అక్కినేని అభిమానులకు గుడ్ న్యూస్, ‘నా సామిరంగ’ అనేలా నాగ్ కొత్త మూవీ అనౌన్స్!


 నాగార్జున కొత్త సినిమా అప్డేట్ ఇచ్చారు. తన బర్త్ డే సందర్భంగా కొరియోగ్రాఫర్ విజయ్ బిన్నీ దర్శకత్వంలో సినిమా చేస్తున్నట్లు ప్రకటించారు. ఈ మేరకు మూవీ ఫస్ట్ లుక్ తో పాటు గ్లింప్స్ విడుదల చేశారు. ఈ సినిమాకు ‘నా సామిరంగ’ అనే టైటిల్ ఫిక్స్ చేశారు.


గ్లింప్స్ లో నాగార్జున ఊర మాస్ లుక్ లో కనిపించారు. గ్లింప్స్ మొదలవగానే విలన్,  నాగ్ ను చంపేందుకు రౌడీల మందతో కలిసి ప్లాన్ చేస్తాడు. ఏకంగా 56 మంది రౌడీలను పోగు చేస్తారు. ఈ పండక్కి పని అయిపోవాలి అంటాడు విలన్. వాడి కాలు తీసేయాలా? చెయ్యి తీసేయాలా? ఏకంగా తలే తీసెయ్యాలా? అని అడుగుతారు రౌడీలు. ఇంతకీ ఎవడిని ఏసెయ్యాలో చెప్పమన గానే కింగ్ అంటాడు విలన్. ఆ మాట వినగానే ఒక్కొక్కడికి చెమటలు పడతాయి. హీరో గారు విలన్ల గుంపులోనే ఉండి నవ్వుతూ ముఖం మీద కర్చీఫ్ తీస్తాడు. లోపల ఉన్నది పులులు కాదురా, మేకలు అనే డైలాగ్ తో హీరో రౌడీలను చితకబాదుతాడు. పగిలిన బల్డ్ ఫిలమెంట్ తో బీడీ కాల్చుకుంటూ రఫ్ లుక్ తో కనిపిస్తాడు. ఈసారి పండక్కి ‘నా సామిరంగ’ అంటూ గర్జిస్తాడు. (పూర్తి వివరాలకు ఇక్కడ క్లిక్ చేయండి)


గణేష్ యాంథమ్ - బాలకృష్ణ, శ్రీ లీల ఆటాపాటా!


గాడ్ ఆఫ్ మాసెస్, నట సింహం నందమూరి బాలకృష్ణ (Nandamuri Balakrishna) కథానాయకుడిగా రూపొందుతున్న సినిమా 'భగవంత్ కేసరి' (Bhagavanth Kesari Movie). విజయ దశమి కానుకగా అక్టోబర్ 19న విడుదల అవుతోంది. ఈ సినిమాలో మొదటి పాట 'గణేష్ యాంథమ్'ను త్వరలో ప్రేక్షకుల ముందుకు తీసుకు రానున్నారు (పూర్తి వివరాలకు ఇక్కడ క్లిక్ చేయండి).   


హీరోయిన్‌కు ముద్దు పెట్టిన దర్శకుడు - ఆమె రియాక్షన్ ఇది


రాజ్‌ తరుణ్‌ కథానాయకుడిగా ఎ.ఎస్‌.రవికుమార్‌ చౌదరి దర్శకత్వంలో రూపొందుతున్న తాజా చిత్రం ‘తిరగబడరా సామీ’. మాల్వీ మల్హోత్రా, మన్నారా చోప్రా హీరోయిన్లుగా నటిస్తున్న ఈ చిత్రాన్ని సురక్ష్ ఎంటర్‌టైన్‌మెంట్ బ్యానర్‌పై మల్కాపురం శివ కుమార్‌ నిర్మిస్తున్నారు. పూర్తి స్థాయి వినోదాత్మక ఎంటర్ టైనర్ గా ఈ మూవీ రూపొందుతోంది. చిత్రీకరణ పూర్తిచేసుకున్న ఈ సినిమా, త్వరలోనే ప్రేక్షకుల ముందుకు రానుంది. ఈ నేపథ్యంలో ‘తిరగబడరా సామీ’ టీజర్ ను చిత్రబృందం విడుదల చేసింది. ఈ టీజర్ లాంఛ్ ఈవెంట్ లో జరిగిన ఓ సంఘటన అందరినీ షాక్ కి గురి చేసింది. ఈ వేడుకలో హీరోయిన్ మన్నారా చోప్రాకు డైరెక్టర్ ఏఎస్ రవికుమార్ ముద్దు పెట్టడం చర్చనీయాంశంగా మారింది (పూర్తి వివరాలకు ఇక్కడ క్లిక్ చేయండి).


నారా రోహిత్ 'ప్రతినిధి' షూటింగ్ స్టార్ట్ - రిలీజ్ ఎప్పుడంటే?


టాలీవుడ్ లో 'బాణం', 'సోలో', 'అసుర', 'రౌడీ ఫెలో', 'ప్రతినిధి' లాంటి కంటెంట్ పోరియెంటెడ్ సినిమాలతో నటుడిగా తనకంటూ మంచి గుర్తింపు తెచ్చుకున్నాడు నారా రోహిత్. వైవిధ్యమైన సినిమాలు చేసినా కూడా జనాల్లో ఇతని పేరు ఎక్కువగా రిజిస్టర్ కాలేదు. ఫిజిక్ పై దృష్టి పెట్టలేకనో, కెరియర్ను సరిగ్గా ప్లాన్ చేసుకోలేకపోవడం వల్లనో  సినిమాలకు దూరమయ్యాడు. నారా రోహిత్ నుంచి సినిమా వచ్చి చాలా సంవత్సరాలు అవుతోంది. చివరగా ఐదేళ్ల కింద వచ్చిన 'వీర భోగ వసంత రాయలు' సినిమాలో కనిపించాడు ఈ నారా వారబ్బాయి. ఈ సినిమా తర్వాత మళ్లీ కెమెరా ముందు కనిపించలేదు. అయితే ఇన్నేళ్ల తర్వాత ఇప్పుడు మళ్ళీ సినిమాల్లోకి రీ ఎంట్రీ ఇస్తున్నాడు. 9 ఏళ్ల కిందట నారా రోహిత్ నటించిన 'ప్రతినిధి' సినిమాకు సీక్వెల్ తెరకెక్కుతున్న విషయం తెలిసిందే (పూర్తి వివరాలకు ఇక్కడ క్లిక్ చేయండి).


ఎయిర్ పోర్టులో సారాకు చేదు అనుభవం, అసభ్యంగా టచ్ చేసిన అభిమాని


సినీ తారలు జనాల్లోకి వచ్చినప్పుడు పలు రకాల ఇబ్బందులు ఎదురవుతాయి. హీరోయిన్లకు అయితే ఇబ్బందులు కాస్త ఎక్కువే ఉంటాయి. వారితో సెల్ఫీలు దిగేందుకు వచ్చి, అనుచితంగా ప్రవర్తించిన సందర్భాలు చాలా ఉన్నాయి. తాజాగా ఇలాంటి అనుభవాన్నే ఎదుర్కొంది బాలీవుడ్ క్యూట్ బ్యూటీ సారా అలీ ఖాన్ (పూర్తి వివరాలకు ఇక్కడ క్లిక్ చేయండి).




ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial