Manchu Lakshmi: మోహన్ లాల్ కి జోడీగా మంచువారమ్మాయి.. 

మోహన్ లాల్ లాంటి స్టార్ హీరోతో కలిసి స్క్రీన్ షేర్ చేసుకోబోతుంది మంచు లక్ష్మి. ఆ వివరాలేంటో ఇప్పుడు చూద్దాం!

మంచు మోహన్ బాబు కూతురిగా టాలీవుడ్ లోకి ఎంట్రీ ఇచ్చింది మంచు లక్ష్మీ. నటిగా తన టాలెంట్ నిరూపించుకోవాలని ఎంటర్ అవ్వడమే విలన్ క్యారెక్టర్ తో ఎంటర్ అయింది. 'అన‌గ‌నగా ఓ ధీరుడు' సినిమాలో ఆమె పోషించిన నెగెటివ్ రోల్ కి మంచి గుర్తింపు వచ్చింది కానీ నటిగా.. మంచు లక్ష్మికి సరైన అవకాశాలను తీసుకురాలేకపోయింది. క్యారెక్టర్ ఆర్టిస్ట్ గా, మెయిన్ హీరోయిన్ గా కొన్ని సినిమాలు చేసింది మంచు లక్ష్మి. కానీ ఆమెకి బ్రేక్ మాత్రం రాలేదు. దీంతో నటనకు దూరమైంది. 

మొన్నామధ్యలో తమిళంలో జ్యోతిక నటించిన సినిమాలో ఓ చిన్న పాత్ర పోషించింది. ఆ సినిమా కూడా పెద్దగా వర్కవుట్ అవ్వలేదు. నటిగా సినిమాలకు దూరమైనా.. హోస్ట్ గా ప్రేక్షకులను ఎంటర్టైన్ చేస్తుంది మంచు లక్ష్మి. పలు టీవీ షోలకు వ్యాఖ్యాతగా వ్యవహరిస్తోంది. రీసెంట్ గా బాలకృష్ణ 'Unstoppable' షోలో తన తండ్రితో కలిసి గెస్ట్ గా వచ్చింది మంచు లక్ష్మి. ఇదిలా ఉండగా.. తాజాగా ఈమెకి ఓ సినిమాలో హీరోయిన్ గా నటించే అవకాశం వచ్చిందని సమాచారం. ఇంతకీ ఆ సినిమాలో హీరో ఎవరో తెలుసా..? మలయాళ స్టార్ మోహన్ లాల్. 

అరవై ఏళ్ల వయసులో గ్యాప్ లేకుండా సరికొత్త సినిమాలతో దూసుకుపోతున్న మోహన్ లాల్.. రీసెంట్ గా 'మాన్‌స్ట‌ర్' అనే సినిమాను ప్రకటించారు. ఇంతకముందు మోహన్ లాల్ తో 'పులి మురుగన్' లాంటి భారీ హిట్టు సినిమా తీసిన వైశాఖ్ ఈ సినిమాను డైరెక్ట్ చేయబోతున్నారు. ఇన్వెస్టిగేటివ్ థ్రిల్లర్ నేపథ్యంలో ఈ సినిమాను తెరకెక్కిస్తున్నారు. ఇందులో మోహన్ లాల్.. లక్కీ సింగ్ అనే పోలీస్ ఆఫీసర్ గా కనిపించనున్నారు. 

ఇందులో ఆయనకు జోడీగా మంచు లక్ష్మి నటిస్తున్నట్లు ట్విట్టర్ లో కొందరు సినిమా పీఆర్వోలు ట్వీట్లు వేస్తున్నారు. అయితే ఇప్పటివరకు మంచు లక్ష్మి మాత్రం ఈ వార్తలపై రెస్పాండ్ అవ్వలేదు. కానీ ట్విట్టర్ లో వెరిఫైడ్ అకౌంట్స్ నుంచే ఈ ట్వీట్లు వస్తుండడంతో మంచు లక్ష్మి.. మోహన్ లాల్ సినిమాలో కనిపించడం ఖాయమైనట్లే. మరి ఈ సినిమాతోనైనా.. ఈమెకి బ్రేక్ వస్తుందేమో చూద్దాం! 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి