Devara Second Single: ఎన్టీఆర్ - జాన్వీ జంట ముద్దొస్తుంది కదూ... 'దేవర'లో రెండో పాట రిలీజ్ ఎప్పుడంటే?

NTR Janhvi Kapoor Still: మ్యాన్ ఆఫ్ మాసెస్ ఎన్టీఆర్, నయా అతిలోక సుందరి జాన్వీ కపూర్ జంట చూడముచ్చటగా ఉంది కదూ! అన్నట్టు... 'దేవర'లో ఈ జోడీ మీద తీసిన పాటను త్వరలో రిలీజ్ చేయనున్నారు.

మ్యాన్ ఆఫ్ మాసెస్ ఎన్టీఆర్ (Jr NTR) కథానాయకుడిగా తెరకెక్కుతున్న తాజా పాన్ ఇండియా సినిమా 'దేవర' (Devara Part 1). ఫస్ట్ సింగిల్ 'ఫియర్ సాంగ్' కొన్ని రోజుల క్రితం విడుదల కాగా... చార్ట్ బస్టర్ అయ్యింది. ఇప్పటికీ ఆ సాంగ్ ట్రెండింగ్ లిస్టులో ఉంది. అందులో ఎన్టీఆర్ ఉగ్ర రూపాన్ని చూపించారు దర్శకుడు కొరటాల శివ. ఇక ఇప్పుడు 'దేవర'లో రొమాంటిక్ యాంగిల్ చూపించడానికి రెడీ అయ్యారు. సినిమా నుంచి సెకండ్ సింగిల్ విడుదల చేయనున్నట్టు తెలిపారు. 

ఎన్టీఆర్ - జాన్వీ జంట... చూడముచ్చటగా!
Jr NTR and Janhvi Kapoor lovely still from Devara: 'దేవర'లో ఎన్టీఆర్ సరసన నయా అతిలోక సుందరి జాన్వీ కపూర్ నటిస్తున్న సంగతి తెలిసిందే. ఆల్రెడీ ఆమె ఫస్ట్ లుక్ విడుదల చేశారు. అయితే... ఇప్పుడు ఎన్టీఆర్ (NTR Look In Devara)తో ఉన్న స్టిల్ విడుదల చేశారు. అందులో ఈ జంట చూడముచ్చటగా ఉందని చెప్పడంలో ఎటువంటి సందేహం అవసరం లేదు.

ఆగస్టు 5న... అంటే ఈ సోమవారం 'దేవర పార్ట్ 1'లో ఎన్టీఆర్, జాన్వీ కపూర్ మీద తెరకెక్కించిన రొమాంటిక్ సాంగ్ విడుదల చేయనున్నట్టు చెప్పారు. అందులోది ఈ స్టిల్. ఆల్రెడీ వైరల్ అవుతోంది.

హీరో ఇంట్రడక్షన్ సాంగ్స్, హీరోయిజం నేపథ్యంలో వచ్చే పాటలకు అనిరుద్ రవిచందర్ (Anirudh Ravichander) స్పెషలిస్ట్ అని పేరు ఉంది. 'జైలర్'లో హుకుం సాంగ్ గానీ, 'విక్రమ్'లో 'ఇక మొదలెడదామా' సాంగ్ గానీ, 'దేవర'లో ఫియర్ సాంగ్ గానీ, అంతకు ముందు పలు సినిమాల్లో ఆయన ఇచ్చిన హీరో ఇంట్రడక్షన్ సాంగ్స్ చార్ట్ బస్టర్స్ అయ్యాయి. అయితే... ఆయన సంగీతంలో చార్ట్ బస్టర్ లవ్ సాంగ్స్ కూడా ఉన్నాయి. దాంతో 'దేవర' సెకండ్ సింగిల్ మీద అంచనాలు భారీగా ఉన్నాయి.

పాన్ ఇండియా స్థాయిలో సెప్టెంబర్ 27వ సినిమా!
Devara Part 1 Release Date: 'దేవర' ఐదు భాషల్లో విడుదల కానుంది. ఫస్ట్ సింగిల్ 'ఫియర్ సాంగ్'ను తెలుగుతో పాటు హిందీ, తమిళ, కన్నడ, మలయాళ భాషల్లో విడుదల చేశారు. ఇప్పుడీ రెండో పాట కూడా ఐదు భాషల్లో రానుంది. సినిమాను సైతం ఈ ఐదు భాషల్లో పాన్ ఇండియా, వరల్డ్ స్థాయిలో సెప్టెంబర్ 27న భారీ ఎత్తున థియేటర్లలోకి తీసుకు వస్తున్నారు.

'దేవర'లో సైఫ్ అలీ ఖాన్ (Saif Ali Khan) మెయిన్ విలన్ రోల్ చేస్తున్నారు. మరో విలన్ క్యారెక్టర్ కోసం 'యానిమల్' ఫేమ్ బాబీ డియోల్ (Bobby Deol)ను ఎంపిక చేశారు. కొరటాల శివ దర్శకత్వం వహిస్తున్న ఈ సినిమాను నందమూరి కళ్యాణ్ రామ్ సమర్పణలో కె హరికృష్ణ, మిక్కిలినేని సుధాక‌ర్‌ సంయుక్తంగా నిర్మిస్తున్నారు.