Most Eligible Bachelor: ‘చిట్టి అడుగు...’ అంటూ బ్యాచిలర్ నుంచి కొత్త పాట, ఫిదా అవ్వాల్సిందే

మోస్ట్ ఎలిజబుల్ బ్యాచిలర్ సినిమా దసరాకు విడుదలయ్యేందుకు సిద్ధంగా ఉంది.

అఖిల్ ఆశలన్నీ ‘మోస్ట్ ఎలిజబుల్ బ్యాచిలర్’సినిమా మీదే.  అఖిల్ కెరీర్లో భారీ హిట్ ఇంకా పడలేదు. ఆ లోటు ఈ సినిమా తీరుస్తుంటే ఆశతో ఉన్నాడు అఖిల్. అక్టోబర్ 15న దసరాకు ఈ మూవీ థియేటర్లలో విడుదల కాబోతోంది. ఈ మూవీలోని నాలుగు పాటలను చిత్ర యూనిట్ ఒక్కొక్కటిగా విడుదల చేసింది. ఇప్పుడు అయిదో పాట ‘చిట్టి అడుగు’ను విడుదల చేశారు మూవీ మేకర్స్. ఇది మంచి ఫీల్‌నిచ్చే సోల్ ఫుల్ సాంగ్. ఈ పాటను సిరివెన్నె సీతారామశాస్త్రి రాయగా, జియ ఉల్ హక్ పాడారు. ఈ పాట నెటిజన్లను బాగానే ఆకట్టుకుంటోంది. అక్కినేని అభిమానులు పాటను షేర్ చేస్తూ ప్రచారం చేస్తున్నారు. 

సినిమా విడుదలకు ఇంకా నాలుగు రోజులే ఉండడంతో చిత్రయూనిట్ ప్రచారంలో జోరు పెంచింది. అందులో భాగంగానే పాటను విడుదల చేసింది. ఇంతవరకు విడుదలైన పాటల్లో లెహరాయి, గుచ్చే గులాబీ ముళ్లు పాటలు ప్రేక్షకులను విపరీతంగా ఆకట్టుకున్నాయి. సినిమా మీద అంచనాలను పెంచాయి. మోస్ట్ ఎలిజబుల్ బ్యాచిలర్ మూవీ మ్యూజికల్ హిట్ గా నిలిచేలా కనిపిస్తోంది. ‘లెహరాయి’ సాంగ్ ఇప్పటికే రికార్డులు బ్రేక్ చేయడం ప్రారంభించింది. 

ఇందులో అఖిల్ హర్షగా, పూజా హెగ్డే విభా అనే పాత్రల్లో నటించారు. బొమ్మరిల్లు భాస్కర్ సినిమాకు దర్శకత్వం వహించారు. భాస్కర్ రెండో కూతురి పేరు విభా. ఆ పేరునే తాను హీరోయిన్ కు పెట్టినట్టు చెప్పారు దర్శకుడు. బొమ్మరిల్లు సినిమా హిట్ తో హాసిని పేరు ఎంతగా ప్రాచుర్యంలోకి వచ్చిందో, ఈ సినిమాతో విభా పేరు కూడా అంతగా పాపులర్ అవుతుందని ఆశిస్తున్నారు భాస్కర్. బొమ్మరిల్లు తరువాత అల్లు అర్జున్ తో పరుగు సినిమా చేశారు. ఆ సినిమాకూ మంచి టాక్ సంపాదించింది. ఆ తరువాత రామ్ చరణ్ ఆరెంజ్ సినిమా తీశారు. ఆ మూవీ అట్టర్ ఫ్లాఫ్ అవ్వడంతో భాస్కర్ సినిమాలకు బ్రేక్ పడింది. ఇప్పుడు ‘మోస్ట్ ఎలిజబుల్ బ్యాచిలర్’ సినిమాతో ప్రేక్షకుల ముందుకు రాబోతున్నారు. అఖిల్, భాస్కర్ ఇద్దరికీ ఈ చిత్ర విజయం చాలా అవసరం. బన్నీ వాసు, వాసు వర్మ నిర్మాతలుగా వ్యవహరించారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి