Roar: 'కళ్లు తెరిచి జూలు విదిలిస్తే..' బాలయ్య విశ్వరూపం..

నందమూరి అభిమానులు ఎప్పుడెప్పుడా అని ఎదురుచూస్తోన్న ఈ సినిమా ట్రైలర్ ను ఆదివారం సాయంత్రం విడుదల చేశారు.

నందమూరి బాలకృష్ణ, బోయపాటి శ్రీను కలయికలో రూపొందుతోన్న తాజా సినిమా 'అఖండ'. నందమూరి అభిమానులు ఎప్పుడెప్పుడా అని ఎదురుచూస్తోన్న ఈ సినిమా ట్రైలర్ ను ఆదివారం సాయంత్రం విడుదల చేశారు. మాస్, యాక్షన్ ఎలిమెంట్స్ తో కూడిన ట్రైలర్ ఓ రేంజ్ లో ఉంది. బాలయ్య ఫ్యాన్స్ పండగ చేసుకుంటున్నారు. 

''విధికి, విధాతకు, విశ్వానికి సవాళ్లు విసరకూడదు..''అనే డైలాగ్ తో ట్రైలర్ మొదలైంది. ఆ తరువాత మొత్తం మాస్ సీన్స్ తో ట్రైలర్ ని నింపేశారు. ''అంచనా వేయడానికి నువ్వేమైనా.. పోలవరం డ్యామా..? పట్టిసీమ తూమా.. పిల్లకాలువ'' అంటూ బాలయ్య చెప్పే డైలాగ్ ఆకట్టుకుంటుంది.

''ఒక మాట నువ్వంటే అది శబ్దం.. అదే మాట నేనంటే శాసనం.. దైవశాసనం'', ''మీకు సమస్యం వస్తే దండం పెడతారు.. మేం ఆ సమస్యకు పిండం పెడతాం.. బోత్ ఆర్ నాట్ సేమ్'' అంటూ అఘోరా గెటప్ లో బాలయ్య చెప్పే డైలాగ్స్ ఎంతో పవర్ ఫుల్ గా ఉంది. ''ఒకసారి డిసైడ్ అయి బరిలోకి దిగితే బ్రేకుల్లేని బుల్ డోజర్ ని తొక్కి పారదొబ్బుతా..'' అంటూ చెప్పే మరో డైలాగ్ మాస్ ఆడియన్స్ కు బాగా కనెక్ట్ అవుతుంది. 
ట్రైలర్ లో శ్రీకాంత్ మాస్ గెటప్ మాములుగా లేదు. అలానే జగపతిబాబుకి కూడా మంచి ఎలివేషన్ ఇచ్చారు. ఆయన చెప్పే డైలాగ్ కూడా హైలైట్ గా నిలిచింది. 

'సింహా', 'లెజెండ్' వంటి సినిమాల బాలయ్య-బోయపాటి కాంబినేషన్ లో వస్తోన్న సినిమా కావడంతో ఈ సినిమాపై భారీ అంచనాలునెలకొన్నాయి. వీటికి తోడు ఇప్పటికే విడుదలైన పాటలు కూడా ప్రేక్షకుల్ని ఆకట్టుకున్నాయి. ఇందులో బాలయ్యకు జోడీగా ప్రగ్యా జైస్వాల్ కనిపించనుంది. ద్వారకా క్రియేషన్స్ పతాకంపై మిర్యాల రవీందర్‌ రెడ్డి నిర్మిస్తున్నారు. ప్రస్తుతం ఈ సినిమా పోస్ట్ ప్రొడక్షన్ కార్యక్రమాలు జరుగుతున్నాయి.  డిసెంబర్ 2న ఈ సినిమాను విడుదల చేయనున్నట్లు ప్రకటించారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి